ABEKHIT 28:4 - AMÜSÜH HÜM CL Bible (BSI)

⁴ Arünü athsüpü khimmihbo ju harü labah: treangkhümbe, amükeamrü khim, shulünkhim, tsüde akeakkhi pangkhümpü, kuhingbe, tüsho chimrümbe. Junangde arünü nü khiung Aron tüsho api tsührübo thsungkheak amüsüh khimmihbo thsübah, junangde apinü amükeamrü thsüde I tankihbah.

ABEKHIT 28:4 Iomraidhean Croise

2 SAMUEL 6:14

Davidnü achim kheak amükeamrü khimnü rümbah A TUN GPU H miki asühmüh alalanü tsün.

ABEKHIT 25:7

lungmütribo, amükeamrü khim tüsho treangkhümbe ching yukpü lungbo.

ABEKHIT 29:6

Aku kheak kuhingbe tüsho kuhingbe kheak amüsüh kuthran yihkihjang.

ABEKHIT 39:28

tüsho kuhingbe, kuthranbo, khimthünak akhihkhihbo,

ISAIA 11:5

Thiyuro-lungki api shahmo-rümbe thsübah, tüsho athülünkhinü api chimrümbe thsübah.

ISAIA 59:17

Treangkhümbe nangde apinü thiyuro-lungki yih, tüsho api ku kheak akhümkhit kuthran thran; apinü khimmih thsungkheak royimkhi khimmih phuyu, tüsho khimniuniu ching nangde bukakhiukkhi ching hingthülang.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

EFISIA 6:14

Jumonü thiyuronü nü chim rümang, tüsho thiyuro-lungki treangkhümbe yukbah zhipang,

1 TESALONIKA 5:8

Tüshe isa ju animung yo a le, isanü rhüngrhünganü, tüsho akin tüsho amuzho treangkhümbe yihanü, tüshe akhümkhit mulonglam thsungkheak yinchikuthran thrananü.

AMIKHEAKAKHIUKKHI 9:17

Tüsho inü I michih ching khorabo tüsho ju kheak binrü hanangde ngü: arübo mo tüsho shotolung-bluk, tüsho yinchike nangde treangkhümbebo yih, tüsho khorabo ku ju kekhüzübo ku nangde, tüsho arü mün chingnü mo le mokhüh tüsho yinchike akhiukshih.

1 SAMUEL 2:18

Azübuh Samuelnü khim zhingzhing yihbah Atungpuh miki tankihde alakheah.

1 SAMUEL 22:18

Judüki kiulongthsüpuhnü Doeg ki tha, “Nü, Doeg, rholoang tüsho amükeamrübo laksahang.” Edomrü Doegnü rholobah amükeamrübo laksah; ju nimung apinü amükeamrü khim phuyurü 85 laksah.

1 SAMUEL 23:6

Küyimki Ahimelek tsührü Abiatharnü Keilah ching David kilim yükhea, api khah ching amükeamrü khim shuhbah aki.

1 SAMUEL 30:7

Davidnü Ahimelek tsührü amükeambuh Abiathar ki tha, “I kilim amükeamrü khim lubah arang.” Jumonü Abiatharnü amükeamrü khim David kilim lubah arü.