ABEKHIT 29:4 - AMÜSÜH HÜM CL Bible (BSI)

⁴ Tüsho Aron le atsührübo ashorupung khimyam limro ki bede arang tüsho kemüyihjang.

ABEKHIT 29:4 Iomraidhean Croise

ABEKHIT 26:36

“Nüsanü arüngkhimyam ripit zhindokhim ju biyi, mürümmuchu, aneakrüm hing tüsho khimthünaknü yak khode thsang.

ABEKHIT 29:3

Jurübo muluk khülang ching yukbah moshipung le namfimihnupung 2 lungnü jihang.

ABEKHIT 40:12

Jushu nünü Aron le api tsührübo ashorupung khimyam ripit ki bede arang tüsho arübo kemüyihjang.

ABEKHIT 40:28

Apinü arüngkhimyam ripit kheak azhindobe yihkih.

ABEKHIT 40:32

Küyimki arü ashorupung khimyam ching yüba, tüsho arü kingaün sadam ki arübanü Atungpuhnü Mosa ki thiyukhüm jihkhi nangde arünü müsühmüra.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

EZEKIEL 42:14

Küyimki amükeamrübonü amüsüh dangpung yüzahbanü, arünü tankihpung khimmih muzoyikia arübo aleangbe khikzhakpung ching muwukhiuk, tümüde harübo amüsüh ah; mihtsürübo thsungkheak lakhi dangpungbo ching müyüyide arünü khimmih püpü yukbah.”

LEVI 14:8

Apham kihbuhnü akhimmihbo müsühbahle ku hütabahbah, tüsho kemüyihbah; jushu api amüsüh kambah. Api binpung ching yüzahpü kuklah, tüshe anihbuh khimyam aleanglim nimung thüne labeah.

WÜHKHE 8:9

Jushu Israelrü athrünkhi mukhungshang, tüsho arüngyam miki Levirübo zhipshang.

EFISIA 5:26

junangde kenü amüsüh dunglim api yunü anihbe tsangkhitpü thsü,

YUZÜNGTHALO 23:11

Tüshe arelim apinü kemüyihbah; tüsho ani yüzahshu api binkheampung ching alode arüpü kuklah.

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

1 PETER 3:21

tüsho ha ke ju kheakü nüsa khümkhitkhi baptikhi amütsan lah–pang chingnü dükhüh throa bahkhi yung tüshe Thrünpuh kilim lümkhi atsünü thiyuchihchimkhi lah. Jisu Khrista arhang kamlokhi hode nüsa khümkhitchoh,