ABEKHIT 27:21 - AMÜSÜH HÜM CL Bible (BSI)

²¹ Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

ABEKHIT 27:21 Iomraidhean Croise

THRÜNTAN 1:5

Thrünpuhnü ayin ki, “Animung” tüsho amiting ki “Azhing” de ji. Tüsho akhuhbe nimung arelim tüsho yapsu lakheah.

THRÜNTAN 1:8

Apinü akhunung ki ju “Thüning” de ji. Tüsho ju mahnepü nimung arelim tüsho yapsu lakheah.

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

MUNGSHIKHÜN 134:1

Nüsa Atungpuh tankihrübo alala, azhing ching Atungpuh yam ching zhiprü, Atungpuh shiang!

ABEKHIT 12:14

Jumonü ha nüsanü mümihkhi nimung khülang labah; tüsho nüsa lünbo ching nüsanü Atungpuh ki akheam mülakhi yuzüng kamde thüniode alabah.

ABEKHIT 16:34

Atungpuhnü Mosa ki thiyukhüm jihkhi nangde, azokhukpü thsüde manna ju tangzüng sangdan miki yuka zo.

ABEKHIT 25:16

Tüsho sangdan ching ju inü nüsa kilim jihkhi thiyukhümbo thrütkihkhi lungbeak mahne yukang.

ABEKHIT 28:43

Aron le api tsührübonü arü ashorupung khimyam ching yüzahchoki yungsho amüsüh dangpung ching tankihpü kingaün sadam ki yüchoki jurü yihbah, junangde arünü amülim müthsü tüsho müshe. Ha lünnü Aron tüsho api tsühsoniuso thsungkheak thiyuzüng labah.

ABEKHIT 29:28

Ha kamruhroro Aron le atsührübo thsungkheak Israelrü kilimnü mutukzhak shihcham labah. Ha Israelrünü arü mungtsü kingaün chingnü Atungpuh kilim arung jihkhi labah.

ABEKHIT 29:42

Ha taka kingaünkhi ju lünnü ashorupung khimyam yüzah limro kheak Atungpuh miki mutukzhakde jihde alabah. Ju ching inü nü shorubah tüsho nü ki asukbah;

ABEKHIT 29:44

Jumonü inü ashorupung khimyam le kingaün sadam müsühkhitbah tüsho Aron le api tsührübo I tankihpü amükeamrübo thsüpü müsühkhitbah.

ABEKHIT 30:21

arünü arü khah tüsho jing müsühbah, junangde arü müshe. Ha lünnü Aron tüsho api tsühsoniuso lünbo thsungkheak thiyuzüng labah.”

ABEKHIT 30:36

Ju chingnü anükhüh ayikangkang kamde dungang tüsho inü nü shorupung khimyam ching tangzüng sangdan miki zoang. Ha nü ki khide amüsüh labah.

ABEKHIT 30:8

Apinü shuhyini ching tsünpung takkihchoki jinjinlak taklobeah, junangde jinjinlak ju lün alala thsungkheak mutukzhakde Atungpuh miki takde alabah.

ABEKHIT 40:3

Thiyuzüngbo zahkhi tangzüng sangdan ju ching zoang tüsho ju miki zhindokhim yukang.

LEVI 10:9

“ Nü tüsho nü tsührübonü yukhu yungsho püpü amüshangbe yungbah I shorupung khimyam ching düyüzah; jude thsüsho, nüsa ashebah. Ha nüsa lün alala ching yakzan khülang labah.

LEVI 16:34

Ha kam ching khülang ki Israel neak dünthsükhipü nüsa thsungkheaknü kamruhroro yakzan thsükhi lah. Tüsho Atungpuhnü api ki thiyukhüm jihkhi nangde Mosanü rhimo.

LEVI 17:7

Junangde arünü müzammüramkhi arimri ki laksah-a mükingaün. Ha arü lün lün ching arü thsungkheaknü kamruhroro yakzan thsükhi labah.

LEVI 23:14

Nüsanü ju nimungnü nüsa Thrünpuh kilim kingaün handarü müjihyi khiungde yikhap thsüthsü, angukhi hi thsüthsü yungsho aso hi thsüthsü nüsanü mütsüh; ha nüsa tsühsoniuso lün ching lapung abande thiyukhüm labah.

LEVI 23:21

Tüsho ju ninü nüsanü zhiyukjang; nüsanü amüsüh amukhung khülang labah; nüsanü rhimo achak tümü she mürhimo: ha nüsa lapung abande kamruhroro nüsa lün amuyung yakzan labah.

LEVI 24:2

Israel mihtsürübo ki tsünpung ching yukpü thsüde oliv chingnü anitkhitkhi müdangke handarüpü thiyukhüm jihang, junangde tsün ju mutukzhakde atrushihbah.

LEVI 24:3

Ashorupung khimyam ching tangzüng khim zhinkhi aleanglim, Aronnü tsünpungbo ju takkih-a zoanude arenü yapsu khiungde akümbah. Ha tsühsoniuso lün thsungkheaknü yakzan thsükhi labah.

LEVI 24:9

Ha yikhap ju Aron le atsührübo yo thsübah, arünü ju amüsüh dangpung chingnü atsühbah, tümütüsho, ha Atungpuh kilim taka kingaünkhi chingnü arü lün yo khide amüsüh shihcham ah.

LEVI 3:17

Ha nüsa lünbo, nüsa lapung alala ching kamruhroro yakzan labah; nüsanü amüdang yungsho athiyih mütsühbeah.

LEVI 3:8

tüsho apinü akhah aku kheak nimbahle Atungpuh shorupung khimyam müngühnü alaksahbah; Aron tsührü amükeamrübonü kingaün thrip phüyi ching athiyih rhakkihbah.

LEVI 6:15

Arünü ayikangkang müyikhüh, müdangke, tüsho ju kheak lakhi rhümthüneabe lubah mümihpü thsüde Atungpuh kilim kingaünpung kheak takbah. Ha kingaünkhi rhümnü Atungpuh asühshihchoh.

LEVI 7:36

Apinü arü mujudemüsühkhitkhi nimung arübo kilim ha shihcham jihshihpü Atungpuhnü Israelrü kilim thiyukhüm jih. Ha Israel mihtsürübonü lün lün ching anide rhimode ayüpü yakzan ah.

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

WÜHKHE 18:23

Tüshe Levirünü arüngyam ching arüngakobo rhimobah, tüsho arünü arü münean hanbah; ha lünnü tsührü-tsührü lün khiungde yakzan labah, junangde Israel mihtsürü bolung arü yamrüplurüp müla.

WÜHKHE 18:5

Tüsho Israel mihtsürü kheak bukakhiukkhi mülaloshihpü thsüde nünü arüngyam tüsho kingaün sadam hahmülang rhimo alala thsang.

WÜHKHE 19:21

Ha arü thsungkheak lün yo yakzan lah. Shepünü amüsühkhitbe ke rhakbanü khimmih müsühbah; tüsho shepünü amüsühkhitbe ke qiubanü arelim khiungde müneana labah.

WÜHKHE 35:29

Kheakü harübo ha nüsa lünbo ching lapung abande lünnü mahkhapkhi yakzan labah.

WÜHKHE 8:9

Jushu Israelrü athrünkhi mukhungshang, tüsho arüngyam miki Levirübo zhipshang.

MATHI 4:16

amiting ching larü mihtsürübonü ayin ato khülang ngü; ashe alamme lomi ching larü kheak ayin akhiuk.”

LUKNÜ ATHRÜTKHI THIYUSHEAK-ATSÜ HUHTANYU 12:35

“Nüsa chim rümang tüsho nüsa tsünpungbo trushang;

JOHAN 5:35

Api ju takde tüsho yinde alakhi tsün lakheah, tüsho nüsanü api ayinatrüm ching asühachihpü mulongde alakheah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

2 PETER 1:19

Tüsho isanü alü thsüde amütsankhi ju wukihrübo yu lah, tüsho yinkhibah yapsu chining nüsa mulongbo ching makhiukyi khiungde amiting ching ayin tahyukkhi nangde nüsanü ha mulong jihde anibah.

AMIKHEAKAKHIUKKHI 2:1

“Efisia borü ching yunirü kilim thrütang: ‘Api khah tsülim thüne shuhbuh, tsünpung dubopung thüne bolung tsahbuh yubo.

1 SAMUEL 3:3

Thrünpuh tsünpung mümütyide alakheah, tüsho Samuel ju Thrünpuh sangdan zopung Atungpuh arüngyam ching yapa lakheah.

1 SAMUEL 30:25

Ju nimungnü apinü Israel thsungkheak yakzan tüsho thiyuzüng thsü; ha khihni khiungde lah.