ABEKHIT 25:37 - AMÜSÜH HÜM CL Bible (BSI)

³⁷ Jushu tsünpung thüne thsübah ju kheak zhipshang, junangde ju miki yinshihbah.

ABEKHIT 25:37 Iomraidhean Croise

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

2 KIUTHSÜYUKHEAN 4:20

tsünpung dubopungbo tüsho amülükhi yande alunglim arüngakopung miki takpü suna müthsün tsünpungbo;

MUNGSHIKHÜN 119:105

Nü yu ju I jing ki tsün tüsho I limro ching ayin khülang ah.

ABEKHIT 25:38

Tüsho mokhih müjipbe le phurubeakbo ju suna müthsünnü thsang.

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

ABEKHIT 30:8

Apinü shuhyini ching tsünpung takkihchoki jinjinlak taklobeah, junangde jinjinlak ju lün alala thsungkheak mutukzhakde Atungpuh miki takde alabah.

ABEKHIT 37:23

Tüsho apinü tsünpung thüne, mokhih-müjipbe tüsho phurubeakbo suna müthsünnü thsü.

ABEKHIT 40:24

Apinü ashorupung khimyam ching düjinglim, dükhüm mikhuh kheak tsünpung dubopung zo;

ABEKHIT 40:25

tüsho Atungpuhnü thiyukhüm jihkhi nangde apinü Atungpuh miki tsünpungbo takkih.

MÜCHITMUDU 6:23

Tümüde thiyukhüm ju tsün, tüsho yakzan ju ayin ah; tüsho adanyukkhi thsülangkhi ju rhangdung limro ah,

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

ZEKARIA 4:2

Apinü I ki tha, “ Nünü tümü ngücho?” Tüsho inü alo, “ Inü sunanü athsükhi khülang, aku kheak phurusük kihbah ngüchoh; ju kheak tsünpung thüne lah, tsünpung aban aku kheak hühpung kihlah.

WÜHKHE 4:9

Arünü biyi khimnü tsünpung dubopung, tsünpungbo, mokhih müjipbebo, phurubeakbo, tüsho oliv müdangke yukpungbo phudobah.

WÜHKHE 8:2

“ Aron ki thaang, küyimki nünü tsünpung zobanü tsünpung thüne ju ayin tahshihpü thsüde tsünpung dubopung miki zoang.”

MATHI 5:14

Nüsa alomi ayinatrüm. Awung kheak lakhi kiuto amüyimpü mukuk.

LUKNÜ ATHRÜTKHI THIYUSHEAK-ATSÜ HUHTANYU 1:79

amiting ching larü yinshihpü tüsho ashe alamme ching larü kheak yinshihpü, isa jingdükü mungtsü limro ching bepü lah.”

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 12:5

“Tümü thsükhi ha rhümthüneabe shotoyinchi nak 300 dün yinbah ju sho zhochihrü kilim müjihkhea?”

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

AMIKHEAKAKHIUKKHI 1:12

Judüki I ki asukkhi düsheak kheahpü inü rholo, tüsho suna tsünpung dubopung thüne ngü,

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,

AMIKHEAKAKHIUKKHI 22:5

Tüsho ju ching kheaküa azhing müla; arünü tsün yo ayin yungsho ani yihnüpü müla, tümüde Atungpuh Thrünpuh ju arü ayin labah, tüsho arünü lünnü lün kiulongthsübah.

AMIKHEAKAKHIUKKHI 4:5

Kiulongthsübinkiu ching junü chinchobe düsheakbo tüsho tsüngmukbo akhiuk, tüsho kiulongthsü-binkiu miki Thrünpuh me thüne, tsünduphung thüne lakheah;