ABEKHIT 26:36 - AMÜSÜH HÜM CL Bible (BSI)

³⁶ “Nüsanü arüngkhimyam ripit zhindokhim ju biyi, mürümmuchu, aneakrüm hing tüsho khimthünaknü yak khode thsang.

ABEKHIT 26:36 Iomraidhean Croise

2 SAMUEL 7:6

Inü Israel mihtsürü Ijip chingnü bekhitkinü khihni khiungde I thüyam ching mülaakheah, tüshe I a khimyam tüsho arüngkhimyam ching lang yüla arüla de alakheah.

MUNGSHIKHÜN 78:60

junangde apinü Shilo ching arüngkhimyam, arü bolung zokhi khimyam bahyuk,

ABEKHIT 26:31

“Nüsanü zhindokhim ju biyi, mürümmuchu, aneakrüm hing tüsho khimthünak atsüdak keakkhinü thsang. Ju athsüsorünü athsükhi cherubim keakyukde thsang.

ABEKHIT 27:16

Ripit thsungkheak zhindokhim ayunglim khahnap 20, biyi le mürümmuchu tüsho aneakrüm hing khim-keakrünü atsüdak khimthünaknü akeakkhi labah. Ju ching dungjing phüyi tüsho athranyukbe phüyi labah.

ABEKHIT 28:15

“Adüngakhi mütsanjihpü treangkhümbe rhimosorünü arhimokhi amükeamrü khim nangde thsang: suna, biyi, mürümmuchu, aneakrüm hing, tüsho tsüde yakkhokhi khimthünak.

ABEKHIT 28:39

“Khimthünak atsübonü Aron pangkhümpü le kuhingbe tüsho yak khode chimrümbe keakang.

ABEKHIT 35:11

arüngkhimyam, ju muhiudobe, aleanglim muhiudobe, sangbeakbo, akhrihbebo, dungjingbo tüsho athranyukbebo;

ABEKHIT 35:15

jinjinlak takpung kingaün sadam tüsho akhrihbebo; amujube müdangke; arhümthüneabe; khimyam ching yüzahpung zhindokhim;

ABEKHIT 36:37

Arünü arüngkhimyam ripit zhindokhim ju biyi, mürümmuchu, aneakrüm hing tüsho khimthünaknü thsü,

ABEKHIT 38:18

Limkhuh ripit zhindokhim ju biyi le mürümmuchu tüsho aneakrüm hing, tüsho khimthünak atsüdak lakheah. Ayunglim khahnap 20, atolim khahnap 5, limkhuh zhindokhim nangde alakheah.

ABEKHIT 39:29

tüsho khimthünak, biyi, mürümmuchu, aneakrüm hingnü Atungpuhnü Mosa ki thiyukhüm jihkhi nangde chimrümbe thsüjih.

ABEKHIT 39:33

Judüki arünü Mosa kilim arüngkhimyam ludarü: khimmüküp, amuhiudobe, awuhlobebo, sangbeakbo, akhrihbebo, dungjingbo tüsho athranyukbebo;

ABEKHIT 40:5

Jinjinlak takpü tangzüng sangdan miki suna kingaün sadam zoang tüsho khimyam ching yüzahpung ki zhindokhim zhinang.

EZEKIEL 16:10

Inü yakthsükhi khim nü kheak phukihjih tüsho jingkhümpü yukjih. Inü nü atsüdakbe azhingzhing phuyujih tüsho amo-achak khimmihnü nü lüpdojih.

WÜHKHE 3:25

Gershon tsührübonü ashorupung khimyam ching rhimopü ju, arüngyam, khimyam tüsho amilim yihdobe tüsho ashorupung khimyam ripit zhindobe khim,

WÜHKHE 9:15

Arüngyam thsü nimung amonü tangzüng khimyam ju liudo; tüsho arelim arüngyam kumung amo ju mo nangde akhiukbah yapsu khiungde la.

JOHAN 10:9

I ripit ah. Khürünü I hode yüzahsho, api khümkhitbah, tüsho yüzahla akhiukla de rimlopung ngübah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.