ABEKHIT 28:30 - AMÜSÜH HÜM CL Bible (BSI)

³⁰ Tüsho mahkhap treangkhümbe kheak ju Urim tüsho Thummim yihkihang, tüsho Aron Atungpuh miki yüchoki jurü akhüh kheak labah. Junangde Israelrü mahkhappü Aron khüh kheak Atungpuh miki mutuklode ahanbah.

ABEKHIT 28:30 Iomraidhean Croise

EZRA 2:63

amükeamrünü Urim tüsho Thummim dap mübahyikia arübonü Thrünpuh kingaünkhi jimpung tsühpü mukuk de kovünornü tha.

NEHEMIA 7:65

Jumonü amükeamrünü Urim tüsho Thummim mümüchityichoki Thrünpuh ki kingaünkhi tsühyungpü ju arünü atsühpü mukuk de arü ki Jihudarü kovünornü tha.

ABEKHIT 28:29

Junangde Aronnü Atungpuh miki amüsüh dangpung ching yüchoki mutuklode mümihpü atreang kheak mahkhap treangkhümbe Jakob tsührübo mung hanbah.

LEVI 8:8

Apinü api kheak treangkhümbe yihkihjih tüsho ju kheak Urim tüsho Thummim yihkih.

ZEKARIA 6:13

Atungpuh arüngyam thsüpü ju api labah; apinü kiulongthsü wüntrekhi hanbah; tüsho binbahle api kiulongthsübinkiu kheak yakzan shuhbah. Api kiulongthsü-binkiu ki ane dükeak mungtsü anikhitkhi amükeamrü khülang labah.

WÜHKHE 27:21

Api amükeambuh Eleazar miki zhipbah anihbuh thsungkheak Urim mahkhapkhi yande Atungpuh ki keokhishihbah; Eleazar yukhüm hode api tüsho Israel mihtsürü boto wukhiukbah tüsho azahbah.”

2 KORINT 12:15

Nüsa me thsungkheaknü inü asühde bahzübahdobah tüsho I she shuhmülanga jihbah. Inü nüsa khide muzhosho, I a nükde amuzhoba de?

2 KORINT 7:3

Inü ha nüsa bahyukde mütha, tümüde inü akhuhlim, rukhüh shepü tüsho rukhüh lapü nüsa ju isa mulong ching lah de thado.

YUZÜNGTHALO 33:8

Tüsho Levi dünkheak apinü tha, “Atungpuh , nü yo Thummim tüsho Urim amüsüh mihtsürü Levi kilim jihang, shepü kheak nünü Massa ching rükakikhea, shepü kheak Meriba ching nünü shochihkhea;

IBRI 2:17

Jumonü mihtsürübo neak dün shaklopü thsüde, api ju mihmüthsüm tüsho Thrünpuh tankihpü ching thiyuro achangbe amükeamrü kampü lüpdükhi ching keoniorübo nangde apinü kam.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

IBRI 9:12

Mihnubo tüsho moshipungbo thiyih hode yung tüshe anihbuh thiyih hode lünnü isa rhokhitpü rüpde khülangkinü lang Amüsüh Dangpung ching yüzah.

IBRI 9:24

Tümüde Khrista ju atsütsübe kheahkhikhi, khahnü athsükhi arüngakopung ching yungde, kheakü isa thsung thsüde Thrünpuh miki yüpü yinmi ching yüzahkheah.

MAHKHAPRÜ 1:1

Jihusua she dunglim Israelrünü Atungpuh ki keo, “Isa thsung thsüde she akhuhde yübah Kananrübo azhihde thirithsüba?”

MAHKHAPRÜ 20:18

Tüsho Israel mihtsürünü asürübah Thrünpuh lümkhi keopü Thrünpuh yam ching wutu. Arünü tha, “Benjamin mihtsürü bede keochihpü isa shepü akhuhde awutuba?” Atungpuhnü alo, “ Juda akhuhde awutubah.”

MAHKHAPRÜ 20:23

Israelrünü wutu tüsho arelim khiungde Atungpuh ki trip tüsho Atungpuh ki keokhi. Arünü tha, “Isanü isa keoniorü Benjamin bede keochihpü yüloba shi?” Atungpuhnü alo, “ Arü azhihde wutuang.”

1 SAMUEL 28:6

Küyimki Saulnü Atungpuh ki keokhea, Atungpuhnü api ki milim yungsho Urim yungsho wukihrübo hode malojih.