ABEKHIT 31:15 - AMÜSÜH HÜM CL Bible (BSI)

¹⁵ Nimung thuruk rhimo rhimobah, tüshe athüne nipü ju sühakhim amuni, Atungpuh kilim amüsüh lah. Shepünü amuni rhimo rhimobanü asheshihbah.

ABEKHIT 31:15 Iomraidhean Croise

THRÜNTAN 2:2

Thrünpuhnü rhimode arükhi nimung thüne nipü arün thsü, tüsho api rhimo alala chingnü thüne nipü sühakhim.

ABEKHIT 16:23

Apinü arü ki tha, “Atungpuhnü ha thiyukhüm jih: ‘Shido a sühakhim nimung, Atungpuh kilim amüsüh amuni labah. Jumonü nüsanü tümü khapa taknelanü khapa takang tüsho tümü ngüpnelanü ngüpang. Aningkhi ju yapsu khiungde tsüde zoang.’ ”

ABEKHIT 16:26

Nimung thuruk nüsanü ju momukhungbah, tüshe athüne ni amuni a tümü müla.”

ABEKHIT 23:12

Nünü nimung thuruk nü rhimo thsübah tüsho thüne nipü sühakhimbah, junangde nü moshipung le donki sühakhimbah, tüsho nü yamkhün ching azhorü tsührü tüsho khiungkerübo süh shilobah.

ABEKHIT 31:14

Amuni mungang, tümütüsho ha nüsa thsungkheak amüsüh lah; ha thsümünimrü aban asheshihbah; shepünü ha nimung rhimo rhimobanü api ju nihbuh mihtsürü lungnü khekhita bahbah.

ABEKHIT 31:16

Israel mihtsürünü ha nimung ju tangzüng amütsan khülang thsüde azobeah.

ABEKHIT 31:17

Ha Israel mihtsürü le I dükeak lünnü amütsan khülang labah, tümütüsho I Atungpuhnü yinmi tüsho alomi nimung thuruk chingnü thsükhi, tüsho athüne nipü inü rhimo chingnü tuklo tüsho sühakhim.’ ”

ABEKHIT 34:21

“Nüsanü nimung thuruk rhimobah, tüshe thüne nipü sühakhimbah; thulu mülappü tüsho yimlu kim ching nüsanü sühakhimbah.

ABEKHIT 35:2

Nimung thuruk rhimo rhimobah, tüshe thüne nipü ju nüsa amüsüh nimung, Atungpuh kilim sühakhim Amuni labah. Shepünü ha nimung rhimo rhimobanü asheshihbah.

ABEKHIT 35:3

Amuni nüsa lapungbo ching mo she düthsü.”

EZEKIEL 46:1

Atungpuh Thrünpuhnü ha thachoh: Alungbe khikzhakpung ripit aniakhiuklim abinkhi ju rhimopü lakhi nimung thuruk ni rihdoa labah; tüshe amunimung tüsho khinu aso nimung ha khimshuhbah.

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 23:3

Nimung thuruk rhimo rhimobah, tüshe thüne nipü a sühakhim amunimung, amüsüh kingaünpü nimung. Nüsa küching küching lalashe, nüsanü rhimo tümü she mürhimobeah, ha Atungpuh amunimung khülang ah.

LEVI 23:32

Ha nüsa thsungkheaknü sühakhimpü amunimung ah, tüsho nüsanü nüsa nihbe küdah thsüde thsünüang. Khinu ching nimung tuku nipü arelimnü ashirepü khiungde nüsanü amunimung yihkhia lubeah.

LUKNÜ ATHRÜTKHI THIYUSHEAK-ATSÜ HUHTANYU 13:14

Tüshe sinagog yakzanshuhbuhnü bukakhiuk, tümütüsho Jisunü Amuni thsüngu; tüsho apinü boto ki tha, “Mihtsürübonü arhimopü nimung thuruk lah; jumonü arang tüsho jurü ching thsüngua lung, tüshe Amuni yung.”

LUKNÜ ATHRÜTKHI THIYUSHEAK-ATSÜ HUHTANYU 23:56

Jushu arünü alode arübah thüneathürabebo tüsho rhümthünea müdangkebo thsakham. Tüsho arünü thiyuzüng yande Amuni sühakhim.

YUZÜNGTHALO 5:12

“Atungpuh nüsa Thrünpuhnü thiyukhüm jihkhi nangde nünü amunimung muang tüsho müsühde zoang.

IBRI 4:9

Junangde Thrünpuh mihtsürübo thsungkheak amuni sühakhim aninga lah;