ABEKHIT 29:21 - AMÜSÜH HÜM CL Bible (BSI)

²¹ Tüsho kingaün sadam kheaknü athiyih khürü tüsho amujube müdangke luang tüsho Aron le atsührübo khimmihbo kheak rhakkihang. Jushu api le atsührübo tüsho arü khimmihbo müsühkhitbah.

ABEKHIT 29:21 Iomraidhean Croise

MUNGSHIKHÜN 133:2

Haju ku kheak lakhi shoto müdangke, Aron mükhühnam kheak lünkhikhi, api khimmih akheam kheak lünkhikhi nangde lah.

ABEKHIT 29:1

“Arünü amükeamrübo thsüde I tankihpü nünü ha ruk arü müsühkhitang: moshipung nunu 1 tüsho namfimihnupung 2 lapha mükihkhi luang.

ABEKHIT 29:20

Ju laksahbah athiyih khürü luang tüsho Aron le atsührübo nuku müzhean kheak, tsülim khahkutopübo kheak, tüsho tsülim jingkutopübo kheak yihkihjang. Tüsho kingaün sadam alala mükamde athiyih rhakkihang.

ABEKHIT 29:22

“Ha namfimihnupung kheaknü amüdang, amokungro müdang, atrün, amüsan atsübe, amüdang bede amügüe mahne chido tüsho tsülim pho luang. (Ha amüsühkhitbe namfimihnupung ah.)

ABEKHIT 29:7

Amujube müdangke luang tüsho aku kheak yihkihde mujude-müsühkhitang.

LEVI 14:29

tüsho aningkhi müdangke amüyi ching yo ju apinü mihtsürü ku kheak bukkihbah tüsho hanangde Atungpuh miki müsühkhitde dünthsükhibah.

LEVI 7:35

Ha Mosanü arübo amükeamrü thsüde Atungpuh tankihshihpü jih nimung Atungpuh kilim taka kingaünkhi chingnü Aron tüsho atsührübo kilim amüsüh shihcham.

LEVI 8:23

Mosanü ju laksahbahle athiyih khürü lubah Aron nuku müzhean tsülim, akhahkutopü tsülim, tüsho ajingkutopü tsülim yihkihjih.

LEVI 8:30

Mosanü amujube müdangke khürü tüsho kingaünpung kheak lakhi thiyih khürü lubah Aron le atsührübo tüsho arü khimmihbo kheak rhakkihjih. Hanangde apinü arübo tüsho khimmihbo Atungpuh kilim müsühkhit.

JOHAN 17:19

Tüsho arü dünkheaknü I tsangkhitchoh, junangde thiyuro hode arü she atsangkhitbah.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 9:22

Dükde, yakzan bukkhüp lüpdükhi thiyihnü atsangkhitpü lah, tüsho thiyih mübukkihdüa neak bahkhi müla.