ABEKHIT 24:18 - AMÜSÜH HÜM CL Bible (BSI)

¹⁸ Jumonü Mosanü amo phulung ju yüzah tüsho müzüng kheak wutu. Tüsho Mosa ju nimung yirü tüsho tsüngre yirü müzüng kheak lakheah.

ABEKHIT 24:18 Iomraidhean Croise

1 KIULONG THSÜRÜ 19:11

Apinü tha, “Wukhiukang tüsho awung kheak Atungpuh miki zhipang, tümüde Atungpuh hode ayüpü thsüchoh.” Kheakü apung ato lakheah, khide amüküpkhinü awungbo tüsho lungbo Atungpuh miki adütre kamde trüabah, tüshe apung ching ju Atungpuh mülakheah; tüsho apung dunglim muliuyuk züng tüshe Atungpuh ju muliuyuk ching mülakheah;

1 KIULONG THSÜRÜ 19:8

Apinü asürübah tsühyung; jushu apinü ju tsühyungkhi sühmühnü nimung yirü tüsho tsüngre yirü Atungpuh wung Sinai lim yü.

ABEKHIT 19:20

Judüki Sinai Müzüng mujuk kheak Atungpuh aki. Atungpuhnü müzüng mujuk kheak Mosa ji tüsho Mosanü wutu.

ABEKHIT 24:17

Israelrü mük ki müzüng müjuk kheak Atungpuh müretahkhi ju aniuabahbe motru nangde alakheah.

ABEKHIT 25:1

Judüki Atungpuhnü Mosa ki tha:

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

ABEKHIT 34:28

Ju ching Mosa nimung yirü tüsho tsüngre yirü yikhap mütsüh yungsho ke muyungde alakheah. Tüsho apinü lungbeakbo kheak tangzüng yubo, Thiyuzüng Thürü thrüt.

ABEKHIT 9:29

Tüsho Mosanü api ki tha, “I kiuto chingnü awukhiuk müleangnü, inü Atungpuh kilim I khahbo chungkihbah; tsüngmuk kheambah tüsho arulung mülade akambah, junangde alomi ju ATUNGPUH yo ah de nünü amükheahbah.

ABEKHIT 9:33

Jumonü Mosanü Pharao kinü kiuto ching wukhiuk tüsho Atungpuh kilim akhahbo chungkih; jushu tsüngmuk tüsho arulung keamlo, tüsho alo kheak tsüng makide kam.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

MATHI 4:2

Nimung yirü tüsho tsüngre yirü mütsühyung dunglim api khümabah.

MARK 1:13

Tüsho api Arimrinü rükakide sunglo ching nimung yirü la, tüsho mütüm shiwüh bolung lakheah; tüshe yunirübonü arübah api rung.

LUKNÜ ATHRÜTKHI THIYUSHEAK-ATSÜ HUHTANYU 4:2

arimrinü nimung yirü rükaki. Jurü nimungbo ching apinü tümü she mütsüh, tüsho jurü kheamabahshu, api khümde alakheah.

YUZÜNGTHALO 10:10

“Akhuhlim rhimokhi nangde, inü müzüng ching nimung yirü tüsho tsüngre yirü mung; ju kim ching she Atungpuhnü I ki anijihdo, tüsho apinü nüsa dükheakshihpü mumulongde kam.

YUZÜNGTHALO 5:31

Tüshe nü a I ki ha kheak zhipang, tüsho inü nü ki thiyukhümbo, yakzanbo, tüsho thiyuzüngbo nünü arü ki thsangyupü thsüde athabah, junangde inü arü kilim amükühpü jihkhi lo ching jurü anide arhimobah.

YUZÜNGTHALO 9:18

Akhuhlim nangde, nimung yirü tüsho tsüngre yirü inü Atungpuh miki khukning; tümütüsho nüsanü Atungpuh miki mütsüde neak yihbeakbah api bukakhiukshihkhi hode inü yikhap mütsüh yungsho ke she muyung.

YUZÜNGTHALO 9:25

“Jumonü inü Atungpuh miki nimung yirü tüsho tsüngre yirü mükhüm; tümütüsho Atungpuhnü nüsa dükheakshihbah de tha.

YUZÜNGTHALO 9:9

Atungpuhnü nüsa kilim thsüjihkhi tangzüng lungbeakbo leangkhia lupü küyimki I müzüng ching wutukhea, inü müzüng ching nimung yirü tüsho tsüngre yirü mung; inü yikhap she mütsüh yungsho ke she muyung.