ABEKHIT 3:8 - AMÜSÜH HÜM CL Bible (BSI)

⁸ Ijiprü khah chingnü arü khümkhitpü tüsho ju lomi chingnü bekhitbah alomi atsü tüsho niuhke le mukhuke bukkhi Kananrü, Hitrü, Amorrü, Perizrü, Hivrü tüsho Jebusrü lapung bede ayüpü I akikheah.

ABEKHIT 3:8 Iomraidhean Croise

THRÜNTAN 11:5

Tüshe mihtsürü tsührübonü athsükhi kiuto tüsho rünchang kheahpü Atungpuh aki.

THRÜNTAN 11:7

Arang, isanü yükianü tüsho arü yutha yingyingde kamshihanü, junangde arü khülangnü khülang manikhitachihde alabah.”

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 15:14

Tüsho arünü atankihpü lakhi trükshih she inü mahkhapbah; ju dunglim arübo lakhit ato lubah akhiukbah.

THRÜNTAN 18:21

arü azhihde azhikhi inü asokhi atsütsü a shi yungnü ayimkhitpü I kheakü yükibah.”

THRÜNTAN 43:11

Tüsho arü abuh Israelnü arü ki tha, “Jude athsübeasho, hade thsang: Lomi chingnü akhiukkhi atsüdak sangaso khürü nüsa hahbo ching hanbah mihtsürübuh kilim thsambah thsüde yükiang–molike tüsho mukhuke anükhüh, rhümthüneabe tüsho jinjinlak, pista sangaso tüsho almondbo.

THRÜNTAN 46:4

I nü lung Ijip lim yükibah, tüsho inü tsükjide nü belode atubah; tüsho Josep khahnü nü mük müyitdojihbah.”

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

1 KIUTHSÜYUKHEAN 1:15

Hivrü, Arkrü, Sinirü,

NEHEMIA 9:8

Nü kheak thiyuro lah de nünü api ngü tüsho api kheak tangzüng. Nünü api kheak Kananrü, Hitrü, Amorrü, Perizrü, Jebusrü tüsho Girgashrü lo api tsühsoniuso lashihpü thiyuchihchim. Nünü thiyuchihchimkhi rhimodo, tümüde nü thiyuro. @1-LINE- SP ACE=

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 12:6

Atungpuhnü alokhikhibo ju motru ching thüne ki tsangkhitkhi shotoyinchi nangde lah.

MUNGSHIKHÜN 34:8

Atungpuh tsükhi rükakheahang tüsho kheahang; mihtsürü shepü api kheak tsoyukchonü asühpü.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

ABEKHIT 12:41

Kam 430 akheam nimung, Atungpuh mihtsürü trükbo alala Ijip chingnü wukhiuk.

ABEKHIT 12:51

Tüsho ju nimung ching Atungpuhnü Israelrü arü bonungrü ayannü Ijip chingnü bekhit.

ABEKHIT 13:5

Küyimki Atungpuhnü nüsa jihpü nüsa jipürü ki alokhikhi Kananrü, Hitrü, Amorrü, Hivrü tüsho Jebusrü niuhke tüsho mukhuke bukkhi lo ching bede yüzahbanü nüsanü ha khinu ching amukhung laang.

ABEKHIT 3:17

Inü nüsa Ijiprü azhorü kuhi chingnü bekhitbah Kananrü, Hitrü, Amorrü, Perizrü, Hivrü tüsho Jebusrü lomi niuhke tüsho mukhuke bukkhi lomi ching bebah ayüpü alokhido.

ABEKHIT 34:11

Khihni inü nüsa ki thiyukhüm jihkhi mihyuaniang. Kheahang, inü nüsa müngühnü Amorrü, Kananrü, Hitrü, Perizrü, Hivrü tüsho Jebusrü yankhita bahchoh.

ABEKHIT 5:23

Inü Pharao kilim nü mung chingnü athapü arükinü, apinü ha mihtsürübo kheahmüchihdo. Tüsho nünü nü mihtsürübo bekhitpü tümü mürhimo.”

ISAIA 36:17

I arübah nüsa lo nangde alakhi hi tüsho yukhu lo, yikhap tüsho kurungasolu lo ching bede müyüyi khiungde.

ISAIA 64:1

O nünü yinmi chakashungbah akikhülaa, junangde awungbonü nü miki niukbah–

JEREMIA 11:5

junangde khihni lakhi nangde nüsa jipürü ki niuhke tüsho mukhuke bukkhi lomi jihpü thiyuchihchimkhi inü arhimobah. Judüki inü alo, “Jude thsang, Atungpuh .”

JEREMIA 2:7

Inü nü suhdahkhi lomi ching sangaso tüsho atsü mungjibo tsühshihpü bedarü. Tüshe küyimki nü yüzahkhea, nünü I lomi müneanabah, tüsho I yamrüplurüp athraneanbe kamshih.

JEREMIA 32:22

tüsho nünü arü jipürü kilim niuhke tüsho mukhuke bukkhi lomi jihpü thiyuchihchimkhi arü kilim ha alomi jih;

EZEKIEL 20:6

Ju nimung inü arü ki Ijip chingnü arü thsungkheak yimkhitkhi niuhke tüsho mukhuke bukkhi lomi, alala kheaknü khide akhamkhi lomi ching bekhitpü arü ki thiyuchihchim thsü.

LEVI 20:24

Tüshe inü nüsa ki tha, “ Nüsanü arü lo yamrüplurüp lubah tüsho niuhke le mukhuke bukde alakhi lomi nüsa lashihpü inü nüsa kilim jihbah.” I Atungpuh nüsa Thrünpuh; apinü nüsabo mihtsürü bolungnü bemuwuh.

AMOS 2:10

Kheaküshe inü nü Ijip lomi chingnü bekhit, tüsho Amorrü lo müküh-a lushihpü kam yirü sunglo ching be.

WÜHKHE 13:18

tüsho alomi ju küdürüanü kheahang, tüsho ju lomi ching larü mihtsürü ju müküpla shi yiuhyiuhla, anükhüh a shi ahihkhüh a,

WÜHKHE 13:19

tüsho arü lakhi lomi ju tsüla shi mütsü, arü lakhi kiutobo ju chipi thsüla shi müthsü,

WÜHKHE 13:27

Tüsho arünü Mosa ki tha, “Nünü athiyikhi lomi ching isa yüdo. Dükde ju ching niuhke tüsho mukhuke bukchoh, tüsho ha ju ching yo sangaso ah.

JOHAN 3:13

Mihtsürü Tsührü yinmi chingnü akikhi kheak hode shenü she yinmi ching müyükihyi.

JOHAN 6:38

Tümüde I lümkhi yungde I thiyibuh lümkhi rhimopü I yinmi chingnü akikheah.

YUZÜNGTHALO 1:25

Arübonü sangaso khürü she arü khah chingnü shuhbahle isa kilim aki; tüsho Atungpuh isa Thrünpuhnü isa kilim jihkhi lo tsülah de thiyusheak hanlobah arü.

YUZÜNGTHALO 1:7

Rholoang tüsho nüsa tsahmusuang, tüsho Amorrü wungbo, adükhün ching lakhi phünirü lapungbo, awungbo tüsho lokeambo, düjinglim tüsho keto yean Kanan tüsho Lebanonrü lo ching, Euphra yung ato khiungde yüang.

YUZÜNGTHALO 27:3

Küyimki nüsa hode yübah Atungpuh nüsa Thrünpuhnü ajihkhi niuhke tüsho mukhuke bukkhi lomi ching nüsa jipürü Thrünpuhnü nüsa kheak thiyuchihchimkhi nangde yüzahbanü nüsanü ha yakzan jurübo kheak thrütang.

YUZÜNGTHALO 28:11

Tüsho Atungpuhnü nüsa jipürü ki nüsa jihpü alokhikhi lo ching, nüsa tsührübo, akam-shiwüh, tüsho alo chingnü akhiukkhi suhdahde ajihbah.

YUZÜNGTHALO 6:3

Jumonü O Israel aniang, tüsho ha yande arhimopü kümkangang, junangde nüsa tsüde alabah, tüsho Atungpuh nüsa bebuhrü Thrünpuhnü nüsa ki thiyuchihchimkhi nangde niuhke tüsho mukhuke bukde alakhi lomi ching tode wüh bubah.

YUZÜNGTHALO 7:1

“Küyimki Atungpuh nüsa Thrünpuhnü nüsanü amükühpü lakhi lo ching bedarübanü, tüsho nüsa müngühnü trükshihbo, Hitrü, Girgashrü, Amorrü, Kananrü, Perizrü, Hivrü tüsho Jebusrü, trükshih atoto thüne nüsa kheaknü sühmüh lakhi yankhitbanü,

JIHUSUA 5:6

Tümüde thirithsürü mihtsürü Ijip chingnü akhiukkhi müshekhamyi khiungde Israelrü sunglo ching kam yirü tsah, tümütüsho arünü Atungpuhnü athakhi mani; Atungpuhnü arü jipürü ki niuhke tüsho mukhuke bukkhi lo jihpü thiyuchihchimkhi arünü müngüshih de Atungpuhnü thiyuchihchim.

JIHUSUA 9:1

Israelnü akukkhi yusheak Jordan aniyüzahlim kiulongthsürübo awungbo ching, lokeam lobo ching, tüsho Lebanon aku limpeang Mediterranean keto yeanbo lakhi ching soride yü, jurübo ju Hitrü, Amorrü, Kananrü, Perizrü, Hivrü tüsho Jebusrü kiulongthsürübo lakheah.

JIHUSUA 9:7

Tüshe Israelrübonü Hivrü ki tha, “ Tümüde isanü nüsa kheak binthrüm thsüpü? Khükijua nüsa a le aphüni larü labah.”