ABEKHIT 32:10 - AMÜSÜH HÜM CL Bible (BSI)

¹⁰ Kheakü jumonü, arü azhihde I bukakhiukde arü dükheakshihpü I langzü zojang. Tüsho inü nü trükshih ato khülang kamshihbah.”

ABEKHIT 32:10 Iomraidhean Croise

THRÜNTAN 12:2

Inü nü trükshih ato kamshihbah; inü nü müngühjihbah tüsho nü mung ato kamshihbah; tüsho nü müngühmühi labah.

MUNGSHIKHÜN 106:23

Küyimki Thrünpuhnü api mihtsürü thsümünimpü thakhea, apinü mokhitkhi yamlarü Mosanü Thrünpuh reanglode zhip tüsho arü thsümünimpü api bukakhiukkhi tukloshih.

ABEKHIT 22:24

tüsho I bukakhiukkhi takde akambah, tüsho inü nüsa nukshangnü alaksahbah; nüsa niuberü ju khimoberü tüsho nüsa tsührübo mürerü kambah.

ABEKHIT 32:11

Judüki Mosanü Atungpuh api Thrünpuh ki mushude tha, “ATUNGPUH , tümü thsükhi nünü nü wu ato tüsho wuto khahnü Ijip lomi chingnü bekhitkhi nü mihtsürü kheak bukakhiukcho?

ABEKHIT 32:19

Küyimki Mosa binkheampung thüninde arübah moshipung-nunu tüsho atsünkhi ngükhea, apinü müzüng jing kheak lungbeak mahne akhah chingnü jipa bahbah adütre kamde adanthünak.

ABEKHIT 33:3

Niuhke tüsho mukhuke bukkhi lomi ching wutuang; tüshe I a nüsa bolung matu, jude yungsho inü nüsa limro ching dükheakshihbah tümüde nüsa anihnih mihtsürü ah.”

JEREMIA 11:14

Jumonü, ha mihtsürübo thsungkheak dümushu, yungsho arü thsung thsüde düzhi yungsho dütamkhüntamnü, tümüde arü küpkhuk kim ching arünü I jikhi inü mani.

JEREMIA 14:11

Atungpuhnü I ki tha: Harü mihtsürü arung thsungkheak dütamkhüntamnü.

JEREMIA 15:1

Judüki Atungpuhnü I ki tha: Mosa tüsho Samuel I miki zhipzhip she, I mulong ha mihtsürü kilim murholo. I mikinü arü wukhiukshang, tüsho arübo tsoshang!

JEREMIA 7:16

Nünü harü mihtsürü thsungkheak dütamkhüntamnüjih, arü thsung thsüde düzhi yungsho dütamkhüntamnü, tüsho I ki dümushu, tümüde inü nü ki mani.

EZEKIEL 20:13

Tütüshe Israel mihtsürünü sunglo ching I azhih. Mihtsürünü mihyuanibah rhangdung lapü lalashe, arünü I yakzan thsükhibo müyan tüshe I yakzanbo bahyuk tüsho arünü shahde I amunibo müneanjih. Jumonü inü arü kheak I bukakhiuk dungkihbah tüsho sunglo ching arü dükheakshihbah de inü tha.

WÜHKHE 14:12

Inü arü ashebe tukthsünü ashikbah tüsho arü yamrüplurüp mulushih, tüshe inü nü arü kheaknü trük ato tüsho amürangbe kamshihbah.”

WÜHKHE 16:21

“Nüke boto chingnü atrütang, tüsho inü arübo khülangkiyu thsüde akheamshihbah.”

WÜHKHE 16:22

Tüsho anenü mi zhinbahle tha, “O Thrünpuh mihtsürü me alala Thrünpuh, mihtsürü khülang neak dün, boto alala kheak nü bukakhiukba de?”

YUZÜNGTHALO 9:14

I langzü zojang, junangde inü arü dükheakshihbah tüsho arü mung thüning bukkhüp chingnü nankhita bahjihbah; tüsho inü arü kheaknü nü sühmüh labe tüsho atobe trükshih kamshihbah.

YUZÜNGTHALO 9:19

Tümüde Atungpuhnü nüsa dükheakshihpü nüsa azhihde bukakhiukkhi tüsho khide masühkhi inü trede alakheah. Tüshe ju kim ching she Atungpuhnü I ki anido.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.