ABEKHIT 31:2 - AMÜSÜH HÜM CL Bible (BSI)

² “Kheahang, inü Juda trük Hur tsührü, Uri tsührü Bezalel mokhitdo,

ABEKHIT 31:2 Iomraidhean Croise

1 KIULONG THSÜRÜ 7:14

Api ju Naphtali trük khimoberü tsührü, abuh ju Tair mihtsürü, api ju müwayinchi rhimosorü lakheah; api rükri, lümzülümdo, tüsho müwayinchi rhimopü ching mükheahmudunü mide alakheah. Api kiulongthsüpuh Solomon kilim arü, tüsho anihbuh rhimo alala rhimo.

2 KIUTHSÜYUKHEAN 1:5

Tüshe Hur tsührü Uri tsührü Bezalelnü athsükhi müwayinchi kingaün sadam ju ching Atungpuh arüngkhimyam miki lakheah. Tüsho Solomon le amukhungrünü ju dünkheak atsangashua kheah.

ABEKHIT 17:10

Jumonü Mosanü athakhi nangde Jihusuanü rhimo. Mosa le Aron tüsho Hur arünü awung mujuk kheak yükih.

ABEKHIT 33:12

Mosanü Atungpuh ki tha, “Harü mihtsürü bepü nünü I ki thade la, tüshe I lung shepü yübanü nünü I ki mümükheahshih. Inü nü mungnü mükheahlah tüsho I miki mihmüthsüm ngüdo de nünü tha.

ABEKHIT 33:17

Judüki Atungpuhnü Mosa ki tha, “Nünü athakhi inü arhimobah; tümüde nü I miki mihmüthsüm ngüdo, tüsho inü nü mungnü mükheahlah.”

ABEKHIT 35:30

Judüki Mosanü Israelrü ki tha, “Kheahang, Juda trük Hur tsührü, Uri tsührü Bezalel Atungpuhnü mokhitdo,

ABEKHIT 36:1

“Bezalel le Aholiab, tüsho Atungpuhnü arüngako alala rhimopü lümlung tüsho mükheahmudu jihrü abannü Atungpuhnü thiyukhüm jihkhi alala yande arhimobah.”

ABEKHIT 37:1

Judüki Bezalelnü akasia sangnü sangdan thsü; ayunglim khahnap 2 kheak damshakkhüh, atolim khahnap I kheak damshakkhüh, tüsho achanglim khahnap I kheak damshakkhüh.

ABEKHIT 38:22

Juda trük Hur tsührü, Uri tsührü Bezalelnü Atungpuhnü Mosa ki thiyukhüm jihkhi alala rhimo;

ABEKHIT 38:23

tüsho api lung Dan trük Ahisamak tsührü Aholiab, dozüdodorü tüsho thsüsonungnürü, biyi le mürümmuchu, aneakrüm hing tüsho atsüdak khimthünak keaksorü lakheah.

JOHAN 3:27

Johannü alo, “Yinmi chingnü api ki müjih-a lasho mihtsürünü tümü leangkhikhukpü.”