ABEKHIT 23:20 - AMÜSÜH HÜM CL Bible (BSI)

²⁰ “Kheahang, nüsa limro ching kümshihpü tüsho inü tsanglungkhi dangpung ching nüsa bede yüzahshihpü nüsa müngüh yunirü khülang thiyichoh.

ABEKHIT 23:20 Iomraidhean Croise

THRÜNTAN 15:18

Ju nimung Atungpuhnü Abram kheak tangzüng khülang thsü tüsho tha, “Nü tsühsoniusobo kilim inü ha lo jihchoh, Ijip ayung chingnü Euphra ayung ato–

THRÜNTAN 24:40

Tüshe apinü I ki tha, ‘Atungpuh , shepü miki I tsahchonü api yunirü nü lung arüshihbah tüsho nü limro akuk ngüshihbah; tüsho nünü I keoniorü tüsho I buh yamkhün chingnü I tsührü niube lujihbah.

THRÜNTAN 24:7

Atungpuh yinmi Thrünpuh, shepünü I keoniorü lomi tüsho I buh yamkhün chingnü I bea lukhea, tüsho I ki thiyuchihchimde tha, ‘Nü tsühsoniusobo kilim inü ha lomi jihbah,’ apinü nü müngüh api yunirü thiyibah tüsho nünü ju chingnü I tsührü niube lujihbah.

THRÜNTAN 48:16

Yunirü shepünü amütsü alala chingnü I rhokhitkhea, azürübo müngühjang; tüsho arü kheak I mung tüsho I buh pürü Abraham tüsho Isak mung lashang; tüsho arübo alomi ching mihhihde kamshang.”

MUNGSHIKHÜN 91:11

Tümüde apinü api yunirü nü limro alala aheangshihpü nü kurungkheak zojihbah;

ABEKHIT 14:19

Tüsho Israel bonungrü müngüh yükhi Thrünpuh yunirünü rholobah arü dunglim yü; tüsho amo dungto arü mikhuhnü yübah arü dunglim zhip.

ABEKHIT 15:16

Mihtrebe tüsho atrebe arü kheak keamkih; nü khah tokhi hode arübo lung nangde mülüplüp, O Atungpuh , nünü athulokhi nü mihtsürü muhoyi khiungde.

ABEKHIT 15:17

Nünü arü bede yüzahbah nü wung kheak khimbah, O Atungpuh , nünü nü lapung thsükhi dangpung, O Atungpuh , nü khahnü athsükhi arüngakopung.

ABEKHIT 23:23

Tümütüsho I yunirü nüsa müngüh yübah tüsho nüsa Amorrü, Hitrü, Perizrü, Kananrü, Hivrü tüsho Jebusrü lomi ching bede yüzahbah; tüsho inü arübo dükheakshihbah.

ABEKHIT 32:34

Kheakü inü athakhi dangpung ching mihtsürübo bede yüang, tüsho I yunirü nü müngüh yübah. Judüalalashe, küyimki thsümüchipü kim arübanü, inü arü neak dünkheak arübo thsümüchibah.”

ABEKHIT 33:14

Tüsho apinü tha, “I nü lung yübah tüsho inü nü sühakhim jihbah.”

ABEKHIT 33:2

Inü yunirü khülang nüsa müngüh yüshihbah tüsho Kananrü, Amorrü, Hitrü, Perizrü, Hivrü tüsho Jebusrü yankhitshihbah.

ISAIA 63:9

Arü lümthsünü alala ching api she lümthsünüde kam, yunirü khülangnü yung tüshe Atungpuhnü arü khümkhit; api muzho ching tüsho api khah-ching müyüzahkhinü arü bemusu tüsho awün nimungbo alala ching buh.

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

WÜHKHE 20:16

Küyimki isanü Atungpuh ki zhikhea, apinü isa düsheak sobah yunirü thiyi tüsho isa Ijip chingnü bede akhiuk; kheakü isa nü lomi aredung yean, Kadesh kiuto ching lah.

WÜHKHE 22:22

Judüki Thrünpuh bukakhiuk tümütüsho Balaam yüde alakheah, tüsho Atungpuh yunirünü api azhihde limro ching zhip. Balaamnü anihbuh donki kheak binbah be tüsho api yamlarü mahne api lung lakheah.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

JOHAN 14:3

Tüsho nüsa thsungkheak lapung thsakhampü I yüsho, I alode arübah tüsho I kilim nüsa bea lubah; junangde I küching labanü, nüsa she ju ching labah.

YUZÜNGTHALO 33:2

Apinü tha, “Atungpuh Sinai chingnü arü tüsho Seir chingnü isa kheak yinkhi; apinü Paran müzüng chingnü tahkih, api amüsührü chithürü thürü lungnü arü, akhah tsülim peang amüküp yakzan lakheah.

JIHUSUA 23:5

Atungpuh nüsa Thrünpuhnü nüsa müngühnü arü akhinshihbah, tüsho nüsa mikinü apinü arü yankhita bahbah. Atungpuh nüsa Thrünpuhnü thiyuchihchimkhi nangde, nüsanü arü lo lubah.

JIHUSUA 5:13

Küyimki Jihusua Jirikho thüninde alakhea, apinü mihtsürü khülang nuk shuhbah, api müngüh zhipde ngü, Jihusuanü api miki yübah keokhi, “Nü isa bonungrü khülang khüh a shi, dashi thiriri a le?”

JIHUSUA 5:14

Apinü alo, “ Küpü she yung; tüshe Atungpuh bonungrü thiyukhüm jihrü I kheakü arüdo.” Tüsho Jihusuanü alo kheak khukningbah kingaün, tüsho apinü tha, “I TUN GPU H , nü yamlarü ki nünü tümü thiyukhüm jihnela?”

JIHUSUA 6:2

Atungpuhnü Jihusua ki tha, “ Kheahang kiulongthsüpuh tüsho athrungrü bonungrübo bebah, Jirikho nü khah ching jihdo.