ABEKHIT 29:43 - AMÜSÜH HÜM CL Bible (BSI)

⁴³ ju ching inü Israelrü she ashorubah, tüsho ju dangpung I müretahkhinü atsangkhitbah.

ABEKHIT 29:43 Iomraidhean Croise

1 KIULONG THSÜRÜ 8:11

Junangde amo lakhinü amükeamrübonü tankihpü müzhipkhukde kam; tümüde Atungpuh müretahkhinü api arüngyam mide kam.

2 KIUTHSÜYUKHEAN 5:13

Atungpuh kilim rüpde mungshipü tüsho makshe jihpü ju hulipungpung mütrü tüsho khün thsürü rhimo lakheah, tüsho küyimki hulipungpung, larüp tüsho püpü kingzükingdobe shuhbah Atungpuh shide khün thsükhea, “Tümüde api tsülah, tümüde apinü düküngde muzhokhi lünnü lah,” Atungpuh yam ju amonü miabah,

2 KIUTHSÜYUKHEAN 5:14

junangde amo lamonü amükeamrübonü tankihpü müzhipkhuk; tümüde Atungpuh müretahkhinü Thrünpuh yam mi.

ABEKHIT 25:22

Tangzüng sangdan kumung lakhi cherubim mahne dükeaknü inü nü shorubah tüsho Israelrü thsungkheak I yukhümbo alala jihbah.

ABEKHIT 29:42

Ha taka kingaünkhi ju lünnü ashorupung khimyam yüzah limro kheak Atungpuh miki mutukzhakde jihde alabah. Ju ching inü nü shorubah tüsho nü ki asukbah;

ABEKHIT 29:44

Jumonü inü ashorupung khimyam le kingaün sadam müsühkhitbah tüsho Aron le api tsührübo I tankihpü amükeamrübo thsüpü müsühkhitbah.

ABEKHIT 40:34

Judüki amonü arüngkhimyam shodo, tüsho Atungpuh müretahkhinü mide kam.

ABEKHIT 40:35

Tüsho Mosa ju ashorupung khimyam ching yüzahpü mukukde alakheah, tümütüsho amo ju kheak keam tüsho Atungpuh müretahkhinü arüngkhimyam mide kam.

ISAIA 60:1

Asürang, yinshang; tümüde nü yo ayin arüdo, tüsho Atungpuh müretahkhi nü kheak asürüdo.

EZEKIEL 43:5

menü I shuhkih, tüsho alungbe khikzhakpung ching I bede yüzah; tüsho Atungpuh müretahkhinü arüngyam mide kam.

LEVI 9:4

tüsho mungtsü kingaünpü moshipung khülang tüsho mihnupung khülang luang. Arübonü ju müdangke yukkhi hi kingaün lung thsürubah Atungpuh kilim shuhmülanga jihbah. Arünü ha rhimobeah tümütüsho khihni Atungpuh arü miki akhiukbah.’ ”

LEVI 9:6

Tüsho Mosanü tha, “Ha nüsanü arhimoshihpü Atungpuhnü thiyukhüm jihkhi rhimo ah; tüsho Atungpuh müretahkhi nüsa ki akhiukbah.”

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.