ABEKHIT 23:15 - AMÜSÜH HÜM CL Bible (BSI)

¹⁵ Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

ABEKHIT 23:15 Iomraidhean Croise

ABEKHIT 12:2

“Ha khinu ha nüsa thsungkheaknü kam yo akhuhbe khinu labah.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 13:4

Abib khinu, ha nimung nüsa wukhiukchoh.

ABEKHIT 22:29

“Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 34:18

“Phaüm muyukkhi yikhap thünio mungang. Inü nüsa ki thiyukhüm jihkhi nangde phaüm muyukkhi yikhap nimung thüne akhukhitkhi kim Abib khinu ching tsühang; tümüde ju kim ching nüsa Ijip lomi chingnü akhiukkheah.

ABEKHIT 34:20

Akhuh anukhi donki a nünü namfimihnunu khülangnü rhokhitang, tüshe nünü mürhokhitsho ahung yihshakang. Nü tsührü athrürü adüji alala nünü arhokhitbah. Tüsho sheshe I miki khahkeang darü.

LEVI 23:10

Israel mihtsürübo ki thaang: Küyimki nüsanü inü ajihkhi lo ching arüba, tüsho yimlubanü, nüsanü akhuhde yimlukhi hi phung amükeambuh kilim handarünü jihang;

MIKA 6:6

“Tümü lubah inü Atungpuh miki arüba, tüsho achang kheak Thrünpuh miki khukningba? Inü kam khülang bankhi moshi nunubonü taka kingaünpü api miki lubah arüba shi?

MARK 14:12

Kheakü phaüm muyukkhi akhuhbe nimung, arünü phunghothünio namfimihnunu laksahchoki, ajingyanrübonü api ki tha, “Nü phungho-thünio yimtsühpü thsüde nünü isa kükheak yübah thsakhamshihnela?”

LUKNÜ ATHRÜTKHI THIYUSHEAK-ATSÜ HUHTANYU 2:41

Kheakü api bebuhrünü phungho-thünio ching kam aban Jirusalem ching yüde alakheah.

LUKNÜ ATHRÜTKHI THIYUSHEAK-ATSÜ HUHTANYU 22:7

Judüki phungho-thünio namfimihnunu laksahpü phaüm muyukkhi nimung arü.

YUNIRÜBO RHIMO 12:3

tüsho junü Jihudarü asühshihkhi apinü ngübah Peter she arampü tankih. Ha phaüm muyukkhi thünio kim ching lakheah.

YUZÜNGTHALO 16:16

“Kam chingnü mahsam ki nüsa athrürü alala apinü amokhitkhi dangpung ching Atungpuh nüsa Thrünpuh miki mukhungbeah: Phaüm muyukkhi yikhap thünio ching, yimlukhi thünio ching tüsho arüngkhimyam thünio ching; tüsho arünü khahkeangnü Atungpuh miki marübeah.

1 SAMUEL 6:3

Arünü tha, “Nüsanü Israel Thrünpuh sangdan dükhea tsoshihpü thsüsho, akeangkeang düyüshih, tüshe küdüküdü she amülimkhi kingaün jihloa yüshang. Jushu nüsa thsüngubah tüsho tümü thsükhi api khah nüsa kheaknü muluakhinkheanü nüsanü amükheahbah.”