ABEKHIT 29:26 - AMÜSÜH HÜM CL Bible (BSI)

²⁶ Jushu nünü Aron müsühkhitpü thsungkheak namfimihnupung khüh ju lubah Atungpuh miki müleamde kingaünang, tüsho ju nü shihcham labah.

ABEKHIT 29:26 Iomraidhean Croise

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

ABEKHIT 29:27

Atsangkhitpü-rhimo namfimihnupung Aron tüsho atsührübo yo müsühkhitang: müleamde kingaünkhi akhüh tüsho handarü ajihkhi apho.

LEVI 14:12

Jushu amükeambuhnü namfimihnunu pung khülang tüsho müdangke pungdüchi shihchamkhüh lubah ashaklo kingaün jihbah; apinü jurü müleamde Atungpuh kilim amükeambuh thsungkheak jihbah.

LEVI 7:30

Anihbuh khahnü taka kingaünkhi Atungpuh kilim handarünü ajihbah. Apinü shiwüh müdang tüsho ju lung akhüh ju atsüdakbe thsambah thsüde Atungpuh kilim handarübah.

LEVI 7:31

Amükeambuhnü amüdang ju kingaünpung kheak takbah, tüshe akhüh a Aron tüsho atsührübo yo thsübah.

LEVI 7:34

Tümüde Israel mihtsürünü mungtsü kingaünkhi chingnü atsüdakbe kingaün jihkhi akhüh, tüsho apho inü ludo, tüsho ha Israel mihtsürünü lünnü jihde alapü yakzan thsüde amükeambuh Aron le atsührübo kilim jihdo.

LEVI 8:29

Mosanü akhüh lubahle Atungpuh kilim müleamde jih; ju Atungpuhnü Mosa ki thiyukhüm jihkhi nangde müsühkhitpü jihkhi mihnupung lung Mosa shihcham lakheah.

LEVI 9:21

tüshe Mosanü thiyukhüm jihkhi nangde, Aron nü akhühbo le tsülim pho ju Atungpuh miki müleamde kingaün.