ABEKHIT 29:20 - AMÜSÜH HÜM CL Bible (BSI)

²⁰ Ju laksahbah athiyih khürü luang tüsho Aron le atsührübo nuku müzhean kheak, tsülim khahkutopübo kheak, tüsho tsülim jingkutopübo kheak yihkihjang. Tüsho kingaün sadam alala mükamde athiyih rhakkihang.

ABEKHIT 29:20 Iomraidhean Croise

ABEKHIT 29:19

“Namfimihnupung püpü luang, tüsho Aron le atsührübonü arü khah aku kheak nimkihbah.

ABEKHIT 29:21

Tüsho kingaün sadam kheaknü athiyih khürü tüsho amujube müdangke luang tüsho Aron le atsührübo khimmihbo kheak rhakkihang. Jushu api le atsührübo tüsho arü khimmihbo müsühkhitbah.

ISAIA 50:5

Atungpuh Thrünpuhnü I nükhün khimshuhjih, tüsho inü mazhih, inü mutsolo.

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

LEVI 14:14

Amükeambuhnü namfimihnunu thiyih khürü lubahle müsühkhitpü lakhi mihtsürü tsülim nuku müzhean, tsülim khahkutopü, tüsho tsülim jingkutopü kheak yihkihbah.

LEVI 14:16

ju ching tsülim yingkhing athsoyuka pangbahle müdangke khürü Atungpuh miki thüne ki rhakbah.

LEVI 14:17

Apinü amüyi ching yo müdangke tüsho namfimihnunu thiyih khürü ashaklo kingaün lubahle müsühkhitpü lakhi mihtsürü tsülim nuku müzhean, tsülim khahkutopü, tüsho tsülim jingkutopü kheak yihkihbah.

LEVI 14:25

Apinü namfimihnunu laksahbahle athiyih khürü lubah tüsho ju mihtsürü tsülim nuku müzhean, tsülim khahkutopü, tüsho tsülim jingkutopü kheak yihkihjihbah.

LEVI 14:28

Apinü ashaklo kingaün thsungkheak thiyih yihkihpung kheak lang müdangke khürü yihkihbah: ju mihtsürü tsülim nuku müzhean, tsülim khahkutopü, tüsho tsülim jingkutopü kheak yihkihbah;

LEVI 14:7

Apinü apham tukthsü chingnü amüsühkhitbuh mihtsürü kheak thiyih thüne ki rhakkihbah, jushu api müsühlah de athabah, tüsho rhangdung lakhi wuhnu ju kimtsüh ching phinde atsoshihbah.

LEVI 16:19

Ayingkhing kheaknü athiyih khürü kingaünpung kheak thüne ki rhakkihbah. Hanangde apinü Israel mihtsürübo neak chingnü throde müsühkhitbah.

LEVI 8:23

Mosanü ju laksahbahle athiyih khürü lubah Aron nuku müzhean tsülim, akhahkutopü tsülim, tüsho ajingkutopü tsülim yihkihjih.

LEVI 8:24

Jushu apinü Aron tsührübo mikhuhlim bedarü tüsho athiyih khürü lubah arü nuku müzhean tsülim, arü khahkutopü tsülim, tüsho arü jingkutopü tsülim yihkihjih. Tüsho Mosanü aningkhi thiyihbo kingaünpung khuh phüyi kheak dungabah.

MARK 7:33

Apinü boto chingnü anihbuh ju bemuwuh, tüsho anükhünbo ching ayingkhingbo chungyuk, tüsho apinü mükeke mukhiuk tüsho amulo qiu.

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

IBRI 12:24

tüsho aso tangzüng limburü Jisu kilim, tüsho Abel thiyih kheaknü alü muzhode athakhi arhakkihkhi thiyih kilim.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.