ABEKHIT 3:18 - AMÜSÜH HÜM CL Bible (BSI)

¹⁸ Nünü athakhi I mihtsürübonü anibah, judüki nü tüsho azothsürübo alala Ijip kiulongthsüpuh ki yübah thaang, ‘Atungpuh Ibrirü Thrünpuh isa ki akhiuka huhdo. Jumonü isanü Atungpuh isa Thrünpuh ki kingaünpü sunglo ching nimung mahsam hantsah yüshang de mushuchoh.’

ABEKHIT 3:18 Iomraidhean Croise

THRÜNTAN 12:1

Kheakü Atungpuhnü Abram ki tha, “Nüsa mihtsürü tüsho nü buh yamkhün nüsa lomi bahjihbah inü nü ki huhpü lakhi lomi ching yüang.

THRÜNTAN 14:13

Tüshe atsokhitkhi mihtsürü khülangnü, Amorrü Mamre arüngako sangdungbo thüninde alakhi Ibrirü Abram ki thiyusheak alala jih. Mamre le akeoniorübo Eshkol tüsho Aner ju Abram müshiprü lakheah.

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 48:3

Judüki Jakobnü Josep ki tha: “Wuto Thrünpuh Kanan lomi Luz ching I ki akhiuk tüsho I müngühjih,

2 KIUTHSÜYUKHEAN 30:12

Kheaküshe kiulongthsüpuh tüsho atorübo ki Atungpuh yunü thiyukhüm jihkhi kheak mulong khülangnü arholopü Thrünpuhnü Juda kheak rhimode alakheah.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

ABEKHIT 10:3

Jumonü Mosa tüsho Aronnü Pharao ki yübah tha, “I Atungpuh Ibrirü Thrünpuhnü ha thachoh: ‘Nünü I miki azhihayihpü külokhüh thsungloba? I mihtsürübo tsoshang, junangde arünü I tankihbah.

ABEKHIT 17:5

Tüsho Atungpuhnü Mosa ki alo, “Nü lung Israel azothsürü khürü bebah mihtsürü müngüh yüang; tüsho nünü Nile rhapkhi tso nü khah ching luang tüsho yüang.

ABEKHIT 19:1

Israelrü Ijip chingnü awukhiuk dunglim khinu asampü ching, ju nimung arübo Sinai Müzüng ching arü.

ABEKHIT 25:22

Tangzüng sangdan kumung lakhi cherubim mahne dükeaknü inü nü shorubah tüsho Israelrü thsungkheak I yukhümbo alala jihbah.

ABEKHIT 3:12

Thrünpuhnü alo, “I nü lung labah, tüsho küyimki nünü I mihtsürübo Ijip chingnü bebah akhiukbanü nüsanü ha wung kheak I kingaünbah tüsho junü inü nü yüshihkheah de amütsan thsübah.”

ABEKHIT 3:16

Yüang tüsho Israel azothsürübo bemukhungbah thaang, Atungpuh nüsa jipürü Abraham, Isak tüsho Jakob Thrünpuh I ki akhiukbah tha, I nüsa kilim arükheah tüsho Ijiprübonü nüsa kheak rhimokhi alala ngüdo.

ABEKHIT 30:36

Ju chingnü anükhüh ayikangkang kamde dungang tüsho inü nü shorupung khimyam ching tangzüng sangdan miki zoang. Ha nü ki khide amüsüh labah.

ABEKHIT 30:6

Ha kingaün sadam ju tangzüng sangdan mikhuh zhinkhi khim aleanglim zoang. Ju dangpung ching inü nü shorubah.

ABEKHIT 4:1

Judüki Mosanü alo tüsho tha, “Tüshe mihtsürübonü I yu kheak akin mülade, Atungpuh nü miki makhiuk de thasho küde?”

ABEKHIT 4:23

Jumonü inü nü ki tha, I tsührünü I tankihshihpü yüshang, tüshe nünü api müyüshih, jumonü inü nü tsührü adüjibuh laksahbah.”

ABEKHIT 4:24

Arü yüchoki limro ching binkheampung Atungpuhnü Mosa shoru tüsho api laksahpü yim.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

ABEKHIT 5:1

Ju dunglim Mosa tüsho Aron Ijip kiulongthsüpuh kilim yübah tha, “Israel Thrünpuh, Atungpuhnü hade thachoh, ‘I mihtsürübo yüshang, junangde arünü sunglo ching I thsungkheaknü thünio thsübah.’”

ABEKHIT 5:3

Judüki anenü alo, “Ibrirü Thrünpuh isa miki akhiukdo; Atungpuh isa Thrünpuh ki kingaünpü thsüde sunglo ching nimung mahsam limtsah yüpü isa ki mülüjang, jude yungsho apinü isa tukthsü yungsho nukshangnü alaksahbah.”

ABEKHIT 7:16

Tüsho nünü api ki thabah, Atungpuh Ibrirü Thrünpuhnü I nü kilim thiyia arüshih, I mihtsürü yüshang, junangde arünü sunglo ching I tankihbah; tüshe kheakü khiungde nünü mani.”

ABEKHIT 8:1

Tüsho Atungpuhnü Mosa ki tha, “Pharao ki yübah thaang, ‘Atungpuhnü ha thachoh: I mihtsürü yüshang, junangde arünü I tankihbah.

ABEKHIT 8:20

Atungpuhnü Mosa ki tha, “Yapsu mükikde asürang tüsho api ke lim yüchoki Pharao miki zhipang, tüsho api ki thaang, ‘Atungpuhnü ha thachoh, “I mihtsürü yüshang, junangde arünü I tankihbah.

ABEKHIT 8:23

Inü I mihtsürü le nü mihtsürü dükeak büthsübah. Ha amütsan shido labah.”’”

ABEKHIT 9:1

Judüki Atungpuhnü Mosa ki tha, “Pharao ki yüang tüsho thaang, ‘Atungpuh Ibrirü Thrünpuhnü ha thachoh: “I mihtsürübo yüshang, junangde arünü I tankihbah.

ABEKHIT 9:13

Judüki Atungpuhnü Mosa ki tha, “Yapsu mükikde asürübah Pharao miki zhipang tüsho api ki thaang, ‘Atungpuh Ibrirü Thrünpuhnü ha thachoh: “I mihtsürübo yüshang, junangde arünü I tankihbah,

ISAIA 64:5

Asühde alungki rhimorü nü limrobo ching nü lümkhitrü nünü shoruchoh. Tüshe nü bukakhiukde alakheah, tüsho isanü neak yihbeak; hanangde isanü mutuklode rhimosho, küde thsah isa khümkhitba?

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 2:6

“Atungpuh küching la, shepünü isa Ijip chingnü bede atukhea, shepünü isa sunglo ching bede yükhea, loshelo tüsho alokhünbo lakhi lomi ching, akung tüsho khide amiting lomi ching, shenü mütsahhokhi lomi ching, küching sheshe mülakhea?” de arünü mütha.

JEREMIA 26:5

tüsho nüsanü mania lalashe inü I yamlarü wukihrübo niokheamde nüsa kilim arüshihkhi yubo manisho,

WÜHKHE 17:4

Nünü jurübo inü nü shorupung khimyam ching tangzüng sangdan miki zojang.

JIHUSUA 1:17

Isanü kamruhroro Mosa ki anikhi nangde, isanü nü ki anibah, tüsho Atungpuh nü Thrünpuh Mosa lung lakhi nangde nü lung lashang!