ABEKHIT 31:13 - AMÜSÜH HÜM CL Bible (BSI)

¹³ “Israelrü ki thaang, ‘Nüsanü I yo amunibo mungbeah, tümüde ha I tüsho nüsa dükeak nüsa lünbo amuyung amütsan khülang lah, junangde I nüsa tsangkhitbuh Atungpuh de nüsanü mükheahbah.

ABEKHIT 31:13 Iomraidhean Croise

NEHEMIA 9:14

Amunimung mümihde azopü nünü arü ki mükheahshih, tüsho nü yamlarü Mosa hode arü ki thiyukhüm, thiyuzüng tüsho yakzanbojih. @1-LINE- SP ACE=

ABEKHIT 31:12

Atungpuhnü Mosa ki tha,

ABEKHIT 31:17

Ha Israel mihtsürü le I dükeak lünnü amütsan khülang labah, tümütüsho I Atungpuhnü yinmi tüsho alomi nimung thuruk chingnü thsükhi, tüsho athüne nipü inü rhimo chingnü tuklo tüsho sühakhim.’ ”

ISAIA 56:2

Ha rhimokhi mihtsürü, shepünü ha düngde ramrihcho, shepünü amuni mungcho, ju mümüneancho, tüsho amütsü rhimopü chingnü akhah tuklochonü asühpü.

JEREMIA 17:22

Tüsho amunimung nüsa yam chingnü hah dühankhit yungsho rhimo tümü düthsü, tüshe inü nüsa jipürü ki thiyukhüm jihkhi nangde, amunimung müsühde zoang.

EZEKIEL 20:12

Kheaküshe isa dükeak amütsan thsüde arü kilim I yo amunibo jih, junangde I Atungpuhnü jurü müsühkhitdo de arünü mükheah.

EZEKIEL 20:20

I amunibo müsühde zoang, junangde jurübo isa dükeak amütsan khülang labah. Judüki I Atungpuh nüsa Thrünpuh de nüsanü mükheahbah.”

EZEKIEL 37:28

Judüki arü bolung I arüngakopung lünnü alachoki, I Atungpuhnü Israel müsühkhitchoh de trükshihbonü mükheahbah.

EZEKIEL 44:24

Atsangachihkhi ching arünü mahkhaprü nangde arhimobah, tüsho I mahkhapkhi yande arünü khapzhakbah. Akhukhitkhi I yo thüniobo dünkheak arünü I yakzanbo tüsho I yuzüngbo alala zobah, tüsho arünü I yo amunibo müsühde azobah.

LEVI 19:3

Nüsa mihbüm abannü berü tüsho buhrü wüntreang, tüsho I yukhüm yande amuni mungbeah. I Atungpuh nüsa Thrünpuh.

LEVI 19:30

I amunimung yihkhialung, tüsho I kingaünpung arüngyam kheak wüntreang. I Atungpuh ah.

LEVI 20:8

I yakzan thsükhi anide rhimoang: I nüsa müsühkhitjihbuh Atungpuh .

LEVI 21:8

Jumonü arübo amüsüh ah de khejang, tümüde arünü nüsa Thrünpuh tsühyungpü jihchoh; arübo nüsa kilim amüsüh labah, tümüde I Atungpuh ; I nü müsühkhitjihbuh, amüsüh ah.

LEVI 23:3

Nimung thuruk rhimo rhimobah, tüshe thüne nipü a sühakhim amunimung, amüsüh kingaünpü nimung. Nüsa küching küching lalashe, nüsanü rhimo tümü she mürhimobeah, ha Atungpuh amunimung khülang ah.

LEVI 25:2

Israel mihtsürübo ki thaang, küyimki nüsa inü ajihkhi lomi ching arübanü, alonü Atungpuh thsungkheak amuni mungang.

LEVI 26:2

Nüsanü I yo amunibo zoang tüsho I yo amüsüh dangpung wüntreang: I Atungpuh ah.

AMOS 8:5

ha tha, “ Küyimki khinu aso hobaki, junangde isanü hi yinbah; tüsho amuni hobaki, junangde isanü yukyinpü thsungkheak wheat hi jihbah? junangde isanü alü kheangbah, amülim adünara ahoribah, tüsho thülothiyirü ki akeara ching rük thsübah,

MATHI 23:17

Nüsa müktukrü makharübo! Suna le suna müsühkhitkhi arüngyam shepü atobe a?

JOHAN 17:17

Nü thiyuro hode arü tsangkhitjang. Nü yu ju thiyuro ah.

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

YUZÜNGTHALO 5:12

“Atungpuh nüsa Thrünpuhnü thiyukhüm jihkhi nangde nünü amunimung muang tüsho müsühde zoang.

1 TESALONIKA 5:23

Thrünpuh mungtsünü nüsa abümnü tsangkhitshang; tüsho isa Atungpuh Jisu Khrista arüchoki nüsa me rhangdung tüsho pang areak mükihde zoang.

JUDNÜ ATHRÜTKHI KIHÜM HUHTANYU 1:1

Jisu Khrista tankihrü tüsho Jakob niurü Jud kilimnü, Jia larü, Thrünpuh tüsho Abuh kheak amuzho tüsho Jisu Khrista mükühbah alarü kilim: