ABEKHIT 28:36 - AMÜSÜH HÜM CL Bible (BSI)

³⁶ “Suna müthsünnü kutsünpü khülang thsang tüsho mütsanyüm kheak nangde ju kheak ha thrütkihang: ATUNGPUH KILI M A MÜSÜH .

ABEKHIT 28:36 Iomraidhean Croise

1 KIUTHSÜYUKHEAN 23:13

Amram tsührübo: Aron tüsho Mosa. Aron a khide amüsüh kukruk thsungkheak bemuwuh-a zo, junangde api tüsho atsührübonü lünnü Atungpuh miki kingaünbah, tüsho api ki tankihbah tüsho lünnü api mung ching müngühmühi thabah;

MUNGSHIKHÜN 93:5

Nü yakzanbo akheam müla, O Atungpuh , tüsho nü arüngyam amüsüh lah, lünnü akheam müla.

ABEKHIT 19:6

Tüsho nüsa ju I kilim amükeamrü kiulongthsü tüsho amüsüh trükshih khülang thsübah. Harü yubo ha nünü Israelrü ki thaang.”

ABEKHIT 28:11

Mütsanyüm kheak dokihkhi nangde lung kheak dokihbenü Israel tsührübo mung lung mahne kheak kheande dokihang. Nünü jurübo sunanü züt thsüjang,

ABEKHIT 28:35

Aronnü tankihchoki ha khümbah. Api Atungpuh miki amüsüh dangpung ching yüzahchoki tüsho akhiukchoki trüngtrüngpü düsheak sobah, junangde api müshe.

ABEKHIT 28:37

Kuhingbe kheak yihkihpü thsüde ju kheak biyi liu rhükkihang; ju kuhingbe mikhuhlim labah.

ABEKHIT 28:9

Jushu nünü lungmütri mahne luang tüsho jurü kheak Israel tsührübo mung kheande dokihang:

ABEKHIT 29:6

Aku kheak kuhingbe tüsho kuhingbe kheak amüsüh kuthran yihkihjang.

ABEKHIT 39:27

Arünü Aron le api tsührübo thsungkheak khimthünaknü düshihde akeakkhinü pangkhümpü thsüjih,

ABEKHIT 39:30

Arünü suna müthsünnü kutsünpü khülang thsü tüsho mütsanyüm kheak nangde ju kheak ha thrütkih: ATUNGPUH KILI M A MÜSÜH.

ABEKHIT 39:31

Tüsho arünü ATUNGPUHNÜ Mosa ki thiyukhüm jihkhi nangde akulim kuhingbe kheak rhükkihpü biyi liu kheak müchekih.

ISAIA 23:18

Anihbenü shothsümolokhi tüsho mihkhah mulokhibo Atungpuh kilim müsühkhitbah; anihbenü alü thsükhibo ju muzomukhung yungsho rama muzo, tüshe anihbenü amulokhi ju Atungpuh miki larü thsungkheak tsühyungpü tüsho khimmih suhdahde ahiuh-a jihbah.

EZEKIEL 43:12

Ha arüngyam yakzan ah. Müzüng mujuk kheak lomi athrünkhi mükamphülapde khide amüsüh labah. Ha arüngyam yakzan ah.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

LEVI 19:2

Israel trükbo ki thaang: Nüsa müsühde laang, tümüde I Atungpuh nüsa Thrünpuh amüsüh ah.

LEVI 8:9

Atungpuhnü Mosa ki thiyukhüm jihkhi nangde apinü anihbuh ku kheak kuhingbe khim hingkihjih, tüsho kuhingbe mikhuhlim amüsüh kuthran amütsan thsüde suna beak yihkihjih.

ZEKARIA 14:20

Ju nimung khora yinchibo kheak dokih-a labah, “Atungpuh Amüsüh thsang.” Tüsho Atungpuh yam ching dükihthüra phühbo ju kingaün sadam miki amüsüh phurusükbo nangde amüsüh labah;

IBRI 12:14

Mihtsürü alala kheak mungtsü tüsho amüsüh rhangdung lapü mürangang, tüsho ju mübedüa shenü she Atungpuh müngü.

IBRI 7:26

Hadürü amükeamrü amüsüh, jakreak mükihkhi, aneakrü kheaknü achamkhikhi, yinmibo kumung shuhkihkhi isa thsungkheak lapü ayedo.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.