ABEKHIT 32:1 - AMÜSÜH HÜM CL Bible (BSI)

¹ Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

ABEKHIT 32:1 Iomraidhean Croise

THRÜNTAN 19:14

Jumonü Lotnü wukhiuk tüsho atsührübebo lurü api tsühmeakrübo ki tha, “Asürang, ha dangpung chingnü wukhiukang; tümüde Atungpuhnü ha kiuto dükheakshihbah!” Tüshe apinü keangrüchoh de atsühmeakbonü lüm.

THRÜNTAN 21:26

Tüsho Abimeleknü tha, “Ha shenü arhimokheanü inü mümükheah; nünü I ki mütha, yungsho khihni khiungde inü ju muso.”

THRÜNTAN 39:8

Tüshe apinü reanglo tüsho api putungrü niube ki tha, “Kheahang, thüyam ching I lung lakhi I putungrünü mümükheah, tüsho anihbuhnü api lakhi alala I khah ching jihdo.

THRÜNTAN 44:15

Tüsho Josepnü arü ki tha, “Nüsanü arhimokhi ha tümü a? I hadürü mihtsürünü arüngako rhimo hode ayimkhitbah de nüsanü mümükheahkhea de?”

THRÜNTAN 44:4

Tüsho küyimki arübo kiuto chingnü wukhiukbah limshu müyüyide alakhea, Josepnü api kimthsübuh ki tha, “Asürübah mihtsürübo müshamang; tüsho küyimki nünü arü yanphuhbanü arü ki thaang, ‘Tümüde nüsanü atsü müthri amütsü jihlokhea?

MUNGSHIKHÜN 106:19

Arünü Horeb ching moshi nunu khülang thsü tüsho sangthsü kingaün.

ABEKHIT 13:21

Tüsho Atungpuhnü arü müngüh animung amo dungtonü limro bepü tüsho azhing ching mo dungtonü arü kilim ayin jihpü yü, junangde animung tüsho are tsahpü lakheah.

ABEKHIT 14:11

Judüki arünü Mosa ki tha, “Ijip ching kiuyuk mülakhinü isa sunglo ching sheshihpü nünü bede arükhea de? Tümüde nünü isa Ijip chingnü bekhitkhea?

ABEKHIT 16:3

Tüsho Israelrünü arü ki tha, “O, isa Ijip lomi ching shih phüh ki binchoki tüsho bukthsüde yikhap tsühchoki Atungpuh khah hode isa müshede! Tümütüsho nünü isa ha boto alala sunglo ching akhümnü asheshihpü bekhitdo.”

ABEKHIT 20:23

Nüsanü I kheak atrude shotoyinchi thrünpuhbo, suna thrünpuhbo nüsa thsungkheak tümü düthsü.

ABEKHIT 24:12

Atungpuhnü Mosa ki tha, “I kilim müzüng kheak atuang tüsho ju ching aleangang; tüsho inü nü kilim inü athrütkhi lungbeakbo, yakzan tüsho thiyukhümbo nünü arü ki thsangyushihpü jihbah.”

ABEKHIT 24:18

Jumonü Mosanü amo phulung ju yüzah tüsho müzüng kheak wutu. Tüsho Mosa ju nimung yirü tüsho tsüngre yirü müzüng kheak lakheah.

ABEKHIT 32:11

Judüki Mosanü Atungpuh api Thrünpuh ki mushude tha, “ATUNGPUH , tümü thsükhi nünü nü wu ato tüsho wuto khahnü Ijip lomi chingnü bekhitkhi nü mihtsürü kheak bukakhiukcho?

ABEKHIT 32:22

Aronnü alo, “I tungpuh, bukdakhiuk; harü mihtsürü amütsü rhimopü lümkihkhi nünü mükheahlah.

ABEKHIT 32:23

Tümüde arünü I ki tha, ‘Isa müngüh yüpü thrünpuhbo thsüjang; tümütüsho isa Ijip lomi chingnü bekhitbuh Mosa kheak tümü dünjia lanü isanü mümükheah.’

ABEKHIT 32:7

Tüsho Atungpuhnü Mosa ki tha, “Yükiang, tümütüsho nünü Ijip lomi chingnü bekhitkhi nü mihtsürü müneana lah.

ABEKHIT 33:3

Niuhke tüsho mukhuke bukkhi lomi ching wutuang; tüshe I a nüsa bolung matu, jude yungsho inü nüsa limro ching dükheakshihbah tümüde nüsa anihnih mihtsürü ah.”

EZEKIEL 20:8

Tüshe arünü I azhih tüsho I ki mani; arü mük ki lakhi athraneanbe mejakbo arünü yihkhita mübah, yungsho arünü Ijip sangthsübo mübahyuk. Jumonü I mulong zhipzhip arü kheak dungkihpü tüsho Ijip ching arü kheak I bukakhiukpü inü tha.

HOSEA 12:13

Wukihrü hode Atungpuhnü Israel Ijip chingnü bede atu, tüsho wukihrünü api aheang.

MIKA 6:4

Tümüde inü nüsa Ijip lomi chingnü bekhit, tüsho azhorü yamkhün chingnü nüsa rhokhit; tüsho inü nüsa müngüh Mosa, Aron, tüsho Miriam yüshih.

WÜHKHE 14:22

tümütüsho Ijip sunglo ching I müretahkhi, tüsho inü khinthiyinbe rhimokhi ngürü mihtsürü alalanü kheakü I ki thürü ki rükakido, tüsho I yu mani,

MATHI 24:43

Tüshe ha mükheahang, thüyam putungrünü ahührü arüpü kim mükheahkhülaa, apinü aheangde alabah tüsho api yam müchakashungshihpü lakheah.

MATHI 24:48

Tüshe ju yamlarü mihbukmuyuk lasho tüsho nihbuh küdahnü, ‘I putungrü arüpü ruhde lah’ de thasho,

YUNIRÜBO RHIMO 17:29

Jumonü Thrünpuh tsührübo a le, isanü aphü ju suna, shotoyinchi, lung, kikiukkhi tüsho mihtsürü lümkhi nangde ah de mülümbeah.

YUNIRÜBO RHIMO 19:26

Tüsho Efisia ching lang yungde Asia alala ching Paulnü, khahbonü athsükhi thrünpuhbo a thrünpuhbo yung de thade mihtsürü ahihkhüh münityukde atsokhi nüsanü ngülah tüsho sochoh.

YUNIRÜBO RHIMO 7:40

Aron ki tha, ‘Isa müngüh yüpü isa thsungkheak thrünpuhbo thsüjang; tümüde isa Ijip lo chingnü bekhhitbuh Mosa kheak tümü dünjia lanü isanü mümükheah.’

YUZÜNGTHALO 31:8

Atungpuhnü nü bebah tüsho nü lung labah. Apinü nü müdükhe yungsho mübahyuk; dütre yungsho mulong dünini.”

YUZÜNGTHALO 9:1

“O Israel aniang: Nüsa khihni Jordan hode ayübah, tüsho nüsa kheaknü atobe tüsho sühmüh lakhi trükbo, chipi ato tüsho thüning khiungde ayünkhi kiutobo yanabahbah,

YUZÜNGTHALO 9:9

Atungpuhnü nüsa kilim thsüjihkhi tangzüng lungbeakbo leangkhia lupü küyimki I müzüng ching wutukhea, inü müzüng ching nimung yirü tüsho tsüngre yirü mung; inü yikhap she mütsüh yungsho ke she muyung.

JIHUSUA 7:13

Asürang! Mihtsürübo tsangkhitang tüsho I kilim bedarüpü thsakhamang. Arü ki shido arüpü thaang, tümütüsho I, Atungpuh Israel Thrünpuhnü athapü ha lah: O Israel, thsümünima bahpü inü thiyukhüm jihkhi kukruk khürü nüsa bolung lah, jurübo kukruk nüsanü yihkhita mübahyikia nüsanü nüsa riri müngüh müzhipkhuk.

2 PETER 3:4

Arünü athabah, “Api arüpü alokhikhi küching la? Isa bebuhrübo sheabahdo, tüshe lüpdükhi alomiküp thrünchoki ruk lang lah.”