ABEKHIT 29:18 - AMÜSÜH HÜM CL Bible (BSI)

¹⁸ Jushu namfimihnupung abümnü kingaün sadam kheak takang. Haju Atungpuh kilim arhümthüneade monü taka kingaünkhi ah.

ABEKHIT 29:18 Iomraidhean Croise

THRÜNTAN 22:13

Judüki Abrahamnü zünga kheah, tüsho api dunglim namfimihnupung khülang sangrung ching ajuhbo kheaknü wukloa lakheah. Abrahamnü yü tüsho namfimihnupung ju lubah api tsührü müthri taka kingaünkhi jih.

THRÜNTAN 22:2

Judüki Thrünpuhnü tha, “Nünü muzhode alakhi, nü tsührü khülang lang alakhi Isak bebah Moria lomi lim yüang, tüsho inü nü ki thapü lakhi awungbo lung khülang kheaknü api taka kingaünkhi jihang.”

THRÜNTAN 22:7

Tüshe Isaknü abuh Abraham ki tha, “Abuh!” Tüsho apinü alo, “I tsah-a, I ha ching lah.” Tüsho apinü tha, “Kheahang, mo tüsho sang ha kheak lah, tüshe taka kingaünpü namfimihnunu küching la?”

THRÜNTAN 8:20

Judüki Noanü Atungpuh kilim kingaün sadam khülang thsü, tüsho amüsüh shiwüh le amüsüh wuhnu aban lubah kingaün sadam kheak taka kingaün jih.

THRÜNTAN 8:21

Atungpuhnü arhümthüneakhi münim tüsho api mulong chingnü tha: “Mihtsürü dünkheaknü, api azükinü mulong amütsü laa lalashe, kheaküa inü alo muthrumünean müthsü. Tüsho inü arhimokhi nangde rhangdung lakhi lorilokobo küyimkishe müdükheakshih.

1 KIULONG THSÜRÜ 18:38

Judüki Atungpuh mo aki tüsho taka kingaünkhi sang, lung, asungthulung aniuabah, tüsho wungkeru kiukhi ching ke she kungabahshih.

1 KIULONG THSÜRÜ 3:4

Kiulongthsüpuhnü laksah-a kingaünpü Gibeon ching yü, tümüde ju achang dangpung adungto lakheah; Solomonnü ju kingaün sadam kheak 1000 bande taka kingaün.

MUNGSHIKHÜN 50:8

Inü nünü laksah-a kingaünkhi yungsho mutukzhakde I miki taka kingaünkhi dünkheak nü müthürüh.

ABEKHIT 29:17

Namfimihnupung ju adütre kamde khapthünakang tüsho bukningbo le ajingbo müsühbah aku tüsho akhapthünakkhibo lung yukruang.

ABEKHIT 29:25

Jushu arü khah chingnü jurübo luang tüsho Atungpuh kilim monü arhümthüneade taka kingaünkhi lung kingaün sadam kheak takang.

ISAIA 1:11

Nüsanü hihdakde laksah-a kingaünkhibo I ki tümü la? Atungpuhnü thachoh; namfimihnupungbo tüsho yimkipkhi shiwühbonü I suhdahde taka kingaündo; inü moshibo yungsho namfimihnunu, yungsho mihnubo thiyih ching masüh.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

LEVI 1:17

Apinü muthokhitshihde aghidükeangne kheak tholobah apang ju athorüpbah, tüsho alala kingaünpung sang kheak takbah. Ha taka kingaünkhi rhümnü Atungpuh asühshihchoh.

LEVI 1:9

tüshe bukningbo le ajingbo apinü kenü müsühabahbeah. Tüsho amükeamrünü ju alala Atungpuh asühshihpü kingaün sadam kheaknü arhümthüneade atakbah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 8:21

Tüsho bukningbo le ajingbo kenü müsühabahshu, Mosanü mihnupung apang abümnü kingaünpung kheak taka kingaünde arhümthüneakhinü Atungpuh asühshih; ju Atungpuhnü Mosa ki thiyukhüm jihkhi yande rhimo.

LEVI 9:24

Atungpuh kilimnü mo akhiuk tüsho kingaünpung kheak lakhi taka kingaünkhi tüsho müdangmurubo aniuabah. Küyimki mihtsürübonü ju ngükhea, arü alalanü zhi tüsho arü miro mükhümabah.

MARK 12:33

Tüsho mulong alalanü, anikhitkhi alalanü, me alalanü, tüsho sühmüh alalanü api muzhopü tüsho yamhingrü ki nihbuh nangde muzhopü ju abümnü taka kingaünkhi tüsho laksah-a kingaünkhi kheaknü alübe ah.”

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

FILIPI 4:18

Inü khiukde tüsho alü she leangkhido; nüsanü amühahkhi thsambahbo rhümthünea kingaün aleangkhikhukbe, shuhmülanga jihbe tüsho Thrünpuh asühshihbe Epaphrodita kilimnü leangkhibah I suhdahde lah.

1 SAMUEL 7:9

Jumonü Samuelnü namfimihnunu lubah Atungpuh kilim abümnü taka kingaün; Samuelnü Israel thsungkheak Atungpuh ki zhi, tüsho Atungpuhnü api ki alojih.