ABEKHIT 29:37 - AMÜSÜH HÜM CL Bible (BSI)

³⁷ Kingaün sadam thsungkheak nimung thüne dünthsükhiang tüsho ju müsühkhitang. Jushu kingaün sadam ju khide amüsüh labah, tüsho tümüpürü ju qiubanü amüsüh kambah.

ABEKHIT 29:37 Iomraidhean Croise

2 KIUTHSÜYUKHEAN 7:9

Atizheah nipü arünü arüngako mukhung khülang la; tümüde arünü kingaün sadam müsükhitpü nimung thüne tüsho thünio nimung thüne mung.

ABEKHIT 40:10

Taka kingaünpü sadam tüsho pungphuru alala müsühkhitang, tüsho kingaün sadam ju khide amüsüh labah.

EZEKIEL 43:20

Tüsho nünü athiyih khürü lubah, tüsho kingaün sadam juh phüyi kheak kipdam mühit phüyi kheak, tüsho phuhpho alala mükamde ayihkihbah; hanangde nünü ju müsühkhitbah tüsho ju thsungkheak dünthsükhibah.

EZEKIEL 43:25

Neak kingaün thsungkheak nimung thüne nünü nimung abande mihnu khülang jihbah; kheaküshe moshipung khülang tüsho mihnu bolungnü namfimihnupung khülang lapha mükihkhi jihbeah.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

LEVI 16:16

Hanangde apinü Israel mihtsürü mümüsühkhi tüsho arü neak chingnü amüsüh dangpung dünthsükhibah, junangde apinü arü mümüsühkhi bolung ching lakhi ashorupung khimyam thsungkheak rhimobah.

LEVI 6:11

Tüsho apinü ayihkhi khim ju yihkhitbahle püpü yukbah, tüsho awah ju wungdo hande wukhiuknü amüsüh dangpung ching zobah.

LEVI 8:11

Atungpuh kilim müsühkhitpü thsungkheaknü apinü müdangke khürü lubah kingaünpung kheak thüne ki rhakkih, tüsho kingaünpung, pungphuru, müsühmüraphuru tüsho kingaün sadam jing kheak mujukih.

HAGGAI 2:12

Khürünü khim napkhi ching amüsühkhitkhi shih hansho, tüsho anapkhinü yikhap, yungsho awo, yungsho yukhu, yungsho müdangke, yungsho tsühyungpü khürü qiusho, ju amüsüh kamcho de? Amükeamrübonü alo, “ Yung.”

MATHI 23:17

Nüsa müktukrü makharübo! Suna le suna müsühkhitkhi arüngyam shepü atobe a?

MATHI 23:19

Nüsa müktukrübo! Suna le thsambah müsühkhitkhi kingaün sadam shepü atobe a?