ABEKHIT 26:1 - AMÜSÜH HÜM CL Bible (BSI)

¹ “Nüsanü zhindokhim ching khimthünak atsüdak, biyi, mürümmuchu tüsho aneakrüm hing keakyukde athsükhi thürü yukde arüngkhimyam thsang; thsüsonungnürünü athsükhi cherubim yukde keakang.

ABEKHIT 26:1 Iomraidhean Croise

2 SAMUEL 7:2

kiulongthsüpuhnü Nathan wukihrü ki tha, “ Kheakü kheahang, I cedar sang yam ching lachoh, tüshe Thrünpuh sangdan a khimyam ching lah.”

1 KIULONG THSÜRÜ 6:29

Arüngyam mükamde, alungbe tüsho aleangbe khiungshakbo kheak apinü cherubim ashidungbo tüsho sangbünbo pungde thrünkih.

1 KIUTHSÜYUKHEAN 17:1

Kheakü küyimki David anihbuh yam ching lakhea, Davidnü Nathan ki tha, “I a cedar yam khülang ching lah, tüshe Atungpuh tangzüng sangdan khimyam khüp lah.”

1 KIUTHSÜYUKHEAN 21:29

Tümüde sunglo ching Mosanü athsükhi Atungpuh arüngkhimyam, tüsho taka kingaünbe kingaün sadam ju kim ching Gibeon ching achang dangpungbo kheak lakheah;

ABEKHIT 25:18

Tüsho nüsanü sunanü kingde cherubim mahne thsübah; mihmüthsüm binkiu mahne akheam kheak thsang.

ABEKHIT 25:4

biyi le mürümmuchu tüsho aneakrüm hing, atsüdak khimthünak, tüsho mihnu nam;

ABEKHIT 25:8

Tüsho arünü I khilim arüngakopung khülang thsüshang, junangde I arü bolung labah.

ABEKHIT 26:2

Zhindokhim ayunglim khahnap 28, tüsho atolim khahnap 4 labah. Tüsho zhindokhim aban akeara rukhüh labah.

ABEKHIT 26:31

“Nüsanü zhindokhim ju biyi, mürümmuchu, aneakrüm hing tüsho khimthünak atsüdak keakkhinü thsang. Ju athsüsorünü athsükhi cherubim keakyukde thsang.

ABEKHIT 26:36

“Nüsanü arüngkhimyam ripit zhindokhim ju biyi, mürümmuchu, aneakrüm hing tüsho khimthünaknü yak khode thsang.

ABEKHIT 31:7

ashorupung khimyam, tangzüng sangdan tüsho mihmüthsüm binkiu, tüsho khimyam ching kukruk alala–

ABEKHIT 35:11

arüngkhimyam, ju muhiudobe, aleanglim muhiudobe, sangbeakbo, akhrihbebo, dungjingbo tüsho athranyukbebo;

ABEKHIT 35:35

Apinü arü kilim kizükidorü aphuaphu keakkhitrü, khimthünakkeakrü, biyi, mürümmuchu, alamlamkhim mürüm, tüsho püpü khimmih rhimobe mungji alala thsüsopü jih. Arünü rhimo mungji alala tüsho yak khozükhodopü kuklah.

ABEKHIT 35:6

biyi, mürümmuchu tüsho aneakrüm hing, atsüdak khimthünak tüsho mihnu nam;

ABEKHIT 36:35

Arünü zhindokhim ju biyi, mürümmuchu, aneakrüm hing tüsho khimthünak atsüdak keakkhinü thsü. Ju athsüsorünü athsükhi cherubim keakyukde thsü.

ABEKHIT 39:3

Tüsho arünü biyi, mürümmuchu, aneakrüm hing tüsho atsüdak khimthünak ching yak khode akeakpü suna ju abeak kamde kingnakbah hing thsüde tsütnak.

ABEKHIT 40:2

“Akhuhbe khinu atan nimung Atungpuh shorupung arüngkhimyam thsüa zhipshang.

WÜHKHE 3:25

Gershon tsührübonü ashorupung khimyam ching rhimopü ju, arüngyam, khimyam tüsho amilim yihdobe tüsho ashorupung khimyam ripit zhindobe khim,

WÜHKHE 4:25

arüngyam aleanglim tüsho alunglim phudobe, ju ku kheak shihküp kihbah, ayüzah limro phudobe khim,

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 2:21

Tüshe apinü api pang arüngyam dünkheak thade alakheah.

IBRI 8:2

Apinü mihtsürü yungde, Atungpuhnü athsükhi thiyuro arüngkhimyam yo arüngakopung ching tankihchoh.

IBRI 9:2

Arüngkhimyam ju thsü. Akhuhbe khiungshak ching tsünpung-zopung, dükhüm tüsho müsühkhitkhi yikhap lakheah; ha Amüsüh Dangpung de ji.

IBRI 9:9

Thsambahbo tüsho laksah-a kingaünkhinü kingaünrü lümkhi mümüsühkhuk dükhi huhde ha lün thsungkheak haju amütsan khülang lah,

AMIKHEAKAKHIUKKHI 19:8

alibe ju khimthünak atsü, ayinatrüm tüsho amüthsün phuyupü mülüjih”–tümüde khimthünak atsü ju amüsührü thiyuro-lungki rhimobo lah.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;