ABEKHIT 28:12 - AMÜSÜH HÜM CL Bible (BSI)

¹² tüsho ju dubuhrümbe kheak Israel tsührübo mümihpü rhükkihang. Aronnü api dubuh kheak Atungpuh miki mümihpü mungbo hanbah.

ABEKHIT 28:12 Iomraidhean Croise

JOB HU H T ANYU 31:36

Tsükjide inü ju I dubuh kheak hanbah; kuthran nangde I kheak thranbah;

MUNGSHIKHÜN 89:19

Judüki nünü nü yo amüsüh khülang ki michih ching asuk, tüsho tha: “Inü wuto kilim arung jihdo; inü mihtsürü bolungnü mokhitkhi shuhkihdo.

ABEKHIT 12:14

Jumonü ha nüsanü mümihkhi nimung khülang labah; tüsho nüsa lünbo ching nüsanü Atungpuh ki akheam mülakhi yuzüng kamde thüniode alabah.

ABEKHIT 13:9

Ha nü kilim nü khah kheak amütsan khülang tüsho nü kingkang kheak amümihbe nangde alabah, junangde Atungpuh yakzan nü mün ching labah; tümüde Atungpuh khah adüküngnü nüsa Ijip chingnü bekhit.

ABEKHIT 28:11

Mütsanyüm kheak dokihkhi nangde lung kheak dokihbenü Israel tsührübo mung lung mahne kheak kheande dokihang. Nünü jurübo sunanü züt thsüjang,

ABEKHIT 28:29

Junangde Aronnü Atungpuh miki amüsüh dangpung ching yüchoki mutuklode mümihpü atreang kheak mahkhap treangkhümbe Jakob tsührübo mung hanbah.

ABEKHIT 28:7

Dubuhrümbe ju arhüklopü thsüde akheam kheak yihkihbah.

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 62:6

Nü rhübo kheak, O Jirusalem, inü aheangrü zojihlah; nimungroro tüsho tsüngreroro arünü zhikde müla. Nüsa sherü Atungpuh ki lümkhitloshihbanü zhikde düla,

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

LEVI 24:7

Tüsho nüsanü atsangkhitkhi rhümthüneabe aru abande yihkihang; ju yikhap ching ride yüzahbah mümihpü shihcham Atungpuh kilim monü taka kingaünkhi labah.

WÜHKHE 16:40

tüsho ju Israel tsührübo thsungkheaknü mümih-mütsan thsü, junangde api ki Atungpuhnü Mosa hode alokhikhi nangde Aron tsührübo khah hobah püpürü shenü she Atungpuh miki arhümthüneabe jihpü marü, jude yungsho api ju Kora tüsho api jingyanrübo ruk kambah.

WÜHKHE 31:54

Tüsho Mosa le amükeambuh Eleazar anenü chithürü kumung wühkenorü tüsho chi kumung wühkenorübo kheaknü suna leangkhi, tüsho ju Israel mihtsürü thsungkheak lümkhitde alapü thsüde Atungpuh miki arüngyam ching handarü.

LUKNÜ ATHRÜTKHI THIYUSHEAK-ATSÜ HUHTANYU 1:54

Apinü nihbuh mihmüthsüm lümkhitde api yamlarü Israel rungdo.

LUKNÜ ATHRÜTKHI THIYUSHEAK-ATSÜ HUHTANYU 1:72

isa bebuhrü ki amüthsüm alokhikhi rhimopü, tüsho api amüsüh tangzüng lümkhitpü,

YUNIRÜBO RHIMO 10:4

Apinü trede api kheak kheah, tüsho tha, “Ju tümü a, Atungpuh?” Tüsho apinü anihbuh ki tha, “Nü tamkhüntamnü tüsho arung-jihkhibo mümihbe thsüde Thrünpuh miki akihdo.

1 KORINT 11:24

tüsho küyimki apinü makshe jihkheanü yihnak tüsho tha, “Ha athsümünimkhi I pang ah. I lümkhitde ha rhimoang.”

YUZÜNGTHALO 33:12

Apinü Benjamin dünkheak tha, “Atungpuhnü amuzhodakkhi, apinü akümkhi ching lachoh; apinü nimung amuyung neakchoh tüsho api dubuh dükeak api sühakhimchoh.” @SP ACE=

JIHUSUA 4:7

Atungpuh tangzüng sangdan ayung hanhochoki, Jordan keto mubukde akamkheah de arü ki thaang. Ha ching tümü dünjikheanü Thrünpuhnü mihtsürübo ki lünnü ha lungbo hode alümkhitshihbah.”