ABEKHIT 24:14 - AMÜSÜH HÜM CL Bible (BSI)

¹⁴ Tüsho apinü azothsürübo ki tha, “Ike nüsa kilim alode marüyi khiungde ha ching aleangang. Aron tüsho Hur nüsa lung lah. Mihtsürü khürü küpkhuk ngüsho ane kilim yüshang.”

ABEKHIT 24:14 Iomraidhean Croise

THRÜNTAN 22:5

Abrahamnü athrününgtsüng büne ki tha, “Donki lung ha kheak aleangang; azübuh le I ju ching yübah kingaünbah, tüsho ikenü nüke kilim alode arübah.”

ABEKHIT 17:10

Jumonü Mosanü athakhi nangde Jihusuanü rhimo. Mosa le Aron tüsho Hur arünü awung mujuk kheak yükih.

ABEKHIT 17:12

Tüshe Mosa khahbo keahkhiabah; jumonü arünü lung khülang lubah api ju kheak binshih. Aron le Hur bünenü khülangnü thripkhüh khah tüsho khülangnü püpü thrip de thsungkihjih; tüsho ani yüzah khiungde api khahbo düküngde alakheah.

ABEKHIT 18:16

Küyimki arü neamneamruru labanü, arünü I kilim arüchoh, tüsho inü arü khülang le khülang dükeak mahkhapjihchoh; tüsho inü Thrünpuh yuzüngbo tüsho api yakzanbo mükheahshihchoh.”

ABEKHIT 32:1

Küyimki Mosa müzüng kheaknü akipü zhomakhi mihtsürübonü angükhea, arünü Aron mükamde mukhung tüsho tha, “Arang, isa müngüh yüpü thrünpuhbo thsüjang; tümüde isa Ijip lomi chingnü bekhitbuh Mosa kheak tümü dünjia lanü isanü mümükheah.”

1 SAMUEL 10:8

Tüsho nü I müngühnü Gilgal lim yükibah; jushu taka kingaünpü tüsho laksah-a mungtsü kingaünkhi jihpü I nü kilim akibah. I nü kilim arübah nünü arhimobebo muhuhyichoki nünü nimung thüne aleangang.”