ABEKHIT 28:41 - AMÜSÜH HÜM CL Bible (BSI)

⁴¹ Junangde harü nünü nü khiung Aron tüsho atsührübo kheak khümjang. I ki amükeamrübo thsüde I tankihpü nünü arü mujude tsangkhitang.

ABEKHIT 28:41 Iomraidhean Croise

ABEKHIT 28:1

“Kheakü nü khiung Aron tüsho api tsührübo Nadab, Abihu, Eleazar tüsho Ithamar I ki amükeamrü thsüde tankihpü Israelrü bolungnü bede arang.

ABEKHIT 28:4

Arünü athsüpü khimmihbo ju harü labah: treangkhümbe, amükeamrü khim, shulünkhim, tsüde akeakkhi pangkhümpü, kuhingbe, tüsho chimrümbe. Junangde arünü nü khiung Aron tüsho api tsührübo thsungkheak amüsüh khimmihbo thsübah, junangde apinü amükeamrü thsüde I tankihbah.

ABEKHIT 29:24

Harü alala Aron le atsührübo khah ching yukjang tüsho Atungpuh miki müleamde kingaünkhi jihang.

ABEKHIT 29:35

“Inü nü ki thiyukhüm jihkhi lüpdükhi ayannü nimung thüne lude Aron tüsho api tsührübo amüsühtsangkhit rhimoang.

ABEKHIT 29:7

Amujube müdangke luang tüsho aku kheak yihkihde mujude-müsühkhitang.

ABEKHIT 29:9

tüsho arü ku kheak kuthran thranjang. Aron le atsührübo kheak chimrümbe rümjang. Amükeamrü thsüpü ju lünnü arü yo thsüpü thiyuzüng labah.

ABEKHIT 30:35

Thüneabe dungrukhi nangde jurübonü jinjinlak thsang. Tsangkhitde azopü tüsho amüsüh lapü thsungkheak thimi yukang.

ABEKHIT 40:13

Nünü Aron kheak amüsüh khimmih phukihjang, tüsho api mujude-müsühkhitang, junangde amükeamrü thsüde apinü I tankihbah.

ABEKHIT 40:15

Arü abuh mujudemüsühkhitkhi nangde arübo mujudemüsühkhitang, junangde amükeamrübo thsüde arünü I tankihbah; tümüde arü mujude-müsühkhitkhi ju arü lün amuyung ching tsükjide akheam mülakhi amükeamrü thsübah.”

ISAIA 10:27

Ju nimung arü hahmülang nü dubuh kheaknü ashuhkhibah tüsho nü shih kihkhinü arü sangkaplak nü hung kheaknü athsümünimbah.

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

EZEKIEL 43:26

Arünü nimung thüne kingaün sadam thsungkheak dünthsükhibah tüsho ju tsangkhitde müsühkhitbah.

LEVI 10:7

Arüngyam ripit kinü dütso, jude thsüsho nüsa ashebah, tümüde Atungpuhnü nüsabo mujude-müsühkhitkhi müdangke nüsa kheak lah.” Jumonü Mosanü athakhi nangde arünü rhimo.

LEVI 16:24

tüsho apinü amüsüh dangpung ching junü kemüyihbah nihbuh khimmih yih-a lubah. Jushu apinü anihbuh neak tüsho mihtsürübo neak dünthsükhipü wukhiukbah taka kingaünkhi jihbah.

WÜHKHE 16:5

tüsho apinü Kora tüsho ajingyanrübo ki tha, “Shido yapsu Atungpuhnü sherü api yo a tüsho shepü amüsühanü ahuhbah, tüsho ju buh mihtsürü api phünide ayülishihbah; junangde shepü apinü amokhitbanü api phünide ayüshihbah.

WÜHKHE 3:3

arübo ju müdangkenü mujujih tüsho amükeamrü thsüshihpü müsühkhit.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

IBRI 5:4

Shenü she nihbuh küdahnü wüntre muluchoh; Aron nangde api ju Thrünpuhnü jia labeah.

IBRI 7:28

Tümüde yakzannü achangbe amükeamrü thsüpü müthülünkhi mihtsürübo mokhit; tüshe yakzan dunglim arükhi thiyuchihchimnü lün thsungkheak thülünde akamshihkhi atsührü mokhit.

1 JOHAN 2:20

Tüshe Amüsühbuh Khülangnü nüsa mujude-müsühkhit, tüsho nüsa alalanü mükheahlah.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.