ABEKHIT 22:29 - AMÜSÜH HÜM CL Bible (BSI)

²⁹ “Nünü akhuh yimlukhi tüsho sangaso-kebo kingaün jihpü dashu. Nü tsührü adüjibuh I kilim jihang.

ABEKHIT 22:29 Iomraidhean Croise

2 KIULONG THSÜRÜ 4:42

Mihtsürü khülang akhuh asokhi sangasobo lubah Baal-shalisha chingnü Thrünpuh mihtsürü kilim arü: barli yikhap 20 tüsho anihbuh shungliu qiuqiu ching aso yimlukhi hi ye. Elishanü tha, “Ju mihtsürübo kilim jihang tüsho arübo tsühshang.”

2 KIUTHSÜYUKHEAN 31:5

Thiyukhüm jihkhi yanalünde, Israel mihtsürünü akhuh asokhi hi, yukhu, müdangke, mukhuke, tüsho thulu chingnü akhiukkhi alala suhdahde jih; tüsho mungjithürü yo shihcham suhdahde lubah yüzah.

ABEKHIT 13:12

akhuhde anukhi pung Atungpuh kilim jihang. Nüsa shiwüh akhuh anukhi pung Atungpuh yo ah.

ABEKHIT 13:2

“Israelrü lung akhuhde azübekhi athrürü tüsho akhuhde anukhi shiwüh I kilim müsühkhitang; ju I yo ah.”

ABEKHIT 23:15

Nüsanü phaüm muyukkhi yikhap thünio mungang; inü nüsa ki thiyukhüm jihkhi nangde Abib khinu akhukhitkhi nimungbo ching nüsanü nimung thüne phaüm muyukkhi yikhap tsühbah, tümüde ha khinu ching nüsa Ijip chingnü akhiukkheah. Sheshe I miki khahkeang darü.

ABEKHIT 23:16

Nüsanü thulu ching mükheankhi akhuh asokhi hibo Yimlukhi Thünio laang; tüsho nüsanü thulu chingnü hibo Hanmukhungkhi Thünio laang.

ABEKHIT 23:19

Nüsa lo chingnü akhuh asokhi sangaso Atungpuh nüsa Thrünpuh yam ching hande arang. Mihnu nunu abe niuhke ching dükhiung.

ABEKHIT 34:19

Athrürü adüjirü tüsho shiwüh pung adüji moshi yungsho mihnu thsüthsü I yo ah.

ABEKHIT 34:20

Akhuh anukhi donki a nünü namfimihnunu khülangnü rhokhitang, tüshe nünü mürhokhitsho ahung yihshakang. Nü tsührü athrürü adüji alala nünü arhokhitbah. Tüsho sheshe I miki khahkeang darü.

EZEKIEL 20:40

Tümüde I yo amüsüh müzüng, Israel müzüng kheak, Wuto Atungpuhnü thachoh, ju lomi ching Israel yamkhün lüpdükhinü I tankihbah, tüsho ju ching inü arübo leangkhibah. Ju ching inü nüsa kingaünbo tüsho amokhitkhi nüsa thsambahbo, nüsa yo amüsüh shuhmülanga jihkhi bede yihnüpü labah.

LEVI 22:27

Küyimki moshipung yungsho namfimihnu yungsho mihnu adrebanü, abe lung nimung thüne labah; tüsho atizheah nipünü ründe Atungpuh kilim taka kingaünpü aleangkhikhukkhi thsübah.

MIKA 7:1

Ayokhe! Tümüde I a muzhu sangaso rho dunglim, kurungaso rho dunglim, atsühpü adüchi müngürü ruk kamdo; I khümkhi thsungkheaknü akhuh münkhi khubaso müla.

WÜHKHE 18:13

Arü lo ching sangaso akhuhde amünkhi arünü Atungpuh kilim hande arükhi ju nüsa yo thsübah. Nüsa yamkhün ching müsühde alarübonü ju tsühpü kuklah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

ROMRÜ KILIM PAULNÜ ATHRÜTKHI KIHÜM HUHTANYU 8:23

Tüsho thrüna lakhi lang yung, tüshe Me akhuh sangaso isabo, tsührübo kampü, isa pangbo rhokhitpü aleangde alunglimnü ashechoh.

YUZÜNGTHALO 15:19

“Nü moshi tüsho mihnu bolungnü akhuh adrekhi pung alala Atungpuh nü Thrünpuh ki müsühkhitang; nünü akhuh adrekhi moshinü tümü dürhimo, yungsho akhuh adrekhi mihnu kheaknü anam dünip.

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.