ABEKHIT 30:3 - AMÜSÜH HÜM CL Bible (BSI)

³ Aku le athrip alala tüsho ajuhbo suna müthsünnü lüpdoang, tüsho amung yeande suna yukang.

ABEKHIT 30:3 Iomraidhean Croise

1 KIULONG THSÜRÜ 6:20

Alungbe arüngyam ju ashanglim khahnap 20, atolim khahnap 20, achanglim khahnap 20; apinü ju suna müthsünnü lüpdo. Kheaküshe apinü kingaün sadam ju cedarnü lüpdo.

1 KIULONG THSÜRÜ 6:22

ju khin, apinü atsüdakshihpü thsüde thüyam alala ju sunanü lüpdo; alungbe arüngyam yo kingaün sadam she apinü sunanü lüpdo.

1 KIULONG THSÜRÜ 7:48

Jumonü Atungpuh yam ching lakhi kukrukbo alala Solomonnü thsü: suna kingaün sadam, ahuhbe yikhap zopung suna dükhüm,

ABEKHIT 25:11

Aleanglim tüsho alunglim suna müthsün lüpkihang tüsho amünküp alala yande suna yihkihang.

ABEKHIT 25:24

Nüsanü ju kheak suna müthsün lüpkihang tüsho alala mükamde suna yihkihang.

ABEKHIT 30:2

Ayunglim khahnap 1, atolim khahnap 1, tüsho achanglim khahnap 2nü arihkhühnü thsang. Ju kheak ajuhbo kihshang.

ABEKHIT 30:4

Ju hanbe suna phuhpho mahne thsang tüsho amung yean khüp ahanbe sangkhrih tholopü thrip mahne kheak yihkihang.

AMIKHEAKAKHIUKKHI 8:3

Yunirü püpü arü tüsho suna mophuru shuhbah kingaün sadam kheak zhip; tüsho amüsührü alala tamkhüntamnükhi lungnü kiulongthsü-binkiu miki suna kingaün sadam kheak jihpü api kilim rhümthüneabe hihde jih;