ABEKHIT 29:46 - AMÜSÜH HÜM CL Bible (BSI)

⁴⁶ Arünü I ju Ijip chingnü arü bekhitkhi Atungpuh arü Thrünpuh ah de amükheahbah, junangde I arü bolung labah. I Atungpuh arü Thrünpuh ah.

ABEKHIT 29:46 Iomraidhean Croise

2 KIUTHSÜYUKHEAN 6:18

“Tüshe atsütsü Thrünpuhnü mihtsürübo lung alomi kheak lapü? Yinmibo, achangbe yinmibonü she nü mazüh, inü athsükhi thüyam ha küdükhüh she ninila!

MUNGSHIKHÜN 114:2

Juda api arüngakopung, tüsho Israel api yamalo kam.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 25:8

Tüsho arünü I khilim arüngakopung khülang thsüshang, junangde I arü bolung labah.

ABEKHIT 6:7

tüsho inü I mihtsürü thsüpü nüsa lubah, tüsho I ju nüsa Thrünpuh thsübah; I ju Ijip azhorü kuhi chingnü nüsa bekhitbuh Atungpuh nüsa Thrünpuh ah de nüsanü amükheahbah.

JEREMIA 14:9

Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

EZEKIEL 20:5

tüsho arü ki thaang: Wuto Atungpuhnü ha thachoh: Inü Israel mokhit nimung, inü I khah shuhkihde Jakob yamkhün tsühsoniuso ki thiyuchihchim thsü tüsho Ijip ching arü ki I akhiuka huh. I khah shuhkihde inü arü ki tha, “ I Atungpuh nüsa Thrünpuh.”

EZEKIEL 34:24

Tüsho I Atungpuh ju arü Thrünpuh thsübah, tüsho I yamlarü David ju arü bolung yakzanshuhrü thsübah; I, Atungpuhnü asukdo.

LEVI 11:44

Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 18:30

I yukhümbo aniang tüsho nüsa müngüh larü mihtsürü rhimobo düyan, tüsho harü athraneanbebo rhimokhinü nüsa dümünean. I Atungpuh nüsa Thrünpuh.

LEVI 19:2

Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah.

LEVI 26:11

Inü I lapung nüsa bolung zobah, tüsho inü nüsa mübahyuk.

LEVI 26:12

I nüsa lung tsahbah tüsho nüsa Thrünpuh thsübah, tüsho nüsa I mihtsürü thsübah.

HAGGAI 2:5

nüsa Ijip chingnü akhiukchoki inü nüsa ki alokhikhi nangde. I me nüsa lung lah; dütre.

WÜHKHE 16:3

Arübo rukhühnü Mosa tüsho Aron azhihde mukhungbahle ane ki tha, “Nüke khide münchi hodo, tümüde Israelrü boto alala ching mihbüm abande amüsüh lah, tüsho Atungpuh arü lung lah, dale küde thsah Atungpuh borü kurungkheak nüke zangrü shuhkihcho?”

1 SAMUEL 10:18

tüsho arü ki tha, “Atungpuh , Israel Thrünpuhnü hanangde thachoh, ‘Inü Israel ju Ijip chingnü bekhit, tüsho inü nüsa Ijiprü tüsho nüsa junokhi kiulongthsübo khah chingnü khümkhit.’