ABEKHIT 3:10 - AMÜSÜH HÜM CL Bible (BSI)

¹⁰ Jumonü kheakü Ijip lomi chingnü I mihtsürübo bekhitpü inü nü Pharao kilim yüshihchoh.”

ABEKHIT 3:10 Iomraidhean Croise

THRÜNTAN 15:13

Judüki Atungpuhnü api ki tha, “Nü tsühsoniusobo khiungke lomi ching hanrü thsüpü tüsho arü tankihpü lakhi tsükjide mükheahang, tüsho arünü arübo kam chi phüyi thsümüchibah.

THRÜNTAN 15:14

Tüsho arünü atankihpü lakhi trükshih she inü mahkhapbah; ju dunglim arübo lakhit ato lubah akhiukbah.

MUNGSHIKHÜN 105:26

Apinü ayamlarü Mosa tüsho apinü mokhitkhi Aron thiyi.

MUNGSHIKHÜN 77:20

Nünü nü mihtsürübo namfimihnu boto nangde Mosa tüsho Aron khah hode be.

ABEKHIT 12:40

Kheakü Israelrü ju Ijip ching kam 430 lakheah.

ABEKHIT 12:41

Kam 430 akheam nimung, Atungpuh mihtsürü trükbo alala Ijip chingnü wukhiuk.

ABEKHIT 33:12

Mosanü Atungpuh ki tha, “Harü mihtsürü bepü nünü I ki thade la, tüshe I lung shepü yübanü nünü I ki mümükheahshih. Inü nü mungnü mükheahlah tüsho I miki mihmüthsüm ngüdo de nünü tha.

ABEKHIT 33:13

Jumonü inü tamkhüntamnüchoh, I nü miki mihmüthsüm lasho, kheakü I ki nü limro huhang, junangde inü nü mükheahbah tüsho nü miki I mihmüthsüm ngübah. Tüsho ha trükshih nü mihtsürü ah de lümang.”

ABEKHIT 6:26

Atungpuhnü Aron tüsho Mosa ki tha: “Israel mihtsürü arü chamnak ayannü Ijip chingnü bekhitang.”

HOSEA 12:13

Wukihrü hode Atungpuhnü Israel Ijip chingnü bede atu, tüsho wukihrünü api aheang.

MIKA 6:4

Tümüde inü nüsa Ijip lomi chingnü bekhit, tüsho azhorü yamkhün chingnü nüsa rhokhit; tüsho inü nüsa müngüh Mosa, Aron, tüsho Miriam yüshih.

YUNIRÜBO RHIMO 7:34

Tsükjide Ijip ching arü thsümüchikhi tüsho arü ashekhi inü sodo, tüsho arü bekhitpü I akikheah. Kheakü arang, inü nü Ijip lim yüshihanü.’

YUNIRÜBO RHIMO 7:36

Apinü Ijip ching, Amürüm keto, tüsho sunglo ching kam yirü khinthiyinbe tüsho amüyinsahbebo rhimode bekhit.

YUNIRÜBO RHIMO 7:6

Thrünpuhnü api ki hanangde tha: Nü tsühsoniusobo khiungkerü lomi ching hanrü thsüde alabah, tüsho arübo kam chi phüyi azhorü thsübah.

YUNIRÜBO RHIMO 7:7

Tüsho arü junokhi trükshih inü mahkhapbah, Thrünpuhnü tha, ‘tüsho ju dunglim arü akhiukbah ha dangpung ching I tankihbah.’

MAHKHAPRÜ 6:14

Judüki Atungpuhnü api kilim rholo tüsho tha, “ Ha nü sühmüh chingnü yüang, tüsho nünü Israel ju Midiarü khah chingnü khümkhitbah. Inü nü thiyikhi yung de?”

1 SAMUEL 12:6

Samuelnü mihtsürübo ki tha, “ Mosa tüsho Aron mokhitjihde nüsa jipürübo Ijip lo chingnü bekhitbuh Atungpuh thiyumütsan lah.

1 SAMUEL 12:8

Küyimki Jakob ju Ijip ching yükhea tüsho Ijiprünü arü junokhea, judüki nüsa jipürünü Atungpuh ki zhi tüsho Atungpuhnü Mosa le Aron ane thiyia, nüsa jipürü Ijip chingnü bekhitbah arübo ha dangpung ching lashih.