ABEKHIT 30:13 - AMÜSÜH HÜM CL Bible (BSI)

¹³ Wühkhe ching kheyukrü abannü arüngyam ching yo shekel yande gera 20 adünkhi shekel chamshakkhüh jihbeah. Ha shekel chamshakkhüh ju Atungpuh kilim kingaünkhi ah.

ABEKHIT 30:13 Iomraidhean Croise

THRÜNTAN 23:15

“I tungpuh, I ki aniang; alo ju shotoyinchi nak 400 dün ah, ike dükeak tümü la? Jumonü nü yo ashemi kiuyuka bahang.”

2 KIULONG THSÜRÜ 12:4

Joashnü amükeamrübo ki tha, “Amüsüh kingaün Atungpuh yam ching lude arükhi sho alala thremukhungang–wühkhe sho tüsho arung kingaün sho Atungpuh yam ching lude arükhi,

2 KIULONG THSÜRÜ 12:5

amükeamrübonü ajihrü aban kheaknü leangkhishang; tüsho arünü athsülopü yimkhitkhi yihnüpü ching thüyam asuhloshang.”

ABEKHIT 30:14

Wühkhe ching kheyukrü aban kam 20 akumungnü Atungpuh kilim kingaün jihbah.

ABEKHIT 38:24

Arüngakopung thsungkheak Atungpuh kilim müsühkhitkhi suna adünkhi ju arüngakopung shekel yande khahngak 1000 lakheah.

ABEKHIT 38:26

mihtsürü aban arüngakopung shekel chamkhüh yo beka 1. Kam 20nü akumung azorü wühkhekhi ju mihtsürü 603,550 lakheah.

EZEKIEL 45:12

Shekel ju gera 20 labah. Nüsa thsungkheaknü shekel 20, shekel 25, tüsho shekel 15 ju mina khülang labah.

LEVI 27:25

Adün akhukhi alala arüngyam ching lakhi shotoyinchi yande alabah: gera 20nü shekel 1 akhubah.

LEVI 27:3

athrürü kam 20 le 60 dükeak arüngyam ching akhukhi yande shotoyinchi 50 dünde akhuang;

LEVI 5:15

Khürünü müreanglimnü amüsüh kukruk Atungpuh kilim müjihde lakpheansho, apinü ashaklo kingaün Atungpuh kilim lapha mükihkhi namfimihnu yungsho mihnupung handarübah. Tüsho ju arüngyam ching lakhi düpüt 11.5nü adünang; tüsho ha amülim thsükhi kingaün ah.

WÜHKHE 18:16

Azürü khinu khülang bankhitkhi ju arüngyam ching akhukhi shotoyinchi 5 jihbah arhokhitbeah.

WÜHKHE 3:47

Nünü mihbüm khülang kheaknü shotoyinchi nak 5 luang; nünü ju arüngyam ching lakhi gera 20nü shekel 1 khekhi yande luang.

WÜHKHE 7:67

api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

WÜHKHE 7:86

suna mopungphüh 12 arhümthüneabe zahkhi arüngyam ching yo shekel 10 dünkhi suna mopungphüh alala dünkhi ju shekel 120;

MATHI 17:24

Küyimki arü Kapernaum ching arükhea, arüngyam ruk-threrü Peter kilim arü tüsho tha, “Nü thsangyurünü arüngyam ruk müjihcho de?”

MATHI 21:12

Judüki Jisunü arüngyam ching yüzahbah shothsümolorü alala yankhit tüsho sho müthriachihrü dükhümbo le müthrithrümpü yinrü binkiubo lahyuka bahjih.

MATHI 27:24

Küyimki Pilatnü tümü müthsükhukde boto arhunganim tankihkhi ngükhea, apinü ke lubah boto miki akhah mütsakde tha, “Thiyuro mihtsürü thiyih bukkhi I amülim müla. Ju nüsa küdah thsang!”