ABEKHIT 23:27 - AMÜSÜH HÜM CL Bible (BSI)

²⁷ “Inü nüsa müngüh I trepü yüshihbah, nüsa yüpung mihtsürü alala bolung yingyingshihbah, tüsho nüsa riri alala rholode atsobah.

ABEKHIT 23:27 Iomraidhean Croise

THRÜNTAN 35:5

Judüki arünü tsahmusu, tüsho arü miki kiutobo alala kheak Thrünpuh mihtrebe lakheah, tüsho arünü Jakob tsührübo yande mümüsham.

2 SAMUEL 22:41

Nünü I thraneankhi I riribo düthsün I kilim anguhshih, tüsho inü arü thsümünimjih.

2 KIULONG THSÜRÜ 7:6

Tümüde Atungpuhnü Siria bonungrü ki khora-lolungbe, khorabo, tüsho bonungrü amuliuh düsheak soshih, junangde arünü khülangnü khülang ki tha, “Israel kiulongthsüpuhnü isa bede thirithsüpü Hit kiulongthsürübo tüsho Ijip kiulongthsürübo muloa lah.”

2 KIUTHSÜYUKHEAN 14:14

Arünü Gerar mühi kiutobo alala kuk, tümüde Atungpuh trekhi arü kheak lakheah. Arünü kiutobo alala yankhi tüsho ayankhikhi kukruk tode lu.

MUNGSHIKHÜN 18:40

Nünü I kilim I riri hungbo jih, junangde I thraneanrü inü dükheakshih.

MUNGSHIKHÜN 21:12

nünü arü kheak nü hühzobonü akipbah, tüsho rholobah alihde atsoshihbah.

ABEKHIT 33:2

Inü yunirü khülang nüsa müngüh yüshihbah tüsho Kananrü, Amorrü, Hitrü, Perizrü, Hivrü tüsho Jebusrü yankhitshihbah.

ABEKHIT 34:24

Tümüde inü nüsa müngüh trükshihbo yankhitbah tüsho nüsa lomi mülihshihbah; tüsho kam aban nüsa Atungpuh nüsa Thrünpuh miki wutuchoki shenü she nüsa lo lupü mülüm.

WÜHKHE 22:3

Tüsho mihtsürü hihmonü Moabrü khide trede kam, tüsho Israelrü dünkheaknü Moabrübo atrekhinü tukthsüde kam.

YUZÜNGTHALO 11:23

Atungpuhnü arü trükshihbo nüsa müngühnü yankhita bahbah, tüsho nüsa kheaknü atobe tüsho wu-sühmüh lakhi trükbo nüsanü yankhita bahbah.

YUZÜNGTHALO 11:25

Mihtsürü shenü she nüsa azhihde müzhipkhuk; apinü nüsa ki thiyuchihchimkhi nangde, nüsanü tsahyukde ayüpung lomi alala ching nüsa dünkheak phüthsaksümde tüsho trede akamshihbah.

YUZÜNGTHALO 2:25

Ha nimungnü rünbah thüning bukkhüp trükshihbo kheak nüsa dünkheaknü amüyinsahkhi tüsho atrebe yükihshihbah. Arünü nüsa dünkheak sobah trede ajanbah.

YUZÜNGTHALO 6:19

tüsho Atungpuhnü alokhikhi nangde nüsanü nüsa riri yankhita bahbah.

YUZÜNGTHALO 7:23

Tüshe arübo müyinnimde müdükheakkhamyi khiungde Atungpuh nüsa Thrünpuhnü arübo nüsa kilim jihbah.

1 SAMUEL 14:15

Binkheampung, thulu, tüsho mihtsürü alala bolung trede alakheah; bonungrü tüsho thirithsürübonü she ajan; alo ajan; tüsho ju khide trede kam.