ABEKHIT 23:2 - AMÜSÜH HÜM CL Bible (BSI)

² Amütsü rhimopü nünü boto düyan; yungsho thiyumütsan jihchoki thiyuro bephülappü thsüde boto kilim dütsang.

ABEKHIT 23:2 Iomraidhean Croise

THRÜNTAN 19:4

Arü ayappü müngüh Sodom kiuto amühit aban chingnü athunurü tüsho azorü mihtsürü alalanü thüyam zündo.

THRÜNTAN 6:12

Junangde Thrünpuhnü alomi thsümünima ngü; tümüde mihtsürü alalanü alomi kheak arü lalim athsümünim lakheah.

THRÜNTAN 7:1

Atungpuhnü Noa ki tha, “Nü tüsho nü yamkhün alala sangkung ching yüzahang, tümütüsho ha lün ching I miki nü lang thiyurolungki ah de inü ngüdo.

1 KIULONG THSÜRÜ 19:10

Apinü alo, “Wuto Thrünpuh, Atungpuh thsungkheak I khide künsahde alakheah; tümüde Israelrünü nünü tangzüngkhi bahyukbah nü kingaün sadam lukkheamdo, tüsho nü yo wukihrübo nukshangnü laksahkhamdo. I lang aninga lah, tüsho arünü I laksahpü yimchoh.”

JOB HU H T ANYU 31:34

tümütüsho boto trekhinü inü zhipa lasho, tüsho gukbonü abahyukkhinü I müzüna lasho, junangde inü khimdopü hode muwukhiukde zhikde laa lasho–

MUNGSHIKHÜN 72:2

Apinü nü mihtsürü thiyuro-lungkirü, tüsho zhochihrübo ki alungkinü mahkhapbah.

MÜCHITMUDU 1:15

I tsah-a, arü lung düyü, arü jingshu ching düjung;

MÜCHITMUDU 18:5

Mihbukmuyuk ki jakkheah huhkhi yungsho thiyuro-lungkirü mahkhap ching bahyukkhi ju atsü yung.

MÜCHITMUDU 4:14

Mihbukmuyuk tsahpung ching düyüzah, tüsho amütsü limro ching dütsah.

JEREMIA 37:15

Atorübonü Jeremia kheak bukakhiuk tüsho api lakbah athrütbuh Jonathan yam ching ramyuka zo, tümüde ju rihyam thsüa lakheah.

JEREMIA 37:21

Jumonü kiulongthsüpuh Zedekianü thiyukhümbo jih, tüsho arünü Jeremia ju aheangrü mahkhappung ching jih; tüsho kiuto chingnü yikhap alala mükheamyi khiungde yikhapthsüpungbo chingnü nimung abande I kilim yikhap khülang jih. Junangde Jeremia ju aheangrü mahkhappung ching lakheah.

JEREMIA 38:9

I tungpuh kiulongthsüpuh, harü mihtsürünü akhümnü asheshihpü thsüde kekung ching bahkhi, wukihbuh Jeremia kheak mütsüde rhimodo, tümüde kiuto ching yikhap aninga müla.

EZEKIEL 9:9

Apinü I ki alo, “ Israel tüsho Juda yamkhün neak khide tolah; alomi ju thiyih bukkhinü milah tüsho kiuto thiyuro mülakhinü milah. Arünü thachoh, ‘Atungpuhnü alomi bahyukdo; Atungpuhnü mükheah.’

LEVI 19:15

Nünü thiyuro müthade mah dükhap; nünü zhochihrü ki jak dükheah, yungsho atorü ki dütre: Thiyuronü nünü nü yamhingrü mahkhapang.

HAGGAI 1:4

Ha yam thsümünima lachoki, nüsa a thüyam atsübo ching lapü ha kim a de?

MARK 15:15

Jumonü Pilatnü boto asühshihpü arü kilim Baraba dükhe; tüsho apinü Jisu ju rhapbah sangkim ching yümkihshihpü jih.

LUKNÜ ATHRÜTKHI THIYUSHEAK-ATSÜ HUHTANYU 23:51

Apinü arü kiuthsübinkiunü pungkhikhi ching mümulungde alakheah. Api ju Jihudarü kiuto Arimathea chingnü ah tüsho api she Thrünpuh kiulongthsü aleangde alakheah.

YUNIRÜBO RHIMO 24:27

Tüshe küyimki kam mahne hokhea, Felix ju Porcia Festanü müthri; tüsho Jihudarü asühshihpü Felixnü Paul ju rihyam ching zo.

YUNIRÜBO RHIMO 25:9

Tüshe Festanü Jihudarü asühshihpü mulungde Paul ki tha, “Nünü Jirusalem lim wutubah harü dünkheak I miki mahkhapshihpü mulongla shi?”

ROMRÜ KILIM PAULNÜ ATHRÜTKHI KIHÜM HUHTANYU 1:32

Sherünü jurü rhimobanü ashepü thülünlah de arünü Thrünpuh yakzan mükheahkheah she, arünü arhimokhi lang yung tüshe jurü rhimorü she alim jihchoh.

YUZÜNGTHALO 1:17

Nüsanü mahkhapkhi ching jak dükheah; nüsanü aninirü tüsho atorü ane chido yu aniang; nüsanü mihtsürü sheshe dütre, tümüde mahkhapkhi ju Thrünpuh yo. Khide achakkhi mahmung ju I kilim lubah arang, tüsho inü ju anibah.

YUZÜNGTHALO 16:19

Nünü thiyuro amülim dükamshih; nünü jakkheahkukheah dühuh, yungsho buknim düleangkhi, tümüde buknimnü lümlung larü mük tukshihchoh tüsho thiyuro tharü yu thophülapjihchoh.

YUZÜNGTHALO 24:17

“Nünü khiungkerü yungsho mürerü dünkheaknü alim düthsümünim, yungsho thiyuchihchimkhi ching khimoberü khimmih dulu.

JIHUSUA 24:15

Kheakü nüsanü api mütankihnesho, nüsa lakhi lo ching nüsa jipürünü akingaünkhi kethripkhüh yungsho Amorrü thrünpuhbo tankihba shi shepü tankihbanü khihni mokhitang; tüshe I tüsho I yamkhün a Atungpuh tankihbah.”

1 SAMUEL 15:24

Saulnü Samuel ki tha, “Inü neak yihbeakdo; tümüde inü Atungpuh yukhüm tüsho nü yubo lakmihdo, tümütüsho inü mihtsürübo kheak trede arü yu anido.

1 SAMUEL 15:9

Saul tüsho mihtsürübonü Agag aningshih, tüsho namfimihnu le moshibo, tüsho moshi nunu le namfimihnunu atsüdakbo mülaksah, tüsho tümükhüh atsübo müthsümünim; yihnüpü mülakhi yungsho athülih-kukrukbo arünü shahde thsümünim.