ABEKHIT 23:8 - AMÜSÜH HÜM CL Bible (BSI)

⁸ Tüsho nünü buknim dülu, tümüde buknimnü mütsankhitpü mük tukshihchoh tüsho thiyuro yubo bephülapchoh.

ABEKHIT 23:8 Iomraidhean Croise

MUNGSHIKHÜN 15:5

shepünü nihbuh sho alü thsüpü münipshihcho, tüsho amülim mülarü azhihde buknim mulucho. Shepünü harü rhimochonü küyimkishe matrüt.

MUNGSHIKHÜN 26:10

mihtsürübo sherü khah ching amütsü asahkhi la, tüsho sherü khah tsülim buknimnü mila.

MÜCHITMUDU 15:27

Yihnelune mihtsürünü nihbuh yamkhün ching küpkhuk hande arüchoh, tüshe shepünü buknimbo thraneanchonü kutsüpbah.

MÜCHITMUDU 17:23

Thiyuro limro bephülappü mihbukmuyuknü ramde buknim luchoh.

MÜCHITMUDU 17:8

Mihtsürü khürünü buknim junü wurük nangde rhimochoh de lümchoh; junü lüpdükhi thsükhukbah de arünü kinchoh.

MÜCHITMUDU 19:4

Lakhitnü müyamrü hihde kamchoh, tüshe zhochihrü a nihbuh müyamrü müladebahchoh.

T H S AN GYU T H S AN GR ARÜ 7:7

Tsükjide ajunokhinü lümlung larü makhashihchoh, tüsho buknimnü mulong thsümünimchoh.

ISAIA 1:13

Kingaünbo handarükhi yihnüpü müla; arhümthüneakhi inü thraneanlah. Khinu aso tüsho amuni tüsho mukhungmüdan– amülim kihde arüngako mukhungmüdankhi inü marümkhuk.

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

ISAIA 33:15

Shepünü thiyuro-lungki ching tsahcho tüsho lungkide asukcho, shenü junode alü thsükhi khenocho, shenü buknim leangkhipü ching khah tuklocho, shenü thiyih bukkhi sopü chingnü nükhün tuklocho, tüsho amütsü rhimo kheahkhi chingnü arü mükbo tukcho,

ISAIA 5:22

Nüsa shepü phapke yungkhi ching athrungrü la tüsho yukhu rhupü ching mulong torü lanü are,

ISAIA 5:23

shepü buknim khülang thsungkheaknü amülim ngücho, tüsho amülim mülarü ki arü alimbo junocho!

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

HOSEA 4:18

Arünü ayungshu she, mutukzhakde beyapchoh; arü yakzanshuhrübonü achihbe limro muzhochoh.

AMOS 5:12

Tümüde nüsanü alakmihkhi küdükhühanü, tüsho nüsa neakbo küdükhüh atoanü inü mükheahlah–nüsa shepünü thiyuro-lungkirü thsünüshihcho, shenü buknim lucho, tüsho chipimurung ching müthsümülarü nimhuh-a bahcho.

MIKA 7:3

Arü khahbo amütsü thsüpü yuklah; atorü tüsho mahkhaprünü buknim kheangchoh, tüsho wularübonü arü künkhi thachoh; hanangde arünü lümkhi amütsü thsüchoh.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

1 SAMUEL 12:3

I ha ching lah; Atungpuh tüsho mujude-mokhitbuh miki I azhihde thiyumütsan jihang. Inü shepü lude? Yungsho shepü donki inü lude? Yungsho inü shepü kheak mulomülap de? Shepü kheak junokhi rhimode? Yungsho I mük tukpü thsüde shepü khah chingnü inü buknim lude? I azhihde thiyumütsan jihang tüsho ju inü nüsa kilim shaklobah.”

1 SAMUEL 8:3

Tütüshe atsührübonü api ru müyan, tüshe alü thsüpü lim anguhabah; arünü buknim lu tüsho thiyuro thsungphülap.