ABEKHIT 23:31 - AMÜSÜH HÜM CL Bible (BSI)

³¹ Inü nüsa aredung ju Amürüm Keto kheaknü Filistia Keto, tüsho loshelo chingnü Euphra Ayung khiungde athsüjihbah. Tümüde inü lomi ching larü nüsa khah ching jihbah, tüsho nüsa müngühnü ayankhitbah.

ABEKHIT 23:31 Iomraidhean Croise

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

1 KIULONG THSÜRÜ 11:2

Arübo ju trükshihbo chingnü, küpü thsungkheak Atungpuhnü Israelrü ki tha, “Nüsanü arü lung düyihluachih; tümüde tsükjide arünü nüsa mulong bephülapa arü thrünpuhbo yanshihbah”; judüalalashe Solomonnü arü kheak muzhode mürip.

1 KIULONG THSÜRÜ 20:13

Judüki wukihrü khürü Israel kiulongthsüpuh Ahab kilim atu tüsho tha, “Atungpuhnü ha thachoh, Ha boto ato alala nünü ngüdü de? Kheahang, khihni inü nü khah ching jihbah; tüsho I Atungpuh de nünü amükheahbah.”

1 KIULONG THSÜRÜ 4:21

Solomon ju Euphra chingnü Filistia lomi kiulongthsürübo alala kurungkheak, Ijip aredungyean she khiungde wu-sühmüh lakheah; arünü ruk handarü tüsho Solomon rhangdung lakhi amuyung tankih.

1 KIULONG THSÜRÜ 4:24

Tümüde apinü aniyüzahlim Euphra kewung alala, Tiphsa chingnü Gaza khiungde kiulongthsürübo alala kurungkheak yakzan shuh; tüsho thrip alala ching apinü mungtsü lakheah.

1 KIULONG THSÜRÜ 8:65

Junangde Solomonnü api lung Lebo-hamath kheaknü Ijip ayung khiungde boto ato tüsho Israel alala bebah Atungpuh isa Thrünpuh miki nimung thüne thünio mung.

2 KIUTHSÜYUKHEAN 9:26

Apinü kiulongthsürü alala kurungkheak Euphra chingnü Filistia lomi, tüsho Ijip aredungyean khiungde kiulongthsü.

MUNGSHIKHÜN 72:8

Apinü keto chingnü keto khiungde, tüsho Ayung chingnü alomi akheam khiungde yakzan shuhbah.

WÜHKHE 21:34

Atungpuhnü Mosa ki tha, “Dütre, tümüde inü api lung mihtsürübo tüsho alomi nüsa khah ching jihdo; tüsho Heshbon ching lakhi, Amor kiulongthsüpuh Sihon kheak rhimochoki nangde nüsanü api kheak rhimobah.”

WÜHKHE 34:2

Israel mihtsürübo ki thiyukhüm jihang, Küyimki nüsa Kanan lo ching arübanü, nüsa kilim mülüjihpü yamrüplurüp lo aredungbo ju harü ah:

YUZÜNGTHALO 1:7

Rholoang tüsho nüsa tsahmusuang, tüsho Amorrü wungbo, adükhün ching lakhi phünirü lapungbo, awungbo tüsho lokeambo, düjinglim tüsho keto yean Kanan tüsho Lebanonrü lo ching, Euphra yung ato khiungde yüang.

YUZÜNGTHALO 1:8

Kheahang, inü nüsa müngüh alo zojihlah; Atungpuhnü nüsa bebuhrübo– Abraham, Isak tüsho Jakob tüsho arü dunglim tsührübo kilim jihkhi lo ching yüzahbah mükühang.”

YUZÜNGTHALO 11:24

Nüsa jinglungnü athrümkhi dangpung aban nüsa yo thsübah: sunglo tüsho Lebanon chingnü Euphra yung kheaknü Mediterranean Keto she khiungde nüsa lomi thsübah.

YUZÜNGTHALO 2:33

Tüsho Atungpuh isa Thrünpuhnü api isa kilim jih; jumonü isanü api, atsührübo, tüsho api mihtsürü alala kukkheah.

YUZÜNGTHALO 2:36

Arnon jindükhün chinkheam kheak lakhi Aroer jindükhün ching lakhi kiuto, Gilead khiungde, kiuto khülang lang she isa thsungkheaknü chipi müküpde mülakheah; Atungpuh isa Thrünpuhnü alala isa khah ching jih.

YUZÜNGTHALO 20:16

“Tüshe Atungpuh nüsa Thrünpuhnü nüsa kilim yamrüplurüp jihkhi kiuto mihtsürübo, alala laksahang.

YUZÜNGTHALO 3:2

Tüsho Atungpuhnü I ki tha, api dütre, tümüde inü api lung amihtsürü, tüsho api lo alala nü khah ching jihdo; nünü api kheak, Heshbon ching lakhi Amorrü kiulongthsüpuh Sihon kheak rhimokhi nangde arhimobah.

YUZÜNGTHALO 6:19

tüsho Atungpuhnü alokhikhi nangde nüsanü nüsa riri yankhita bahbah.

YUZÜNGTHALO 9:3

Jumonü Atungpuh nüsa Thrünpuh khihni nüsa müngüh motru aniukhi nangde yüchoh de mükheahang. Apinü arü sheshihbah tüsho nüsa miki hande akijihbah; jumonü Atungpuhnü nüsa ki thakhi nangde nüsanü arü yankhitbah, tüsho nahde adükheakbah.

JIHUSUA 1:4

Sunglo tüsho ha Lebanon kheaknü Euphra ato keto, Hitrü lo chingnü aniyüzahlim Ato Keto khiungde nüsa lomi thsübah.

JIHUSUA 10:19

tüsho nüsa ju kheak düzhip, tahle thiriribo dunglim müshamang; arübo nihbuh kiuto ching düyüzahshih, tümüde Atungpuhnü arübo nüsa khah ching jihdo.”

JIHUSUA 10:8

Atungpuhnü Jihusua ki tha, “ Arübo dütre, tümüde inü arübo nü khah ching jihdo; arübo shenü she nü azhihde müzhipkhuk.”

JIHUSUA 13:6

Lebanon tüsho Misrephoth-maim ane dükeak awung lomi ching larü Sidonrü alala. Israelrü müngühlim yü yande inü harü mihtsürübo yankhita bahbah; judü lang inü thiyukhüm jihkhi nangde nünü alobo ju Israelrü kilim yamrüplurüp chama jihang,

JIHUSUA 2:24

Anenü tha, “Atungpuhnü lomi athrünkhi isa jihdo de tsükjide thakhuklah, tümüde ju lomi ching larübo alalanü isa khide trechoh.”

JIHUSUA 21:44

Arü jipürü ki tangzüngkhi nangde Atungpuhnü lomi mühi alala ching mungtsü jih. Arü riri shenü lang she arü azhihde müzhipkhuk, tümüde thiriri alala Atungpuhnü Israelrü khah ching jih.

JIHUSUA 23:14

“Kheakü I ashepü kim khiungdo, tüsho Atungpuh nüsa Thrünpuhnü thiyuchihchimde nüsa thsungkheak atsü lümjihkhi khülang she mülakphahde nüsa mulong tüsho me chingnü mükheahlah. Khülang she mülakphahde dünjido.

JIHUSUA 24:11

Küyimki nüsa Jordan hobah Jirikho lim arükhea, Jirikho mihkhungbonü nüsa bede keochih tüsho Amorrü, Perizrü, Kananrü, Hitrü, Girgashrü, Hivrü, tüsho Jebusrünü bede keochih. Tüshe arü alala inü nüsa kilim jih.

JIHUSUA 24:12

Amorrü kiulongthsü mahne yankhita bahshihpü inü mukhuto nüsa müngüh yüshih; hoju nüsa nukshang yungsho sanglühnü yung.

JIHUSUA 24:18

tüsho ju lo ching larü Amorrübo Atungpuhnü isa müngühnü yankhitabah. Jumonü isa she Atungpuh tankihbah, tümüde api isa Thrünpuh.”

JIHUSUA 24:8

Tüsho inü nüsa Jordan aniakhiuklim Amorrü lo ching bedarü. Arünü nüsa bede keochih, tüshe inü arübo nüsa khah ching jih tüsho nüsanü arü lo lu, tüsho inü nüsa müngühnü arü dükheakshih.

JIHUSUA 8:18

Atungpuhnü Jihusua ki tha, “Nü khah ching lakhi thsüh Ai limpeang chungang; tümüde inü ju nü khah ching jihchoh.” Apinü athakhi nangde Jihusuanü rhimo,

JIHUSUA 8:7

jushu nüsa thüram chingnü asürübah tüsho kiuto yanbah; tümüde Atungpuh nüsa Thrünpuhnü ju nüsa khah ching jihbah.

JIHUSUA 9:7

Tüshe Israelrübonü Hivrü ki tha, “ Tümüde isanü nüsa kheak binthrüm thsüpü? Khükijua nüsa a le aphüni larü labah.”

MAHKHAPRÜ 1:4

Judüki Judanü yü tüsho Atungpuhnü Kananrübo le Perizrübo arü khah ching jih, tüsho arünü Bezek ching arü 10,000 laksah.

MAHKHAPRÜ 11:21

Tüsho Atungpuh Israel Thrünpuhnü Sihon tüsho api mihtsürü alala Israel khah ching jih, tüsho arünü kuk. Junangde Israelnü arü lakhi lomi Amorrü lo alala lukheah.

1 SAMUEL 23:4

Kheaküshe Davidnü Atungpuh ki keokhi. Atungpuhnü api ki alo, “ He, Keilah lim yükiang; tümüde inü Filistiarü nü khah ching jihbah.”