ABEKHIT 26:33 - AMÜSÜH HÜM CL Bible (BSI)

³³ Zhindokhim ju awuklobe kheaknü zhinang tüsho ju dunglim tangzüng sangdan zoang. Zhindokhim junü Khide Amüsüh Dangpung kheaknü Amüsüh Dangpung büthsüjihbah.

ABEKHIT 26:33 Iomraidhean Croise

1 KIULONG THSÜRÜ 6:16

Apinü yamkiung lim sadam kheaknü damzü khiungde achanglim khahnap 20 cedar sangbeakbonü thsü, tüsho apinü ha arüngyam alunglim Khide Amüsüh Dangpung thsü.

1 KIULONG THSÜRÜ 8:10

Tüsho küyimki amükeamrübo amüsüh dangpung chingnü akhiukkhea, Atungpuh yam ching amonü mi.

1 KIULONG THSÜRÜ 8:6

Judüki amükeamrübonü Atungpuh sangdan lubah arüngyam alunglim Khide Amüsüh Dangpung, cherubim ghidükeangbo khüp arü.

2 KIUTHSÜYUKHEAN 3:8

Apinü Khide Amüsüh Dangpung thsü; thüyam atolim yande ayunglim khahnap 20 tüsho apunglim 20; apinü ju kheak suna müthsün khahngak chithürü 20 yihkih.

ABEKHIT 25:16

Tüsho sangdan ching ju inü nüsa kilim jihkhi thiyukhümbo thrütkihkhi lungbeak mahne yukang.

ABEKHIT 26:32

Ju suna yihkihkhi akasia sang dungjing phüyi kheak wuhkih-a zhinang, tüsho shotoyinchi dubopung phüyi kheak zhipshang.

ABEKHIT 27:10

Dungjing muku tüsho athranyukbe muku müwayinchinü thsang. Dungjingbo wuklobe tüsho yinchi-khrihbo shotoyinchi luang.

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

ABEKHIT 36:36

Arünü ju thsungkheak akasia sangnü dungjing phüyi thsübah suna yihkih. Arünü awuklobe sunanü thsü tüsho shotoyinchinü adubopungbo phüyi thsü.

ABEKHIT 40:21

Jushu apinü sangdan ju arüngkhimyam ching yuka zo tüsho zhindokhim zhin. Hanangde Atungpuhnü thiyukhüm jihkhi nangde apinü tangzüng sangdan ju zhindo.

ABEKHIT 40:3

Thiyuzüngbo zahkhi tangzüng sangdan ju ching zoang tüsho ju miki zhindokhim yukang.

EZEKIEL 41:4

Apinü khiungshak ju ayunglim khahnap 20, tüsho atolim khahnap 20 aphulung khiungshak hode ake. Tüsho apinü I ki tha, Ha khide amüsüh dangpung ah.

LEVI 16:2

apinü tha, “ Khide Amüsüh Dangpung ching zhinkhi khim miki kim yancho ching darü de nü khiung Aron ki thaang, tümüde ju tangzüng sangdan khidopü kumung amo ching I akhiukchoh. Apinü mihyumanisho, api asheshihbah.