ABEKHIT 31:17 - AMÜSÜH HÜM CL Bible (BSI)

¹⁷ Ha Israel mihtsürü le I dükeak lünnü amütsan khülang labah, tümütüsho I Atungpuhnü yinmi tüsho alomi nimung thuruk chingnü thsükhi, tüsho athüne nipü inü rhimo chingnü tuklo tüsho sühakhim.’ ”

ABEKHIT 31:17 Iomraidhean Croise

THRÜNTAN 1:31

Thrünpuhnü apinü athrünkhi alala ngü tüsho ha khide tsüde alakheah. Tüsho ju athuruk nimung arelim tüsho yapsu lakheah.

JOB HU H T ANYU 38:7

küyimki yapsu chiningbonü rukhüh khün thsücho, tüsho Thrünpuh tsührübo alalanü asühachihde zhicho?

MUNGSHIKHÜN 104:31

Atungpuh müretahkhi lünnü rünkhiungshang; Atungpuhnü api yubo ching asühshang.

ABEKHIT 20:11

Tümütüsho Atungpuhnü nimung thuruk chingnü thüningbo tüsho alomi, keto tüsho ju ching lakhi alala thrün, tüsho thüne nipü sühakhim. Jumonü Atungpuhnü amunimung müngühjih tüsho müsühkhit.

ABEKHIT 31:13

“Israelrü ki thaang, ‘Nüsanü I yo amunibo mungbeah, tümüde ha I tüsho nüsa dükeak nüsa lünbo amuyung amütsan khülang lah, junangde I nüsa tsangkhitbuh Atungpuh de nüsanü mükheahbah.

ABEKHIT 31:16

Israel mihtsürünü ha nimung ju tangzüng amütsan khülang thsüde azobeah.

ISAIA 58:13

Nünü amuni junokhi chingnü I yo amüsüh nimung ching nü künkhi müshamkhi chingnü chamkhisho; nünü ha asühpü tüsho Atungpuh nimung wüntrebe amüsüh nimung de jisho; nünü ju akin jihsho, nü limrobo ching müyüde, nü künkhi mürhimode, yungsho nü yubo masuksho;

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

EZEKIEL 20:12

Kheaküshe isa dükeak amütsan thsüde arü kilim I yo amunibo jih, junangde I Atungpuhnü jurü müsühkhitdo de arünü mükheah.

EZEKIEL 20:20

I amunibo müsühde zoang, junangde jurübo isa dükeak amütsan khülang labah. Judüki I Atungpuh nüsa Thrünpuh de nüsanü mükheahbah.”

IBRI 4:10

tümüde shepünü Thrünpuh sühakhim ching yüzahchonü Thrünpuhnü arhimokhi nangde nihbuh rhimobo zokheamchoh.