ABEKHIT 23:11 - AMÜSÜH HÜM CL Bible (BSI)

¹¹ tüshe kam thünepü ching nünü thulu ju müthsü tüsho ju ching mukhuhkhi düyimlu, junangde nüsa mihtsürü zhochihrünü atsühbah; tüsho tümü arünü aningshihbanü thulu ching lakhi shiwühbonü atsühbah. Nünü kurungasolu tüsho oliv dungbo kheak junangde thsang.

ABEKHIT 23:11 Iomraidhean Croise

NEHEMIA 10:31

Mürangkhüh khiungkerünü hi yungsho tümükhüh handarü Amuni yungsho püpü amüsüh nimung isa ki yinsho muthulo. Kam athünepü ching isanü thulu müthsü, shozüng alala mulude abahbah.

NEHEMIA 10:32

Kam aban mihbüm kheaknü shotoyinchi düpüt 5 arüngyam thsüpü arung jihbah.

ABEKHIT 23:10

“Nünü kam thuruk nü lubo ching mükheanang tüsho hibo yimluang,

ABEKHIT 23:12

Nünü nimung thuruk nü rhimo thsübah tüsho thüne nipü sühakhimbah, junangde nü moshipung le donki sühakhimbah, tüsho nü yamkhün ching azhorü tsührü tüsho khiungkerübo süh shilobah.

LEVI 25:20

Tüshe nüsanü akeokhibah, Isanü mümükhean yungsho hi müyimlusho, kam thünepü ching isa tümü tsühba?

LEVI 25:22

Küyimki nüsanü kam atizheahpü ching mükheanbanü, kam thurukpü khiungde nüsa awün hi tsühde alabah; ju yimlude malungyichoki khiungde, nüsa awün hi tsühbah.

WÜHKHE 16:14

Kheaküshe nünü isa niuhke tüsho mukhuke bukpung lo ching bede marü, yungsho thulu le kurungasolu yamrüplurüp isa kilim müjih. Nünü harü mihtsürü mükji khünkhita bahjihpü? Isa matu!”

YUZÜNGTHALO 15:11

Tümüde zhochihrübo alomi chingnü küyimkishe mükheam; jumonü inü nüsa ki thiyukhüm jihchoh, nünü nü lomi ching nüsa keoniorü zhochihrü tüsho mülamüthsürü kilim nü khah trünang.