ABEKHIT 3:15 - AMÜSÜH HÜM CL Bible (BSI)

¹⁵ Kheaküshe Thrünpuhnü Mosa ki tha, “Israelrübo ki ha thaang: Atungpuh nüsa jipürü Abraham, Isak tüsho Jakob Thrünpuhnü I nüsa kilim arüshihkheah. Ha kamruhroro thsungkheak I mung ah, tüsho arübe lün alala thsungkheak ha I mung labah.

ABEKHIT 3:15 Iomraidhean Croise

THRÜNTAN 24:12

Judüki apinü tha, “O Atungpuh I putungrü Abraham Thrünpuh, muzhobah khihni I akuk ngüshang, tüsho I putungrü Abraham ki amuzho huhang.

1 KIUTHSÜYUKHEAN 16:16

apinü Abraham ki tangzüngkhi, apinü Isak ki thiyuchihchimkhi,

1 KIUTHSÜYUKHEAN 29:18

O Atungpuh isa jipürü Abraham, Isak tüsho Israel Thrünpuh, hadürü lümkhi tüsho mulongkhi nü mihtsürübo mulong ching zojang, tüsho arü mulong nü kilim peang zojang.

2 KIUTHSÜYUKHEAN 28:9

Tüshe ju ching Atungpuh yo wukihrü khülang lakheah, api mung Oded; apinü Samaria ching arükhi bonungrü shorupü wukhiuk, tüsho arü ki tha, “Nüsa jipürü Thrünpuh, Atungpuhnü Juda kheak bukakhiukmonü, apinü arübo nüsa khah ching jih, tüshe nüsanü bukakhiukde arü laksahkhinü yinmi khiung.

MUNGSHIKHÜN 102:12

Tüshe O Atungpuh , nü lünnü rünkhiungde alabah, tüsho lünbo alala ching nü mung lümkhitkhi labah.

MUNGSHIKHÜN 102:13

Nü asürübah tüsho Zion kheak mihmüthsüm labah; tümüde alibe muzhopü kim akhukhi arüdo.

MUNGSHIKHÜN 135:13

O Atungpuh , nü mung lünnü rünkhiungde lah, O Atungpuh , nü mungshi lünbo alala ching lah.

MUNGSHIKHÜN 30:4

Atungpuh shikhi khün thsang, nüsa api yo amüsührübo, tüsho api amüsüh wung lümkhitde makshe jihang.

MUNGSHIKHÜN 30:5

Tümüde api bukakhiukkhi anükhüh kheak lang lachoh, tüshe api tsüyihkhi rhangdung amuyung lachoh; atripkhi ju tsüngre khülang thsungkheak lapü kuklah, tüshe yapsu asühachihkhi arüchoh.

MUNGSHIKHÜN 68:5

Mürerü abuh tüsho khimoberü tsungdojihrü Thrünpuh ju api amüsüh lapung ching lah.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

ABEKHIT 15:2

Atungpuh ju I sühmüh tüsho I khün, tüsho api I khümkhitbuh kamdo; ha I Thrünpuh, tüsho inü api shibah, I buh pürü Thrünpuh, inü api shuhkihbah.

ABEKHIT 15:3

Atungpuh a athrungrü mihtsürü ah; Atungpuh ju api mung ah. @SPACE=

ABEKHIT 3:13

Mosanü Thrünpuh ki tha, “Küyimki I Israelrübo kilim yübah, ‘Nüsa bebuhrü Thrünpuhnü I arüshihkheah’ de athaba tüsho arünü I ki, ‘Api mung she a?’ de keokhisho inü arü ki tümü thaba?”

ABEKHIT 3:6

Kheaküshe apinü tha, “I nü pü Abraham, Isak tüsho Jakob Thrünpuh ah.” Judüki Thrünpuh kheak kheahpü trekhinü Mosanü amiro khuramabah.

ABEKHIT 4:1

Judüki Mosanü alo tüsho tha, “Tüshe mihtsürübonü I yu kheak akin mülade, Atungpuh nü miki makhiuk de thasho küde?”

ABEKHIT 4:5

Atungpuhnü tha, “Israelrübo ki nüsa jipürü Abraham, Isak tüsho Jakob Thrünpuhnü nüsa miki akhiukdo de amütsan thsüpü ha rhimoang.”

ABEKHIT 6:2

Thrünpuhnü Mosa ki tha, “I Atungpuh ah.”

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 26:8

Nü mahkhapkhi limro ching, O Atungpuh , isanü nü aleanglah; nü mung tüsho nü mungthu menü künde lah.

ISAIA 42:8

I Atungpuh ah, ju I mung; I müretahkhi püpürü kilim, yungsho I mungshi sangthsübo kilim müjih.

ISAIA 63:12

api mung akheam mülakhi kamshihpü shepünü api müretahkhi khah Mosa khah tsülim tsahshihkhea, shepünü arü müngüh kebo chamnakkhea,

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 33:2

Alomi thrünrü Atungpuhnü ha thachoh, Atungpuh shepünü ha kamkhitpü thsü–Atungpuh ju api mung:

DANIEL 2:23

O I jipü Thrünpuh, nü kilim inü makshe jihchoh tüsho shijihchoh, tümüde nünü I kilim lümlung tüsho wu jihdo tüsho isanü nü ki tümü keokhikheanü I ki akhiuka huhdo, tümüde kiulongthsüpuhnü tümü thiyukhüm jihkheanü nünü isa ki akhiuka huhdo.”

HOSEA 12:5

Atungpuh Wuto Thrünpuh, Atungpuh ju api mung!

HOSEA 12:6

Nüsanü nüsa Thrünpuh kilim rholoang, amuzho tüsho thiyuro kheak düngde ramrihang, tüsho arümde nüsa Thrünpuhnü arhimopü aleangang.

LEVI 24:11

Israelbe tsührü junü Thrünpuh mung athrude tha; jumonü arünü api Mosa kilim bedarü. (Abe mung ju Shelomith, Dan trük, Dibri tsührübe lakheah).

MIKA 4:5

Mihtsürü alalanü nihbuh thrünpuh mung ching tsahchoh, tüshe isanü Atungpuh isa Thrünpuh mung ching lünnü lün tsahbah.

MALAKI 3:6

Tümüde I Atungpuh mümüthrichoh; jumonü, O Jakob tsührübo, nüsa müdükheak.

MATHI 22:32

‘I Abraham Thrünpuh, Isak Thrünpuh tüsho Jakob Thrünpuh’? Api ju asherü yo yung tüshe arhang larü Thrünpuh ah.”

YUNIRÜBO RHIMO 3:13

Abraham Thrünpuh, Isak Thrünpuh, tüsho Jakob Thrünpuh, isa jipürü Thrünpuhnü, apinü adükhepü pungkhia lachoki nüsanü Pilat miki jihabahde abahyukbuh api yamlarü Jisu müretahshihdo.

YUNIRÜBO RHIMO 7:32

‘I a nü pü pürü Abraham, Isak tüsho Jakob Thrünpuh ah.’ Tüsho Mosanü ajan tüsho akheahpü mümürang.

YUZÜNGTHALO 1:11

Atungpuh nüsa bebuhrü Thrünpuhnü nüsa kheakü lakhi kheaknü chithürü ki alü apinü tangzüngkhi nangde nüsa müngühshang!

YUZÜNGTHALO 1:35

Tsükjide ha amütsü lün mihtsürü shepü she inü nüsa bebuhrü jihpü tangzüngkhi lo atsü müngü,

YUZÜNGTHALO 4:1

“O Israel, inü nüsa ki thsangyukhi yakzanbo tüsho thiyuzüngbo kheakü aniang, junangde nüsa rhangdung labah, tüsho Atungpuh nüsa bebuhrü Thrünpuhnü ajihkhi lo nüsanü yübah alubah.

IBRI 11:16

Tüshe arünü atsübe, yinmi lomi müshamde la. Jumonü Thrünpuhnü arü Thrünpuh de ajipü machih, tümüde apinü arü kilim kiuto khülang thsakhamjih.

IBRI 13:8

Jisu Khrista ju yini, khihni tüsho lünnü rukhüh ah.