ABEKHIT 29:13 - AMÜSÜH HÜM CL Bible (BSI)

¹³ Alunglim bukning muhiukhi müdang alala, amüsan atsübe, tüsho amügüe mahne amüdang bede luang tüsho I kilim kingaünde kingaün sadam kheak takang.

ABEKHIT 29:13 Iomraidhean Croise

MUNGSHIKHÜN 22:14

I a ke nangde dungkhita lah, I robo phülapa lah. I mulong ju thürip nangde niuthünaka lah;

ABEKHIT 12:9

Arhangnü yungsho ke ching khiungbah dütsüh, tüshe aku, ajingbo tüsho bukningbo bede ngubah tsühang.

ABEKHIT 29:18

Jushu namfimihnupung abümnü kingaün sadam kheak takang. Haju Atungpuh kilim arhümthüneade monü taka kingaünkhi ah.

ABEKHIT 29:22

“Ha namfimihnupung kheaknü amüdang, amokungro müdang, atrün, amüsan atsübe, amüdang bede amügüe mahne chido tüsho tsülim pho luang. (Ha amüsühkhitbe namfimihnupung ah.)

ABEKHIT 29:25

Jushu arü khah chingnü jurübo luang tüsho Atungpuh kilim monü arhümthüneade taka kingaünkhi lung kingaün sadam kheak takang.

ISAIA 1:11

Nüsanü hihdakde laksah-a kingaünkhibo I ki tümü la? Atungpuhnü thachoh; namfimihnupungbo tüsho yimkipkhi shiwühbonü I suhdahde taka kingaündo; inü moshibo yungsho namfimihnunu, yungsho mihnubo thiyih ching masüh.

ISAIA 34:6

Atungpuh nukshang khülang lah; ha thiyih shitkih-a lah, namfimihnu tüsho mihnu thiyihbonü, namfimihnupung mügei müdangnü mujukihlah. Tümüde Atungpuhnü Bozra ching shuhmülanga jihkhi lah, Edom lomi ching alaksahkhi ato lah.

ISAIA 43:24

Nünü I khilim shonü niungyidung muthulojih, yungsho nünü alaksahkhi müdangnü I reangmükeamshih. Tüshe nü neakbonü I hah mülangshihdo; nü amülimbonü I khishihdo.

LEVI 1:15

Amükeambuhnü ju handarübah aku rhoshaka kingaünpung kheak takbah, tüsho athiyih kingaünpung yean dungkihbah.

LEVI 1:9

tüshe bukningbo le ajingbo apinü kenü müsühabahbeah. Tüsho amükeamrünü ju alala Atungpuh asühshihpü kingaün sadam kheaknü arhümthüneade atakbah.

LEVI 16:25

Tüsho neak kingaünbe amüdang ju apinü kingaün sadam kheak takbah.

LEVI 17:6

Amükeambuhnü thiyih ju ashorupung khimyam ching kingaünpung yean mühide arhakkihbah tüsho amüdang taka arhümthüneashihde Atungpuh asühshihbah.

LEVI 4:26

Mungtsü kingaün ching amüdang shuhmülanga jihkhi ruk apinü amüdang kingaünpung kheak takbah; junangde amükeambuhnü anihbuh dünkheak shuhmülanga jihbah, tüsho api neak bahjihbah.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

LEVI 4:35

Tüsho apinü mungtsü kingaün thsungkheak laksahkhi namfimihnu kheaknü amüdang yihkhitkhi ruk, amüdang yihkhitbah, tüsho Atungpuh kilim taka kingaünkhibo lung thsürubah amükeambuhnü kingaünpung kheak takbah. Hanangde amükeambuhnü mihtsürü neak dünthsükhijihbah, tüsho api neak bahjihbah.

LEVI 6:12

Kingaünpung kheak mo takkhi ju mümütshihdü lang azobah. Yapsu aban amükeambuhnü sang tsanglunga yukde ju kheak taka kingaünpü thsübah, tüsho mungtsü kingaün thsungkheak amüdang ju kheak takbah.

LEVI 7:3

Amüdang harü alala yihkhitbah kingaünpung kheak zojihbah: amokungro-müdang, bukning muhiukhi müdang,

LEVI 7:31

Amükeambuhnü amüdang ju kingaünpung kheak takbah, tüshe akhüh a Aron tüsho atsührübo yo thsübah.

LEVI 7:4

amügüe mahne lung azungyin ching lakhi amüdang, tüsho amüsan she de amügüe mahne lung yihkhita jihbah.

LEVI 8:16

Tüsho Mosanü bukning müdangbo, amüsan tüsho amüdang bebah amügüe mahne lubah kingaünpung kheaknü tak.

LEVI 8:25

Tüsho amüdang, amokungro müdang, bukning muhiukhi müdang alala, amüsan, amüdang bede amügüe mahne, tüsho tsülim pho apinü lu.

LEVI 9:10

tüshe Atungpuhnü Mosa ki thiyukhüm jihkhi nangde, apinü amüdang le amügüebo tüsho amüsan, neak kingaünkhi chingnü lua kingaünpung kheak tak.

LEVI 9:19

tüsho moshipung müdang le mihnupung müdang, amokungro müdang, tüsho bukning muhiukhi müdangmurubo, amügüebo, tüsho amüsan–

WÜHKHE 18:17

Tüshe akhuhde anukhi moshibo, namfimihnu tüsho mihnubo a mürhokhitlokhuk; harübo amüsüh ah. Nünü harü thiyih kingaün sadam kheak rhakkihang, tüsho amüdangkebo ju monü taka kingaünde Atungpuh kilim arhümthüneashang.

1 SAMUEL 2:16

Tüsho mihtsürü khürünü api ki thabah, “ Arünü akhuhde amüdang takshang, tüsho nünü tümüpürü künlanü luang,” apinü athabah, “Yung, nünü kheakü jihbeah; jude yungsho, inü muhdü lang alubah.”