ABEKHIT 25:16 - AMÜSÜH HÜM CL Bible (BSI)

¹⁶ Tüsho sangdan ching ju inü nüsa kilim jihkhi thiyukhümbo thrütkihkhi lungbeak mahne yukang.

ABEKHIT 25:16 Iomraidhean Croise

1 KIULONG THSÜRÜ 8:9

Sangdan ching tümü she mülakheah tüshe Israelrü Ijip lomi chingnü akhiukchoki Atungpuhnü arü kheak tangzüng pung Horeb ching Mosanü lungbeak mahne yukkhi lang alakheah.

2 KIULONG THSÜRÜ 11:12

Judüki apinü kiulongthsüpuh tsührü bede akhiukbah api kheak kuthran thranjih, tüsho api kilim tangzüng jih; arünü api kiulongthsüpuh de zhiyuk, tüsho api mujude-mokhit; arünü arü khahbo dam tüsho zhi, “ Kiulongthsüpuh kutsüpde laang!”

2 KIUTHSÜYUKHEAN 23:11

Jushu apinü kiulongthsüpuh tsührü bede akhiukbah api kheak kuthran thranjih, tüsho api kilim tangzüngkhi jih; arünü api kiulongthsüpuh de zhiyukjih, tüsho Jehoiada le api tsührübonü api mujude-mokhit tüsho arünü zhi, “ Kiulongthsüpuh kutsüpde laang!”

ABEKHIT 16:34

Atungpuhnü Mosa ki thiyukhüm jihkhi nangde, azokhukpü thsüde manna ju tangzüng sangdan miki yuka zo.

ABEKHIT 25:21

Nüsanü sangdan mikheak mihmüthsüm binkiu yihkihbah, tüsho inü ajihpü lakhi lungbeak mahne sangdan ching yukang.

ABEKHIT 26:33

Zhindokhim ju awuklobe kheaknü zhinang tüsho ju dunglim tangzüng sangdan zoang. Zhindokhim junü Khide Amüsüh Dangpung kheaknü Amüsüh Dangpung büthsüjihbah.

ABEKHIT 27:21

Ashorupung khimyam, zhindokhim wungdo lim tangzüng sangdan miki, Aron tüsho api tsührübonü arenü yapsu khiungde Atungpuh miki tsünpung takanua zobah. Ha Israelrü thsung thsüde arü lünkhe amuyung yakzan thsükhi labah.

ABEKHIT 30:36

Ju chingnü anükhüh ayikangkang kamde dungang tüsho inü nü shorupung khimyam ching tangzüng sangdan miki zoang. Ha nü ki khide amüsüh labah.

ABEKHIT 30:6

Ha kingaün sadam ju tangzüng sangdan mikhuh zhinkhi khim aleanglim zoang. Ju dangpung ching inü nü shorubah.

ABEKHIT 31:18

Tüsho küyimki apinü Sinai Müzüng kheak Mosa ki asukachihkhamkhea, apinü anihbuh kilim Thrünpuhnü thiyukhüm thrütkihkhi lungbeak mahne jih.

ABEKHIT 32:15

Mosanü rholobah müzüng chingnü aki, tüsho thiyuzüng lungbeak mahne api khah ching lakheah. Lungbeakbo ju thrip aban thrütkih-a lakheah.

ABEKHIT 34:29

Küyimki Mosa Sinai Müzüng kheaknü khah ching thiyuzüng lungbeak mahne shuhbah akikhea, api miro zhingzhingkhi anihbuhnü mümükheah, tümütüsho apinü Atungpuh lung asukachih.

ABEKHIT 38:21

Ha amükeambuh Aron tsührü Ithamarnü khuhlangahuhkhi yande Levirünü Mosa yuzüng ching thrütyukkhi Thiyuzüng Thürü zopung arüngkhimyam thsungkheak kukrukbo khekhi ah.

ABEKHIT 40:20

Apinü lungbeak mahne ju lubah tangzüng sangdan ching yuk, sangdan phuhpho ching akhrihbebo yuk, tüsho sangdan mikheak mihmüthsüm binkiu yihkih.

WÜHKHE 17:4

Nünü jurübo inü nü shorupung khimyam ching tangzüng sangdan miki zojang.

YUNIRÜBO RHIMO 7:44

“Isa jipürübo sunglo ching ashorupung khimyam lakheah. Ha Thrünpuhnü Mosa ki khuhlangahuhkhi yande thsü.

ROMRÜ KILIM PAULNÜ ATHRÜTKHI KIHÜM HUHTANYU 3:2

Limro aban ching hihde lah. Akhuhde, Jihudarü ju Thrünpuh müchityu bede thiyia lah.

YUZÜNGTHALO 31:26

“Ha yakzan hüm luang tüsho Atungpuh nüsa Thrünpuh tangzüng sangdan rheang ching yukang, junangde api mihtsürü azhihde thiyumütsan labah;

IBRI 9:4

Ju ching rhümthünea takbe suna kingaün sadam tüsho sunanü alüpdokhi tangzüng sangdan lakheah. Ha sangdan ching ju manna zahkhi suna pangjiphüh, apungkhi Aron tso, tüsho tangzüng lungbeakbo lakheah;

JIHUSUA 4:16

“ Amükeamrübo tangzüng sangdan hanbah Jordan chingnü akhiukshihpü thiyukhüm jihang.”