ABEKHIT 3:16 - AMÜSÜH HÜM CL Bible (BSI)

¹⁶ Yüang tüsho Israel azothsürübo bemukhungbah thaang, Atungpuh nüsa jipürü Abraham, Isak tüsho Jakob Thrünpuh I ki akhiukbah tha, I nüsa kilim arükheah tüsho Ijiprübonü nüsa kheak rhimokhi alala ngüdo.

ABEKHIT 3:16 Iomraidhean Croise

THRÜNTAN 1:7

Junangde Thrünpuhnü akhunung khülang thsübah ke akube chingnü abobe büthsüjih; tüsho junangde kam.

THRÜNTAN 21:1

Apinü athakhi nangde Atungpuhnü Sara rhua kheah, tüsho apinü alokhikhi nangde Atungpuhnü Sara thsungkheak rhimo.

THRÜNTAN 28:13

Tüsho kheahang, ju kumung Atungpuh zhip tüsho tha: “I nü buh Abraham tüsho Isak Thrünpuh Atungpuh ah; nü yapkhi lo inü nü tüsho nü tsühsoniusobo kilim jihbah.

THRÜNTAN 48:15

Apinü Josep müngühjih, tüsho tha: “Thrünpuh shepü müngüh I buh pürü Abraham tüsho Isak tsahkhea, Thrünpuh shepünü I rhangdung amuyung khihni ha khiungde abekhea,

THRÜNTAN 50:24

Tüsho Josepnü api keoniorübo ki tha, “I shechoh; tüshe Thrünpuhnü tsükjide nüsa rhua kheahbah, tüsho ha lomi chingnü bekhitde apinü Abraham, Isak tüsho Jakob ki thiyuchihchimkhi lomi ching yübah.”

MUNGSHIKHÜN 102:21

Zion ching Atungpuh mung, tüsho Jirusalem ching api shikhi khipkhitpü,

MUNGSHIKHÜN 33:18

Kheahang, Atungpuh mük ju api trerü, api muzhodakkhi ching mulonglamrü kheak lah,

MUNGSHIKHÜN 8:4

nünü alümjihpü thsüde, tüsho api kümpü thsüde mihtsürü tsührü ju tümü a?

ABEKHIT 1:8

Ju kim ching Ijip lomi ching Josep mümükheahrü kiulongthsürü khülang asürü.

ABEKHIT 13:19

Tüsho Mosanü Josep robo api lung lubah yü, tümüde apinü Israelrü ki thiyuchihchimde thaa zo, “Tsükjide Thrünpuhnü nüsa rhua kheahbah, tüsho nüsanü I robo ha chingnü nüsa lung hande awutubah.”

ABEKHIT 15:14

Mihtsürübonü sodo, arünü ajan; Filistia ching larü trede kam.

ABEKHIT 17:5

Tüsho Atungpuhnü Mosa ki alo, “Nü lung Israel azothsürü khürü bebah mihtsürü müngüh yüang; tüsho nünü Nile rhapkhi tso nü khah ching luang tüsho yüang.

ABEKHIT 18:12

Judüki Mosa akü Jethronü taka kingaünkhi tüsho laksah-a kingaünkhibo Thrünpuh kilim jih. Tüsho Aron lung Israel azothsürü alala Mosa akü lung yikhap tsühpü Thrünpuh miki arü.

ABEKHIT 2:25

Thrünpuhnü Israelrübo azhorü kuhi ching lakhi ngübah arü thsungkheak lümrhihjih.

ABEKHIT 24:11

Tüshe Israel limberübo kheak apinü akhah müjipkih. Junangde arünü Thrünpuh ngü, tüsho arünü tsühyung.

ABEKHIT 3:2

Tüsho sangrung phulung motru khülang ching Atungpuh yunirü api ki akhiuk. Sangrung kheak mo trude lalashe sangrung ju mütak.

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ABEKHIT 4:1

Judüki Mosanü alo tüsho tha, “Tüshe mihtsürübonü I yu kheak akin mülade, Atungpuh nü miki makhiuk de thasho küde?”

ABEKHIT 4:29

Judüki Mosa le Aron ane yübah Israel azothsürübo alala bemukhung.

ABEKHIT 4:31

Mihtsürübonü kin, tüsho küyimki arünü Atungpuhnü Israelrü rhuakheahdo tüsho arü küpkhukkhi ngüdo de asokhea, arünü mükhümbah kingaün.

ABEKHIT 4:5

Atungpuhnü tha, “Israelrübo ki nüsa jipürü Abraham, Isak tüsho Jakob Thrünpuhnü nüsa miki akhiukdo de amütsan thsüpü ha rhimoang.”

MATHI 26:3

Judüki amükeam putungrübo, athrütrübo tüsho mihtsürübo kurung azothsürübo Kaifa de ajikhi achangbe amükeamrü yam ching mukhung,

LUKNÜ ATHRÜTKHI THIYUSHEAK-ATSÜ HUHTANYU 1:68

“Atungpuh Israel Thrünpuh shiang, tümüde apinü rhuakheahdo tüsho api mihtsürü rhokhit,

LUKNÜ ATHRÜTKHI THIYUSHEAK-ATSÜ HUHTANYU 19:44

tüsho nü lung nü tsührübo alo kheak arih-a yapbah; tüsho nü kheak lung khülangnü khülang kheak kheangkihkhi maningshih, tümütüsho Thrünpuh nü kilim arüpü kim nünü mümükheahde lado.”

YUNIRÜBO RHIMO 11:30

tüsho junangde arünü Barnaba le Saul büne kheaknü azothsürübo kilim ju mühah-a yüshih.

YUNIRÜBO RHIMO 15:14

Thrünpuhnü arü bolungnü api mihtsürü thsüpü bea lude akhuhde khiungkerü rhuakheahkhi Simonnü thanaka huhdo.

YUNIRÜBO RHIMO 20:17

Tüsho apinü Mileta chingnü Efisia ching yüshihbah api kilim borü azothsürübo jide arüshih.

1 PETER 2:12

Khiungkerü bolung tsüde rhimoang, junangde arünü nüsa azhihde amülim rhimorü ah de thasho, api arü nimung arünü nüsa rhimobo atsü ngübah tüsho Thrünpuh müretahbah.

1 PETER 5:1

I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh.

RUTH 1:6

Judüki Atungpuhnü amihtsürübo kilim latsühlayung müngühjih-a lah de Naominü so; jumonü atsühmeakbe büne bebah Moab lomi chingnü rholodarüpü thsakham.