ABEKHIT 23:24 - AMÜSÜH HÜM CL Bible (BSI)

²⁴ Nüsanü arü thrünpuhbo ki mukhukning, yungsho mütankih, yungsho arü yande mürhimo; tüshe nüsanü arü shahde lahyuka bahang tüsho amüsüh dungjingbo abümnü yihkheamjang.

ABEKHIT 23:24 Iomraidhean Croise

2 KIULONG THSÜRÜ 17:11

arü müngüh Atungpuhnü bede atsokhi trükshihnü arhimokhi nangde ju ching arünü achang dangpungbo kheak kingaün jih. Arünü amütsü rhimode Atungpuh bukakhiukshih;

2 KIULONG THSÜRÜ 17:8

tüsho Atungpuhnü Israel müngüh yankhitkhi trükshihbo tüsho Israel kiulongthsürübonü ahuhkhi jipü-yaklibo ching tsah.

2 KIULONG THSÜRÜ 18:4

Apinü achang dangpung lukde dungjingbo lukkheam, tüsho Ashera sangthsü kiukheam. Apinü Mosanü athsükhi müwayinchi phuruto adütre kamde yihnak, tümüde ju nimungbo khiungde Israel mihtsürübonü ju ki kingaünde alakheah; ju Nehushtan de ajikheah.

2 KIULONG THSÜRÜ 3:2

Abuh le abe ruk yunga lalashe apinü Atungpuh miki amütsü rhimo, tümüde apinü abuhnü athsükhi Baal dungjing yihkhita bah.

2 KIUTHSÜYUKHEAN 14:2

Asanü Atungpuh api Thrünpuh miki atsü tüsho alungki rhimo.

2 KIUTHSÜYUKHEAN 25:14

Küyimki Amazianü Edomrü laksahkhi chingnü arükhea, apinü Seir mihtsürü thrünpuhbo lulobah arü. Apinü jurü anihbuh thrünpuhbo thsüde zhipshihbah arü ki mükhüm tüsho arü ki kingaünkhibo tak.

2 KIUTHSÜYUKHEAN 33:2

Apinü Atungpuhnü Israel mihtsürü müngühnü yankhita bahkhi trükshihbo athraneanbe rhimobo yande Atungpuh miki amütsü rhimo.

2 KIUTHSÜYUKHEAN 33:9

Manasenü Juda tüsho Jirusalem ching larü bemüchih, jumonü Atungpuhnü Israel mihtsürü müngüh, yankhitkhi trükshihbo kheaknü alü arünü amütsü rhimo.

MUNGSHIKHÜN 101:3

Inü I mükbo ki mihbukmuyuk tümü muzo; akin mülarü rhimo inü thraneanlah; junü I kheak mükapkih.

ABEKHIT 20:3

“Nünü I miki püpü thrünpuhbo dülashih.

ABEKHIT 20:5

nünü arü ki dükhukning yungsho dükingaün. Tümüde I Atungpuh nüsa Thrünpuh, mükthsü Thrünpuhnü bebuhrü mülimkhi tsührübo kheak lün mahsam tüsho lün phüyi khiungde I thraneanrü rhua kheahchoh,

ABEKHIT 23:13

I Atungpuhnü nü ki thakhi lüpdükhi aniang. Püpürü thrünpuhbo ki dütamkhüntamnü; arü mungbo she dütha.

ABEKHIT 23:32

Nüsanü arü ki yungsho arü thrünpuhbo ki tangzüng düthsü.

ABEKHIT 23:33

Arübo nüsa lo ching dülashih, jude yungsho arünü I azhihde nüsa neak yihbeakshihbah. Tümüde nüsanü arü thrünpuhbo tankihsho, tsükjide ju nüsa ki qimürip labah.”

ABEKHIT 32:20

Tüsho arünü athsükhi moshipung-nunu apinü lubah mo ching takabah; jushu apinü asungthulung kamde dungthünakbah ke ching hiumüzütabah, tüsho Israelrünü ju yungshih.

EZEKIEL 16:47

Nünü arü limrobo ching lang atsahkhi yung tüsho arü athraneanbe rhimobo lang akheahkhikhi yung, tüshe nü limrobo alala ching nahde arü kheaknü nü amütsübe kam.

HOSEA 10:2

Arü mulong amülim lah; kheakü arünü mülimkhi hanbeah. Atungpuhnü arü kingaün sadambo lukkheambah, tüsho arü dungjingbo thsümünimbah.

LEVI 18:3

Nüsa lapung Ijip ching arünü arhimokhi düyan, tüsho inü nüsa bede arüpung Kanan ching arünü arhimokhi dürhimo. Nüsanü arü yakzan thsükhibo düyan.

LEVI 26:1

Nüsanü nüsa thsungkheak sangthsü tümü düthsü tüsho sangthsü yungsho dungjing düzhipshih, tüsho khukningde kingaünpü thsüde lung lamkhita nüsa lo ching düzhipshih; tümüde I Atungpuh nüsa Thrünpuh.

WÜHKHE 25:2

Arünü mihtsürübo jia arü thrünpuhbo ki laksah-a kingaünshih, tüsho mihtsürübonü tsühyung tüsho arü thrünpuhbo ki khukning.

WÜHKHE 33:52

nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

YUZÜNGTHALO 12:3

Tüsho nüsanü arü kingaün sadam thsümünimjang, amüsüh dungjingbo kingkheamjang tüsho sangthsükhi thrünpuhbo monü taka bahjang; sangthsükhi thrünpuhbo nüsanü kiukheama bahjang tüsho ju dangpung chingnü arü mung dükheakshang.

YUZÜNGTHALO 7:5

Tüshe ha ruk nüsanü arü ki rhimoang: nüsanü arü yo kingaün sadam khapkheamjang, dungjingbo kingkheamjang, Ashera dungjingbo kiukheamjang, tüsho sangthsübo monü takabahjang.