ABEKHIT 23:1 - AMÜSÜH HÜM CL Bible (BSI)

¹ “Nünü akeangyu thiyusheak mahiuhbeah. Thiyuro mülakhi thiyumütsan thsüpü mihbukmuyukrü dürung.

ABEKHIT 23:1 Iomraidhean Croise

THRÜNTAN 39:17

Judüki alibenü api ki thiyu ha ruk tha, “Nünü isa kilim Ibrirü yamlarü bede arükhinü I ki mükhemürangpü arüdo;

2 SAMUEL 16:3

Kiulongthsüpuhnü tha, “Tüsho nü putungrü tsührü küching la?” Zibanü kiulongthsüpuh ki tha, “Api Jirusalem ching lah; tümüde apinü tha, ‘ Khihni Israel yamkhünnü I pü kiulongthsü I kilim jihlobah.’”

2 SAMUEL 19:27

Apinü I tungpuh kiulongthsüpuh ki nü yamlarü mulomülapjihdo. Tüshe I tungpuh kiulongthsüpuh a Thrünpuh yunirü ruk ah; jumonü tümü nü tsükhi lanü rhimoang.

MUNGSHIKHÜN 101:5

Shepünü nihbuh yamhingrü mülapmüjichonü inü api thsümünimbah; shepü mükzahlungzah la tüsho akükheangkhi mulong lanü, inü api marümkheam.

MUNGSHIKHÜN 120:3

Nü kilim tümü jihba, yungsho nü ki tümü thsüba, nüsa akeangyu mulo?

MUNGSHIKHÜN 15:3

Shepünü api mulonü müjipjipraracho, tüsho api müyamrü ki amütsü müthsücho, yungsho api yamhingrü ki azhihde kiubuyu müthacho;

MUNGSHIKHÜN 27:12

I riribo lümkhi ching I düyukjih, tümüde athsümünim sheak thsükhitde I azhihde thiyumütsan wusudo.

MUNGSHIKHÜN 35:11

Mihmukhiuh thiyumütsanbo I azhihde arüchoh; inü mümükheahkhi arünü I ki keokhichoh.

ABEKHIT 20:16

“Nünü nü yamhingrü azhihde arükchih thiyumütsan düthsü.

ABEKHIT 23:7

Arükchihbo chingnü nü limshuang; amülim mülarü tüsho thiyuro larü dülaksah. Tümüde inü mihbukmuyuk alim müjih.

MÜCHITMUDU 10:18

Shepünü athraneankhi ramchonü akeangyu münküpbo lah, tüsho shepünü dünthamungtha bushihchonü makharü ah.

MÜCHITMUDU 12:17

Shepünü thiyuro asukchonü thiyuro-lungki khipkhitchoh, tüshe arükchihnü akeangyu thiyumütsan thsüchoh.

MÜCHITMUDU 14:5

Thiyuro lakhi thiyumütsannü akeangyu mütha, tüshe arükchih thiyumütsannü akeangyu thachoh.

MÜCHITMUDU 17:4

Amütsü mihtsürünü amütsü lümkhibo anichoh, tüsho akeangyu tharünü akeangyu anichoh.

MÜCHITMUDU 19:28

Athsümünim thiyumütsannü thiyuro kheak luhmünechoh, tüsho mihbukmuyuk münnü amütsü muyuabahchoh.

MÜCHITMUDU 19:5

Arükchih thiyumütsan jihrü müthsümüchidüa mutso, tüsho shepünü akeangyu asukchonü mutsokhi.

MÜCHITMUDU 19:9

Arükchih thiyumütsan jihrü müthsümüchidüa mutso, tüsho shepünü akeangyu asukchonü adükheakbah.

MÜCHITMUDU 21:28

Arükchih thiyumütsan adükheakbah, tüshe düshihde lümakheahrü yu rünkhiungbah.

MÜCHITMUDU 24:28

Amütsan mülade nü yamhingrü azhihde thiyumütsan düthsü yungsho nü münküpbonü dümülapyuk.

MÜCHITMUDU 25:18

Mihtsürü shepünü nihbuh yamhingrü azhihde thiyumütsan thsüchonü shitso, nukshang, tüsho hühzo nangde lah.

MÜCHITMUDU 25:23

Dukulim pungnü tsüng bede arüchoh, tüsho dünthamungthanü bukakhiuk hande arüchoh.

MÜCHITMUDU 6:19

arükchih thiyumütsan asukkhi, tüsho keoniorü bolung alanaji akhiukshihkhi mihtsürü.

JEREMIA 20:10

Tümüde jikjikyu ahihdo inü solah, “Atrebe alala mükamde lah! Api yusheak jihang! Isanü api yusheak jihanü!” I müyamrükhung alalanü I jing mükhelim kheahchoh. “ Khükia api mülapyukbah, tüsho isanü api kukbah tüsho api kheak isa royimbah.”

LEVI 19:11

Nüsanü dahüh yungsho rük thsüde dümülapyuk yungsho khülangnü khülang ki akeangyu dütha.

LEVI 19:16

Nünü nü mihtsürü lung jipjiprarade wutula akila de düthsü, tüsho nü yamhingrü rhangdung azhihde düzhip: I Atungpuh ah.

MATHI 19:18

Apinü anihbuh ki tha, “Küpü a?” Tüsho Jisunü alo, “Nünü dülaksah, nünü müzammüram düthsü, nünü dahüh, nünü arükchih thiyumütsan düthsü,

LUKNÜ ATHRÜTKHI THIYUSHEAK-ATSÜ HUHTANYU 19:8

Judüki Zakainü zhip tüsho Atungpuh ki tha, “Atungpuh, Atungpuh, inü kukruk shihchamkhüh zhochihrü kilim jihchoh; tüsho inü arükchihnü mudode khürü kilimnü kukruk lua lasho, inü phüyi kinü alü jihlochoh.”

LUKNÜ ATHRÜTKHI THIYUSHEAK-ATSÜ HUHTANYU 3:14

Bonungrübonü she api ki keokhi, “Tüsho isanü tümü rhimoba?” Tüsho apinü arü ki tha, “Athsümünimrü yungsho arükchih mudode she sho she düjangkhijangra, tüsho nüsa mihkhah dün ngükhinü reangkeamang.”

JOHAN 7:51

“Api musoyide tüsho api tümü rhimochonü mümükheahyide isa yakzannü mihtsürü khülang mahkhapcho de?”

ROMRÜ KILIM PAULNÜ ATHRÜTKHI KIHÜM HUHTANYU 3:8

Dale tüsho, “Atsü arüpü thsungkheak isanü amütsü rhimoanü” de isanü tümüde müthapü? Mihtsürü khürünü hadürü thade I mükhemükimdo! Arü thülünde abahyukbah.

EFISIA 4:25

Jumonü arükchih lakhi bahbah mihbüm abannü yamhingrü ki thiyuro thaang, tümüde isa rukhüh kheyukrü ah.

YUZÜNGTHALO 5:20

“Nünü nü yamhingrü azhihde amülim thiyumütsan düthsü.

2 TIMOTHI 3:3

mümuzhokhi, neak mübahjihkhi, dünthamungtha, nihbuh müdanyukkhi, bukmükekhi, atsü thraneanrü,

1 PETER 3:16

tüsho nü lümkhi müsühde zoang, junangde nü amülim jihchoki, sherünü nü yakli atsü luhmünebanü Khrista ching achih ngübah.

AMIKHEAKAKHIUKKHI 12:10

Tüsho yinmi ching düsheak achangnü thade inü so, “Kheakü akhümkhit, wu isa Thrünpuh kiulongthsü tüsho api yo Khrista thiyukhüm-sühmüh arüdo, tümüde isa Thrünpuh miki azhing ayin isa keoniorü amülim jihrü jipkhia bahdo.