ABEKHIT 28:1 - AMÜSÜH HÜM CL Bible (BSI)

¹ “Kheakü nü khiung Aron tüsho api tsührübo Nadab, Abihu, Eleazar tüsho Ithamar I ki amükeamrü thsüde tankihpü Israelrü bolungnü bede arang.

ABEKHIT 28:1 Iomraidhean Croise

1 KIUTHSÜYUKHEAN 23:13

Amram tsührübo: Aron tüsho Mosa. Aron a khide amüsüh kukruk thsungkheak bemuwuh-a zo, junangde api tüsho atsührübonü lünnü Atungpuh miki kingaünbah, tüsho api ki tankihbah tüsho lünnü api mung ching müngühmühi thabah;

1 KIUTHSÜYUKHEAN 6:10

tüsho Johanan tsührü Azaria (api ha Jirusalem ching Solomonnü athsükhi yam ching amükeamrü thsüde tankihbuh ah).

1 KIUTHSÜYUKHEAN 6:34

Elkana tsührü, Jeroham tsührü, Eliel tsührü, Toa tsührü,

2 KIUTHSÜYUKHEAN 11:14

Levirünü rimlopungbo tüsho arü lo püpübo zojihbah Juda tüsho Jirusalem ching arü, tümütüsho Jeroboam le atsührübonü Atungpuh amükeamrü thsüde tankihkhi chingnü arü tukloshih,

MUNGSHIKHÜN 115:10

O Aron yamkhün, Atungpuh kheak kinang; apinü nüsa rungchoh tüsho tsungdochoh.

MUNGSHIKHÜN 99:6

Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü Atungpuh ki ji, tüsho apinü arü ki alojih.

ABEKHIT 24:1

Atungpuhnü Mosa ki tha, “Nü le Aron, Nadab le Abihu, tüsho Israel azothsürü 70 I kilim atuang tüsho limshu chingnü kingaünang.

ABEKHIT 24:9

Judüki Mosa, Aron, Nadab, Abihu, tüsho Israel azothsürü 70 wutu,

ABEKHIT 28:41

Junangde harü nünü nü khiung Aron tüsho atsührübo kheak khümjang. I ki amükeamrübo thsüde I tankihpü nünü arü mujude tsangkhitang.

ABEKHIT 29:1

“Arünü amükeamrübo thsüde I tankihpü nünü ha ruk arü müsühkhitang: moshipung nunu 1 tüsho namfimihnupung 2 lapha mükihkhi luang.

ABEKHIT 29:44

Jumonü inü ashorupung khimyam le kingaün sadam müsühkhitbah tüsho Aron le api tsührübo I tankihpü amükeamrübo thsüpü müsühkhitbah.

ABEKHIT 29:9

tüsho arü ku kheak kuthran thranjang. Aron le atsührübo kheak chimrümbe rümjang. Amükeamrü thsüpü ju lünnü arü yo thsüpü thiyuzüng labah.

ABEKHIT 30:30

Aron tüsho api tsührübo müsühkhitang, junangde arübo amükeamrü thsüde I tankihbah.

ABEKHIT 31:10

tüsho Aron le api tsührübo amükeamrü thsüde tankihchoki thsungkheak akeakkhi amüsüh khimmihbo,

ABEKHIT 35:19

amüsüh dangpung tankihpü khimmihbo– amükeambuh Aron tüsho api tsührübo amükeamrü thsüde tankihpü amüsüh khimmihbo.”

ABEKHIT 6:23

Aronnü Amminadab tsührü tüsho Nashon niurü Elisheba aniube thsüpü lu; tüsho alibenü api kilim Nadab, Abihu, Eleazar tüsho Ithmar zübejih.

LEVI 10:1

Aron tsührübo Nadab tüsho Abihu, ane abande mophuru lua mo takkihbahle rhümthüneabe yuk, tüsho ju Atungpuh kilim jih. Tüshe mo ju mümüsühkhi lakheah, tümüde Atungpuhnü ane ki ju jihshihpü thiyukhüm müjih.

LEVI 10:12

Mosanü Aron tüsho atsührü aningkhi Eleazar le Ithamar ki tha, “Atungpuh kilim taka kingaünkhi chingnü aningkhi hi kingaün ju luang tüsho phaüm muyukde kingaünpung mungyeannü tsühang; tümütüsho ha kingaün khide amüsüh.

LEVI 7:35

Ha Mosanü arübo amükeamrü thsüde Atungpuh tankihshihpü jih nimung Atungpuh kilim taka kingaünkhi chingnü Aron tüsho atsührübo kilim amüsüh shihcham.

LEVI 8:1

Atungpuhnü Mosa ki tha,

LEVI 8:2

Aron tüsho api lung atsührübo beang tüsho ju lung amükeamrü khimmih, mujude-müsühkhitbe müdangke, neak kingaün thsungkheak moshipung nunu khülang, mihnupung mahne, tüsho phaüm muyukkhi yikhap muluk khülang,

WÜHKHE 18:7

Jumonü nü lung nü tsührübo bebah kingaün sadam tüsho zhindokhim dunglim amükeam rhimo alala rhimobeah; tüsho nünü tankihbah. Atankihbe thsambah nangde inü nü kilim amükeamrü thsüshihkheah, tüshe püpürü a shepünü phünide arübanü asheshihbah.”

WÜHKHE 2:4

Tüsho api bonungrü alalanü 74,600.

WÜHKHE 26:61

Tüsho Nadab le Abihu ane Atungpuh miki mümülükhi mo jihchoki sheabah.

LUKNÜ ATHRÜTKHI THIYUSHEAK-ATSÜ HUHTANYU 1:8

Junangde api chamnak yande Thrünpuh miki amükeamrü thsüde atankihchoki,

YUZÜNGTHALO 10:6

(Kheakü Israelrübo Bene Jaakan kekhipbo chingnü tsahmusubah Mosera ching yü. Ju ching Aron shekheah tüsho kiuyukabah; tüsho atsührü Eleazarnü api müthri amükeamrü thsüde tankih.

YUZÜNGTHALO 18:5

Tümüde Atungpuh nüsa Thrünpuhnü api le atsührübo Atungpuh mung ching lünnü atankihshihpü nüsa trük alala bolungnü mokhitdo.

1 SAMUEL 2:28

Api I yo amükeamrü thsüpü kingaün sadam kheak wutupü, rhümthüneabe jihpü tüsho I miki khim zhingzhing phuyupü inü api Israel trükbo alala chingnü mokhit; tüsho Israel mihtsürübonü I ki taka kingaünkhi alala inü nü pü yamkhün kilim jih.