ABEKHIT 24:8 - AMÜSÜH HÜM CL Bible (BSI)

⁸ Tüsho Mosanü athiyih lubah mihtsürübo kheak rhakkih tüsho tha, “Ha Atungpuhnü nüsa kheak harü yubo alala yande tangzüngkhi thiyih ah.”

ABEKHIT 24:8 Iomraidhean Croise

1 KIULONG THSÜRÜ 8:21

Ju ching apinü isa jipürü Ijip lo chingnü bekhitchoki Atungpuh tangzüng zahkhi sangdan zopü dangpung inü zolah.”

1 KIULONG THSÜRÜ 8:9

Sangdan ching tümü she mülakheah tüshe Israelrü Ijip lomi chingnü akhiukchoki Atungpuhnü arü kheak tangzüng pung Horeb ching Mosanü lungbeak mahne yukkhi lang alakheah.

MUNGSHIKHÜN 78:36

Tütüshe arünü arü münnü api ki thsüpkhilukhi; tüsho arü mulonü akeangyu tha;

ABEKHIT 24:6

Mosanü athiyih chamkhüh lubah müsühmüra-phuru ching yuk, tüsho chamkhüh lubah kingaün sadam kheak rhaka bah.

ISAIA 52:15

Junangde apinü trükshih ahihdo müyinnimshihbah; api dünkheaknü kiulongthsürübo arü mün yihdobah; tümütüsho arü ki müthakhi arünü angübah, tüsho arünü musokhi anikhitbah.

JEREMIA 31:32

Ha inü arü jipürü Ijip lomi chingnü khah kheaknü thokhitchoki tangzüng nangde yung, tümüde I arü aputungrü thsüthsü she, arünü I tangzüng thsümünim, Atungpuhnü thachoh.

EZEKIEL 16:8

Ju dunglim I hode yü, tüsho nü kheak kheah; nü ju muzhoachihpü kim lakheah. Inü I khim münkheam nü kheak züngkihjih tüsho nü bünkeang lakhi lüpdojih. Inü nü ki thiyuchihchim jih tüsho nü kheak tangzüngpü ching yüzah, Wuto Atungpuhnü thachoh, tüsho nü I yo kam.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

LEVI 8:30

Mosanü amujube müdangke khürü tüsho kingaünpung kheak lakhi thiyih khürü lubah Aron le atsührübo tüsho arü khimmihbo kheak rhakkihjih. Hanangde apinü arübo tüsho khimmihbo Atungpuh kilim müsühkhit.

HAGGAI 2:5

nüsa Ijip chingnü akhiukchoki inü nüsa ki alokhikhi nangde. I me nüsa lung lah; dütre.

ZEKARIA 9:11

Nüsa thsungkheaknü I thiyih tangzüng nüsa kheak lakhinü, inü nüsa aramrübo ke mülakhi shingkung chingnü zuzu thsüde adükhebah.

MATHI 26:28

Tümüde ha aso tangzüngkhi, ahihkhüh neak bahjihpü bukkhi I thiyih ah.

MARK 14:24

Tüsho apinü arü ki tha, “Ha ahihkhüh dünkheak thiyih bukkhi tangzüng aso I thiyih ah.

LUKNÜ ATHRÜTKHI THIYUSHEAK-ATSÜ HUHTANYU 22:20

Junangde yimtsüh dunglim apinü pung ju she lubah tha, “Ha pung nüsa dünkheak bukkhi I thiyih tangzüng aso ah.

1 KORINT 11:25

Junangde yimtsüh dunglim apinü pung lubah tha, “Ha pung I thiyih ching tangzüng aso ah. Nüsanü ayung aban I lümkhitde ha rhimoang.”

EFISIA 1:7

Api amüthsüm lakhit ayannü neakbo bahjihkhi api thiyih hode api kheak isa rhokhitkhi lah,

YUZÜNGTHALO 5:2

Atungpuh isa Thrünpuhnü isa ki Horeb ching tangzüng khülang thsü.

IBRI 10:29

Shepünü Thrünpuh tsührü jing khüp jungde, api tsangkhitkhi tangzüng thiyih müneankhea, tüsho amüthsüm Me mükhemükimrü küdükhüh she athsümüchipü thülünba de nüsanü lümcho?

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

JIHUSUA 24:25

Jumonü Jihusuanü mihtsürübo thsungkheak ju nimung tangzüng thsakham, tüsho Shekem ching arü thsungkheak yakzan tüsho thiyuzüngbo thsüjih.

1 PETER 1:2

Abuh Thrünpuhnü akhujungde amokhitkhi tüsho Jisu Khrista ki mihyuanipü tüsho api thiyih rhakkihpü Menü atsangkhitkhi: Amüthsüm tüsho mungtsü nüsa kilim alü kamshang.