ABEKHIT 3:20 - AMÜSÜH HÜM CL Bible (BSI)

²⁰ Tüshe inü I khah chungde Ijip kheak lakbah, junangde khinthiyinbebo rhimobah. Jushu apinü nüsa yüshihbah.

ABEKHIT 3:20 Iomraidhean Croise

THRÜNTAN 15:14

Tüsho arünü atankihpü lakhi trükshih she inü mahkhapbah; ju dunglim arübo lakhit ato lubah akhiukbah.

NEHEMIA 9:10

Pharao kiulongthsüpuh, atorü tüsho ju lo mihtsürü azhihde mükheahmihbe tüsho khinthiyinbe yüshih, tümüde arünü nü mihtsürü küde junokheanü nünü mükheah. Nünü nü mungthukhi khihni khiungde lah.

MUNGSHIKHÜN 105:27

Arünü api khinthiyinbebo arü bolung, tüsho amüyinsahbebo Ham lomi ching rhimo.

MUNGSHIKHÜN 105:38

Küyimki arü chamachihkheanü Ijip asühde alakheah, tümüde Israelrü trekhi arü kheak akih.

MUNGSHIKHÜN 106:22

Ham lo ching amüyinsahbe rhimobo, Amürüm Keto ki atrebebo.

ABEKHIT 11:1

Tüsho Atungpuhnü Mosa ki tha, “Kheaküshe inü Pharao tüsho Ijip kheak arüm khülang hande arübah. Jushu apinü nüsa ha chingnü atsoshihbah. Küyimki apinü nüsa tsoshihbanü, tsükjide apinü nüsa athrünkhi yankhitbah.

ABEKHIT 12:39

Tüsho arünü Ijip chingnü hanbah akhiukkhi phaüm muyukkhi yikhap ju nung; ha phaüm muyukyide alakheah, tümütüsho arübo Ijip chingnü ayankhitkhinü maleangkhuk yungsho arü tsühyungbe mütsanglungbit.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 13:9

Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

ABEKHIT 15:6

O Atungpuh , wu ching müretahkhi nü khah tsülimnü, O Atungpuh , nü khah tsülimnü thiriri adütre kamde yihthünak.

ABEKHIT 4:21

Atungpuhnü Mosa ki tha, “Küyimki nü Ijip lomi lim alode ayübanü inü nü kilim sühmüh jihkhi nangde Ijip kiulongthsüpuh miki khinthiyinbe rhimo alala rhimoang. Tüshe inü api mulong müküpde kamshihbah tüsho mihtsürübo ju müyüshih.

ABEKHIT 6:1

Atungpuhnü Mosa ki tha, “Kheakü inü Pharao kheak tümü rhimobanü nünü angübah. I mihtsürübo tsoshihpü inü api kheak ningkihbah. Atsütsü, api lomi chingnü apinü arübo yankhita bahshihpü inü api kheak ningkihbah.”

ABEKHIT 6:6

Jumonü Israelrü ki thaang: “I Atungpuh ah; inü nüsa Ijiprü thsümüchi tüsho azhorü kuhi chingnü bekhitbah, tüsho inü khah chungkihde tüsho mahkhap atonü nüsa khümkhitbah,

ABEKHIT 9:15

Kheakü I khah chungkihbah nü tüsho nü mihtsürü kheak arümnü shikkhülaa, nüsa lomi ching dükheaka labah.

ISAIA 19:22

Atungpuhnü Ijip shikbah tüsho athsüngubah; arünü Atungpuh kilim rholobah tüsho apinü arünü mushukhibo anibah tüsho arü thsüngujihbah.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

EZEKIEL 20:33

Tsükjide I lale, Wuto Atungpuhnü thachoh, Inü nüsa kurungkheak wuto khah tüsho achungkhitkhi bin tüsho mulong zhipzhip yakzan shuhbah.

MIKA 7:15

Nünü isa Ijip chingnü bekhitkhi nimungbo ching nangde, isa ki amüyinsahbebo huhang.

YUNIRÜBO RHIMO 7:36

Apinü Ijip ching, Amürüm keto, tüsho sunglo ching kam yirü khinthiyinbe tüsho amüyinsahbebo rhimode bekhit.

YUZÜNGTHALO 4:34

Yungsho A TUN GPU H nüsa Thrünpuhnü nüsa ki Ijip ching rhimokhi nangde, thrünpuh khürünü trükshih khürü püpü trükshih chingnü api yo thsüpü rükakide, amükheahmihbe huhde, khinthiyinbe rhimode, keochihde, wu-sühmüh khah chunghuhde, tüsho tode müzünkhi la shi?

YUZÜNGTHALO 6:22

tüsho Atungpuhnü Ijip, Pharao tüsho api yamkhün azhihde amükheahmihbe khinthiyinbe, tode atrebe isa mük ki huh.

MAHKHAPRÜ 6:8

Atungpuhnü Israel mihtsürü kilim wukihrü khülang thiyi; tüsho apinü arü ki tha, “Atungpuh Israel Thrünpuhnü ha thachoh: Inü nüsa Ijip lomi azhorü kuhi chingnü bekhit;

MAHKHAPRÜ 8:16

Apinü kiuto azothsürübo bea lu tüsho sunglo ayang tüsho khingphubonü Sukkoth mihtsürü ki amütsan thsangyu.