ABEKHIT 22:30 - AMÜSÜH HÜM CL Bible (BSI)

³⁰ Nünü nü moshipungbo tüsho namfimihnubo she ju ruk thsang. Abe lung nimung thüne labah; atizheah nipü nünü I kilim jihang.

ABEKHIT 22:30 Iomraidhean Croise

THRÜNTAN 17:12

Nüsa lünbo ching nüsa yamkhün chingnü asürükhi yungsho nüsa tsührü yungde khiungkerü shonü thulode arükhi thsüthsü nüsa bolung athrürü aban nimung tizheah thsüsho tsütabahbeah.

ABEKHIT 13:12

akhuhde anukhi pung Atungpuh kilim jihang. Nüsa shiwüh akhuh anukhi pung Atungpuh yo ah.

EZEKIEL 4:14

Judüki inü tha, “Jude yung, Wuto Atungpuh ! Inü küyimkishe I müneana mükheah. I athunu kinü kheakü khiungde inü küyimkishe ashekhi yungsho mütüm shiwühbonü athonakkhi mütsühakheah. Mümüsühkhi shih tümü she I mün ching yüzah-a mükheah.”

LEVI 11:44

Tümüyungde I Atungpuh nüsa Thrünpuh ah; jumonü nüsabo müsühkhitang, tüsho müsühde laang, tümütüsho I amüsüh ah. Alo kheak abüde atsahbe lorilokobo dünkheaknü müneana dulu.

LEVI 11:45

Tümüyungde I nüsa Thrünpuh thsüpü thsüde, nüsa Ijip lo chingnü bekhitbuh Atungpuh ah; jumonü nüsa müsühde laang, tümütüsho I amüsüh ah.

LEVI 12:3

Tüsho nimung atizheah ni khungarü ju tsütabahang.

LEVI 17:15

Mihtsürü khürü, Israel yungsho khiungkerü thsüthsü akeangnü ashekhi shiwüh yungsho mütüm shiwühnü anguhsahkhi shih shepünü atsühbanü akhimmih müsühbeah, kemüyihbeah tüsho api arelim khiungde mümüsühkhi labah, tüsho api amüsüh kambah.

LEVI 22:27

Küyimki moshipung yungsho namfimihnu yungsho mihnu adrebanü, abe lung nimung thüne labah; tüsho atizheah nipünü ründe Atungpuh kilim taka kingaünpü aleangkhikhukkhi thsübah.

LEVI 22:8

Apinü shiwüh akeangnü ashekhi yungsho mütüm shiwühnü anguhsahkhi shih tümü she mütsüh; junü api müneanjihbah: I Atungpuh ah.

LEVI 7:23

“Israelrü tsührübo ki thaang: Nüsanü moshipung, namfimihnu tüsho mihnubo müdang mütsüh.

LEVI 7:24

Ashelimnü ashekhi shiwüh yungsho ari-shiwühnü anguhsahkhi müdang mütsühbeah, tüshe yihnüpü khürü ching yukpü kuklah.

LEVI 7:26

Junangde, Israelrü küching küching lalashe arünü wuhnubo yungsho shiwühbo thiyih mütsüh.

YUZÜNGTHALO 14:21

Nüsanü tümükhüh akeangnü ashekhi dütsüh; nüsanü ju nüsa kiuto ching lakhi hanrü ki jihpü kuklah, junangde apinü ju tsühbah, yungsho nüsanü ju khiungkerü ki yinjang; tümüde nüsa ju Atungpuh nüsa Thrünpuh kilim amüsüh mihtsürü ah. Nüsanü mihnu nunu abe niuhke ching dükhiung.

YUZÜNGTHALO 15:19

“Nü moshi tüsho mihnu bolungnü akhuh adrekhi pung alala Atungpuh nü Thrünpuh ki müsühkhitang; nünü akhuh adrekhi moshinü tümü dürhimo, yungsho akhuh adrekhi mihnu kheaknü anam dünip.