ABEKHIT 23:14 - AMÜSÜH HÜM CL Bible (BSI)

¹⁴ “Nüsanü kam khülang ching I kilim mahsam ki thünio mungang.

ABEKHIT 23:14 Iomraidhean Croise

1 KIULONG THSÜRÜ 9:25

Solomonnü kam khülang ching mahsam ki apinü Atungpuh thsungkheak thsükhi kingaün sadam kheak rhümthüneabe Atungpuh miki jihde, taka kingaün tüsho mungtsü kingaün laksah-a jih. Junangde apinü thüyam ju thsükhi.

2 KIUTHSÜYUKHEAN 8:13

nimung aban yihnüpü rhimo, Mosa yukhüm yande amunibo, khinu aso, tüsho kam kheam thünio mahsam thsungkheak jih–phaüm muyukkhi thünio, yimlukhi thünio, yünthsünio.

ABEKHIT 23:17

Kam khülang ching mahsam ki athrürübo Atungpuh nüsa Thrünpuh miki arang.

ABEKHIT 34:17

“Nüsanü azünkhi thrünpuhbo düthsü.

ABEKHIT 34:18

“Phaüm muyukkhi yikhap thünio mungang. Inü nüsa ki thiyukhüm jihkhi nangde phaüm muyukkhi yikhap nimung thüne akhukhitkhi kim Abib khinu ching tsühang; tümüde ju kim ching nüsa Ijip lomi chingnü akhiukkheah.

EZEKIEL 46:9

Küyimki lomi mihtsürübonü akhukhitkhi thünio ching Atungpuh miki arübanü, sherü dukulim chipiripit chingnü yüzahbanü düjinglim chipiripit chingnü wukhiukbah; tüsho sherü düjinglim chipiripit chingnü yüzahbanü dukulim chipiripit chingnü wukhiukbah: arünü arü yüzahkhi chipiripit limronü rholode mutso, tüshe langdü lang mikhuhlim yübah.

LEVI 23:16

Amuni thünepü dunglim nimung thünim kheang; jushu nüsanü aso hi kingaün Atungpuh kilim jihang.

LEVI 23:34

Israelrü tsührübo ki thaang: Ha khinu thüne nimung thürükheak phüngü ninü ründe nimung thüne khiungde Atungpuh miki arüngkhimyam thünio labah.

LEVI 23:4

Harü ha Atungpuh thüniobo, amüsüh amukhungbo, nüsanü akhukhitkhi kim ching zhiyukjihpü lah.

LEVI 23:5

Akhuhbe khinu, nimung thürükheak phüyi nipü ani yüzahchoki ju Atungpuh phungho-thünio ah.

YUZÜNGTHALO 16:1

“Abib khinu leangkhiang, tüsho Atungpuh nüsa Thrünpuh ki phungho-thünio mungang, tümüde Abib khinu ching Atungpuh nüsa Thrünpuhnü nüsa azhing ching Ijip chingnü bekhit.

YUZÜNGTHALO 16:16

“Kam chingnü mahsam ki nüsa athrürü alala apinü amokhitkhi dangpung ching Atungpuh nüsa Thrünpuh miki mukhungbeah: Phaüm muyukkhi yikhap thünio ching, yimlukhi thünio ching tüsho arüngkhimyam thünio ching; tüsho arünü khahkeangnü Atungpuh miki marübeah.

1 SAMUEL 1:3

Ha buh mihtsürünü Shilo ching Wuto Atungpuh ki laksah-a kingaünpü api kiuto chingnü kam abande wutu, ju ching Eli tsührü 2, Hophni tüsho Phinehas ane Atungpuh amükeamrübo lakheah.